. ඔලිම්පියන්ස් සංගමයේ සභාපතිනිය ශ්‍රියාණි | කෙළිමඬල
2018 මැයි මස 22 වැනි අගහරුවාදා
ඔලිම්පියන්ස් සංගමයේ සභාපතිනිය ශ්‍රියාණි
2017-07-15 18:37:07 | සුසිල් ප්‍රේමලාල්

ප්‍රවීණ මලල ක්‍රීඩිකා ශ්‍රීයානි කුලවංශ මහත්මිය අද (15දා) පෙරවරුවේ කොළඹදී පිහිටුවාගන්නා ලද ශ්‍රී ලංකා ඔලිම්පියන්ස් සංගමයේ සමාරම්භක සභාපතිවරිය ලෙස නිතරගයෙන් තේරීපත් වූවාය.  


ශ්‍රී ලංකා ඔලිම්පියන්ස් සංගමය යනු 1948 ලන්ඩන් ඔලිම්පික් ක්‍රීඩා උළෙලේ සිට 2016 රියෝ ඔලිම්පික් ක්‍රීඩා උළෙල දක්වා ශ්‍රී ලංකාව නියෝජනය කරන ලද ක්‍රීඩක ක්‍රීඩිකාවන්ගෙන් සමන්විත සංගමයකි.


අදාළ සංගමයේ වාර්ෂික මහසභා රැස්වීම කොළඹ ජාතික ඔලිම්පික් කමිටු ශ්‍රවණාගාරයේදී පැවැති අතර එහි සමාරම්භක සභාපතිවරිය ලෙස පත්වූ ශ්‍රියානි කුලවංශ මහත්මිය අවස්ථා 3කදී (1992, 1996 සහ 2000) ඔලිම්පික් ක්‍රීඩා නියෝජනයකර ඇති ප්‍රවීණ ක්‍රිඩිකාවකි.


ශ්‍රී ලංකා ඔලිම්පියන්ස් සංගමයේ උපසභාපතිවරයා ලෙස සුගත් තිලකරත්න මහතාත්, ලේකම්වරිය ලෙස දමයන්ති දර්ශා මහත්මියත්, භාණ්ඩාගාරිකවරයා ලෙස අනුරුද්ධ රත්නායක මහතාත් (බොක්සිං) තේරී පත්වූහ.


සිඩ්නි ඔලිම්පික් උළෙලේ රිදී පදක්කම්ලාභී සුසන්තිකා ජයසිංහ මහත්මිය මෙම නව සංගමයේ යාවජීව අනුශාසකවරිය ලෙසද තේරී පත්කෙරිණි.


එහි කමිටු සාමාජිකයන් ලෙස ජුලියන් බෝලින් (පිහිනුම්), මහේෂ් පෙරේරා (මලල ක්‍රීඩා), රුවිනි අබේමාන්න (වෙඩිතැබීම) සහ හරිජන් රත්නායක (මලල ක්‍රීඩා) යන මහත්ම මහත්මීහු පත්වූහ.


අදාල සංගමයේ ව්‍යවස්ථාව අනුව වසර 4කට වරක් නව නිලධාරි මණ්ඩලයක් පත්කර ගැණෙනු ඇත. පැරණි ඔලිම්පික් ක්‍රීඩක ක්‍රීඩිකාවන්ගේ සුභසාධනය සහ අනාගතයේදී තවත් ඔලිම්පික් පදක්කමක් දිනාගැනීම සඳහා අනාගත පරපුර දිරිමත් කිරීමේ අරමුණින් මෙම සංගමය පිහිටුවා ගැනීමේ ප්‍රධාන අරමුණ වේ.  

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
බැංගලෝර් - මුම්බායි තරගාවලියෙන් ඉවතට...
2018-05-20 22:14:42
අයි.පී.එල්. තරගාවලියේ ප්‍රබල කණ්ඩායම් දෙකක් ලෙස සැලකෙන මුම්බායි ඉන්දියන්ස් සහ රෝයල් චැලේන්ජර්ස් බැංගලෝර් කණ්ඩායම් වලට මේ වසරේදී (2018)...
දෙවරක් දිනුවොත් රජකම වසර 8 කට...
2018-05-18 21:36:01
ශ්‍රී ලංකාවේ බලවත්ම ජාතික ක්‍රීඩා සංගමය ලෙසින් සැලකෙන ශ්‍රී ලංකා ක්‍රිකට් ආයතනයේ ව්‍යවස්ථාව සංශෝධනය කිරීමට ශ්‍රී ල...
පන්දු නොයැවීමට මැතිව්ස්ගෙන් තීරණයක්...
2018-05-20 20:41:12
දීර්ඝ කාලීන අබාධිත තත්ත්වයට තිත තබමින් නැවතත් ඉක්මනින් ක්‍රීඩාකරන්න ලැබීම ගැන තමන් ඉතාමත් සතුටට පත්වූ බව ශ්‍රී ලංකා කණ්ඩායමේ හිටපු...
කොදෙව් සංචාරයේ සංයුතිය වෙනස් වෙයි...
2018-05-19 19:07:13
මේ මස අගදී ආරම්භ වීමට නියමිත ශ්‍රී ලංකා කණ්ඩායමේ කොදෙව් සංචාරයේදී පැවැත්වීමට නියමිත ටෙස්ට් තරග තුනෙන් එකක් වෙනුවට එක්දින තරග දෙකක් හෝ ...