. ෆෙඩරර් අටවැනි විම්බල්ඩන් ශූරතාව සොයයි | කෙළිමඬල
2017 සැප්තැම්බර් මස 25 වැනි සඳුදා
ෆෙඩරර් අටවැනි විම්බල්ඩන් ශූරතාව සොයයි
2017-07-15 19:05:55 | සැකසුම : මොහාන් ප්‍රනාන්දු

අන්තර්ජාතික ටෙනිස් පිටියේ වයසට නොයන ක්‍රීඩකයකු ලෙස ප්‍රකට ස්විට්සර්ලන්තයේ සුපිරි ක්‍රීඩක 35 හැවිරිදි රොජර් ෆෙඩරර් හෙට (16) ලන්ඩනයේ ඕඞ්ල් ඉන්ග්ලන්ඞ් ක්ලබ් හී දී ක්‍රොඒෂියාවේ මරීන් සිලික් සමග සටනට බසින්නේ සිය අටවැනි විම්බල්ඩන් කිරුළ අතට ගැනීමේ අරමුණ ඇතිවය. මීට පෙර ග්‍රෑන්ඞ් ස්ලැම් ටෙනිස් ශූරතා 18 ක්ම දිනා වාර්තාපොතේ පෙරමුණේ පසුවන මේ ස්ව්ට්සර්ලන්ත ජාතිකයා විම්බල්ඩන් ටෙනිස් පිටියේ ජනප්‍රියතම ක්‍රීඩකයා ද වෙයි.

ෆෙඩරර් මේ දක්වා ගෙදර ගෙන ගිය ග්‍රෑන්ඞ් ස්ලැම් කුසලාන 18 න් 7 ක්ම අත්කරගත්තේ විම්බල්ඩන් පිටියේදීය. ඊට අමතරව විම්බල්ඩන් අනුශූරතා 4 ක්ද ඔහුගේ කුසලාන කැබිනෙට්ටුවේ පෙනෙන්නට තිබේ.

අන්තර්ජාතික ටෙනිස් පිටියේ වත්මන් ශ්‍රේණිගත කිරීම්වල තුන්වැනි තැන පසුවන ෆෙඩරර් අවසන් වරට විම්බල්ඩන් කිරුළක් දිනාගත්තේ වසර 2012 දීය. ඉන් අනතුරුව ඔහුට විම්බල්ඩන් කිරුළක් තියා කිසිම ග්‍රෑන්ඞ් ස්ලෑම් කිරුළක් වත් ලැබී නැත. එබැවින් හෙට (16 වැනිදා) ශ්‍රී ලංකා වේලාවෙන් පස්වරු 6.30 ට ක්‍රොඒෂියානු ජාතිකයා සමග කෙරෙන තරගයේ ප්‍රතිඵලය ඔහුට සෑහෙන වටිනා එකක් වනු නිසැකය.

අවුරුදු 35 කුත්, දින 343 ක් වයසට ගොස් සිටින ෆෙඩරර් විම්බල්ඩන් තරගාවලියක අවසන් මහා තරගයට සුදුසුකම් ලැබූ දෙවැනි වයස්ගතම ක්‍රීඩකයාය. ඊට පෙර ඕස්ටේ්‍රලියාවේ කෙන් රොස්වෝල්  1974 වසරේ විම්බල්ඩන් අවසන් තරගයට එක්වෙද්දී ඔහුට අවුරුදු 39 කුත්, දින 24 කි.

මෙවර ශූරයාට සහ ශුරියට බි්‍රතාන්‍ය පවුම් මිලියන 2.2 ක් බැගින් මුදල් කන්දරාවක් පිරිනැමෙන අතර එය පසුගිය වසරට වඩා වැඩිය.  එසේ වුවත් මේ අතිශය ධනවත් ටෙනිස් තරුවට මුදලට වඩා වටින්නේ කුසලානයයි. එය ඔහුගේ කීර්තියත්, ආධිපත්‍යයත් තවදුරටත් ටෙනිස් පිටියේ පතුරුවාලීමට ලැබෙන මහඟු අවස්ථාවක් වනු ඇත.

ෆෙඩර්ර් සමග හෙට තරගයට පිවිසෙන 28 හැවිරිදි මරීන් සිලික් කෙරෙහි අඩුවෙන් තක්සේරු කරන්නට බැරිය. ඔහු 2014 දී අමෙරිකානු විවෘත ටෙනිස් කිරුළ දිනාගත්තේ ෆෙඩරර් පරාජය කරමිනි. අනිත් අතට ඔහු විම්බල්ඩන් ටෙනිස් කිරුළට කුරුමානම් අල්ලමින් සිටින්නේ වසර 2014 සිටය. එදා සිට එක දිගට පසුගිය වසර දක්වාම අර්ධ අවසන් පූර්ව වටයට සේන්දු වූ මේ ක්‍රීඩකයා මෙවර සිහිනය සැබෑ කරගැනීමේ අටියෙන් පසුවෙයි.
 
‘මේක මට ලෝකයටත් වඩා ලොකු ජයග්‍රහණයක් වේවි. 2014 අමෙරිකානු විවෘත ටෙනිස් ශූරතාව මගේ පළමුවැනි ග්‍රෑන්ඞ් ස්ලෑම් කිරුළයි. හෙට මං දිනන්න යන්නේ දෙවැනි එකයි. ඒක එක අතකට ලොකු කන්දක් තරණය කරනවා වගේ වැඩක්. අනිත් අතට විම්බල්ඩන් පිටිය කියන්නේ ෆෙඩරර්ට හරියට එයාගේ ගෙදර වගේ. කොහොමවුණත් මට පුදුම ආත්ම විශ්වාසයක් තියෙනවා.‘ මරීන් එසේ කියයි.

හෙටින් නිමාවට පත්වන්නේ 131 වැනි විම්බල්ඩන් ටෙනිස් ශූරතාවලියයි.

 

සැකසුම : මොහාන් ප්‍රනාන්දු


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
සංගා 8 වැනි ශතකයත් ලබාගනී...
2017-09-21 18:54:33
එංගලන්ත ප්‍රාන්ත ක්‍රිකට් තරගාවලියේ සරේ ප්‍රාන්ත කණ්ඩායමට ක්‍රීඩා කරන කුමාර් සංගක්කර මෙවර තරගවාරයේ 8 වැනි පළමු පෙළ ශතකය ලබ...
මැතිව්ස්ට පළමු ටෙස්ට් තරගය අහිමි වෙයි...
2017-09-20 15:56:48
ශ්‍රී ලංකාව සහ පාකිස්තානය අතර එක්සත් අරාබි එමීර් රාජ්‍යයේදී පැවැත්වෙන පළමු ටෙස්ට් තරගය ශ්‍රී ලංකා පිලේ හිටපු නායක ඇන්ජලෝ මැතිව...
කෝලි තවත් වාර්තාවක් අභියස...
2017-09-23 20:27:41
සංචාරක ඕස්ට්‍රේලියානු කණ්ඩායමට එරෙහිව හෙට (24 වැනිදා) පැවැත්වීමට නියමිත තරගයේදී තවත් වාර්තාවක් සම කිරීමට ඉන්දීය කණ්ඩායම් නායක විරාට් ක...
සංගක්කාරගේ සරේ සංදර්ශනය සමාප්තයි...
2017-09-23 18:44:15
සිය වසර 20 ක පළමු පෙළ ක්‍රිකට් දිවියේ අවසන් තරගයේදීත් ශතයක් ලබාගත් 39 හැවිරිදි කුමාර් සංගක්කාර, පළමු පෙළ ක්‍රිකට් පිටියට සමුදුන්නේ...
ක්‍රිකට් ක්‍රීඩකයෝ පරීක්‍ෂණයක් ඉල්ලති...
පරීක්ෂණයක් තියනවා නම් ඒක සී.අයි.ඩී. එකට දෙන්න ඕනෑ. ඒ වගේම හැම ක්‍රීඩකයෙක්ගේම වත්කම් විගණනය කරන්නත් ඕනෑ. ක්‍රිකට් ආයතනයෙන් පරීක්ෂණයක් තියනවා කියන්නේ ...
මැතිව්ස්ට පළමු ටෙස්ට් තරගය අහිමි වෙයි...
ලෙඩ්ඩු නැති ටීම් එකක් හදාගන්න බැරිද? වෙන කවුරු හරි දාලා... මේක කරන්න. එයා සනීප වෙනකම් වත්. අනික මෙයා මැච් එකකට කලින් දවසේ ලෙඩ වෙනවා. ලෙඩ ගුහාවක්නේ... ...
උපුල් තරංග ...
ඔව්, අපිට අපේ ක්‍රිකට් ආපහු ඕනේ... අපි අයට උදව් කරනවා. අතීතය අමතක කරලා සැබෑ සිංහයන් ලෙසින් වැඩ පෙන්වන්න. ...
චාමර සිල්වාට වසර දෙකක තහනමක්...
මේ වනවිට සියලුදෙනා දන්න කාරණයක් තමයි මේක කැකිල්ලේ නඩු තීන්දුවක් බව. ක්‍රීඩා ඇමැතියි, සුමතිපාලයි කියන්නේ දෙන්නෙක් නෙමේ එක්කෙනෙක්. මේ යන විදිහට ලංකාවේ ක...
ශා. සිල්වෙස්ටර්ට මුල් ඉනිමේ ජයක්...
මම හදවතින්ම සුබපතනවා !!!...