. මොබිටෙල් ඊගල්ස් ශූරතාව දිනයි | කෙළිමඬල
2017 සැප්තැම්බර් මස 20 වැනි බදාදා
මොබිටෙල් ඊගල්ස් ශූරතාව දිනයි
2017-07-17 09:18:37 | යොහාන් භාසුර

ශ්‍රී ලංකා රග්බි සංගමය දෙවැනි වරට සංවිධානය කළ ‘ශ්‍රී ලංකා සුපර් 7’ සත් සාමාජික රග්බි තරගාවලියේ සමස්ත ශූරතාව දිනා ගැනීමට රොෂාන් වීරරත්න මෙහෙයවූ මොබිටෙල් ඊගල්ස් පිල ඊයේ (16) සමත් විය. සුදර්ශන මුතුතන්ත්‍රි මෙහෙයවූ ඊසි වුල්ව්ස් පිලට සමස්ත අනු ශූරතාව හිමිවිය.

දෙවැනි අදියරට සමගාමීව පැවැති පාසල් තරගාවලියේ ශූරතාව මහනුවර කිංස්වුඞ් විදුහල දිනාගත් අතර අනු ශූරතාව මරදාන ශාන්ත ජෝශප් විදුහලට හිමිවිය.  

තරගාවලියේ දෙවැනි සහ අවසන් අදියර කොළඹ පැරණි තුරඟ තරග පිටියේදී පැවැති අතර එහි අවසන් තරග ඊයේ රාත්‍රියේ පැවැත්විණ. තරගාවලියේ අවසන් දිනය වූ පෙරේදා රාත්‍රී පැවැති දෙවැනි අදියර කුසලාන ශූරතා අවසන් මහ තරගයේදී ඊසි වුල්ව්ස් පිල ලකුණු 26-12 කින් මොබිටෙල් ඊගල්ස් පිල පරාජය කළේය.

අවසන් මහ තරගයේ පළමු අර්ධය අවසන් වන ඊසි වෝල්ව්ස් පිල ලකුණු 14-12 කින් ලකුණු 2 කින් පමණක් පෙරමුණේ සිටිය ද, ඊසි වුල්ව්ස් පිලේ කළු ජාතික ක්‍රීඩකයන් දෙවැනි අර්ධයේදී වඩාත් ආක්‍රමණශීලි වීමෙන් ලකුණු 26 ක් දක්වා ඒමට අවස්ථාව උදාවිය.  

මොබිටෙල් ඊගල්ස් පිල පළමු අදියරේ ශූරතාව සමගින් ලකුණු 55 ක් හිමිකරගත් අතර ඊසි වුල්ව්ස් පිල පළමු අදියරේ 5 වැනි ස්ථානය සමගින් ලකුණු 43 ක් ලබාගත්තේය. 

පළමු අදියරේ අනු ශූරයන් වූ සොෆ්ට්ලොජික් වොරියර්ස් පිල ලකුණු 34 ක් ද, ඇක්සස් කිංග්ස් පිල ලකුණු 34 ක් ද, ලබා සමස්ත තෙවැනි ස්ථානය හිමිකර ගත්හ.

එටිසලාට් පැන්තර්ස් ලකුණු 26 ක් ලබා පස්වැනි ස්ථානයද, වෝකර්ස් වයිපර්ස් පිල ලකුණු 22 ක් ලබා හයවැනි ස්ථානය ද, කාගීල්ස් ග්ලැඩියේටර්ස් ලකුණු 18 ක් ලබා හත්වැනි ස්ථානය ද, කේ.බී.එස්.එල්. ඩ්‍රැගන්ස් පිල ලකුණු 10 ක් ලබා අටවැනි ස්ථානය ද, හිමිකර ගත්හ.

පාසල් තරගාවලියේ කුසලාන ශූරතා අවසන් මහ තරගයේදී කිංස්වුඞ් විදුහල් ක්‍රීඩකයෝ මරදාන ශාන්ත ජෝශප් විදුහලට එරෙහිව ලකුණු 7-5 ක තියුණු ජයක් ලැබූහ. 

ශාන්ත ජෝශප් විදුහල පළමු අර්ධය අවසන් වන විට ලකුණු 5-0 ක් ලෙස පෙරමුණේ පසු වුවද දෙවැනි අර්ධයේ අවසන් භාගයේදී කිංස්වුඞ් විදුහල ගෝලයක් සම්පූර්ණ කරමින් ලකුණු 2 කින් ඉදිරියට පැමිණියේය. 

කාන්තා තරගාවලියේ අවසන් මහ තරගයේදී නාවික හමුදා ක්‍රීඩිකාවෝ ලකුණු 41-5 කින් යුද හමුදා පිල පරාජය කිරීමට සමත් වූහ.
මෙම තරගාවලියේ ප්‍රධාන අනුග්‍රහකයා ලෙස ‘ඩයලොග්’ ආයතනය කටයුතු කළේය. 

 අවසන් තරග ප්‍රතිඵල

ප්‍රධාන තරගාවලිය
● කුසලාන ශූරතාව : ඊසි වුල්ව්ස් පිල විසින් ලකුණු 26-12 කින් මොබිටෙල් ඊගල්ස් පිල පරාජය කරන ලදී.
● පළඟ ශූරතාව     : කාගීල්ස් ග්ලැඩියේටර්ස් පිල විසින් ලකුණු 22-19 කින් එටිසලාට් පැන්තර්ස් පරාජය කරන ලදී.
● බඳුන ශූරතාව     : ඇක්සස් කිංග්ස් පිල විසින් ලකුණු 34-19 කින් සොෆ්ට්ලොජික් වොරියර්ස් පිල පරාජය කරන ලදී.
● පළිහ ශූරතාව     : වෝකර්ස් වයිපර්ස් පිල විසින් ලකුණු 28-17 කින් කේ.බී.එස්.එල්. ඩ්‍රැගන්ස් පිල පරාජය කරන ලදී.

පාසල් තරගාවලිය 
● කුසලාන ශූරතාව : මහනුවර කිංස්වුඞ් විදුහල විසින් ලකුණු 7-5 කින් මරදාන ශාන්ත ජෝශප් විදුහල පාරජය කරන ලදී. 
● පළඟ ශූරතාව      : බම්බලපිටිය ශාන්ත පීතර විදුහල විසින් ලකුණු 36-5 කින් වෙස්ලි විදුහල පාරජය කරන ලදී.
● බඳුන ශූරතාව      : ගල්කිස්ස විද්‍යා විද්‍යාලය විසින් ලකුණු 19-12 කින් ඉසිපතන විදුහල පරාජය කරන ලදී. 
● පළිහ ශූරතාව      : කටුගස්තොට ශාන්ත අන්තෝනි විදුහල විසින් ලකුණු 3-5 කින් මරදාන සහිරා විදුහල 
පාරජය කරන ලදී. 

 


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මාලිංගගෙන් බීමර් වරුසාවක්...
2017-09-17 22:00:57
ඉන්දිය කණ්ඩායමට එරෙහිව පැවැති තරගාවලිය සඳහා තණතීරු සකස් කිරීමේදී ශ්‍රී ලංකා කණ්ඩායමේ අපේක්‍ෂාවන්ට පටහැණි ලෙසින් තණතීරු සකස් කළේ යය...
ක්‍රිකට් දැනුමැත්තෝ කර අරිති...
2017-09-14 22:30:22
තවත් සති දෙකකින් ආරම්භ වීමට නියමිත ශ්‍රී ලංකා - පාකිස්තානු තරගාවලියට පෙර තේරීම් කමිටුවක් පත්කරගැනීමේ අභියෝගයට මුහුණ දී සිටින ශ්‍රී...
තිසර ලෝක කණ්ඩායම දිනවයි...
2017-09-13 23:35:55
තිසර පෙරේරාගේ පිතිහරඹය සහ පන්දුයැවීම හමුවේ පාකිස්තාන කණ්ඩායමට එහෙිව ලාහෝර්හි ගඩාෆි ක්‍රීඩාංගණයේදී අද (13 වැනිදා) පැවැති දෙවැනි විස්සයි...
කාබුල් ගිය ජයසූරිය බෝම්බෙන් බේරෙයි...
2017-09-13 23:33:10
ඇෆ්ගනිස්ථානයේ කාබුල් නුවර ක්‍රිකට් ක්‍රීඩාංගණයක් අසළදී මරාගෙන මැරෙන බෝම්බකරුවකු විසින් බෝම්බයක් පුපුරවාගැනීම නිසා පොලිස් නිලධාරියෙ...
චාමර සිල්වාට වසර දෙකක තහනමක්...
මේ වනවිට සියලුදෙනා දන්න කාරණයක් තමයි මේක කැකිල්ලේ නඩු තීන්දුවක් බව. ක්‍රීඩා ඇමැතියි, සුමතිපාලයි කියන්නේ දෙන්නෙක් නෙමේ එක්කෙනෙක්. මේ යන විදිහට ලංකාවේ ක...
ශා. සිල්වෙස්ටර්ට මුල් ඉනිමේ ජයක්...
මම හදවතින්ම සුබපතනවා !!!...
ක්‍රිකට් දැනුමැත්තෝ කර අරිති...
හැමෝටම කළින් ක්‍රීඩා ඇමැතිවරයා සහ තිලංග ඉවත්විය යුතුයි. ඊට පස්සේ ලංකාවේ ක්‍රිකට්වලට හොඳ කලක් උදාවේවි... බැරිවෙලාවත් අර්ජුන ආවොත් සොරිම තමයි. ...
ක්‍රිකට් දැනුමැත්තෝ කර අරිති...
ඇමැතිගේ නාඩගම් එපාවෙලා වෙන්නැති ක්‍රිකට් දැනුමැත්තෝ එන්නේ නැත්තේ... ...
තිසර ලෝක කණ්ඩායම දිනවයි...
ලංකා ටීම් එක, ලංකාවේ ක්ලබ් ටීම් එකක් එක්ක සෙල්ලම් කළත් පරදිනවා. ඒක සත්තයි..!!! ...