. ජාතික සමුළුව අගෝස්තු 26 - 27 | කෙළිමඬල
2018 ජූනි මස 19 වැනි අගහරුවාදා
ජාතික සමුළුව අගෝස්තු 26 - 27
2017-07-21 19:17:37 | සුසිල් ප්‍රේමලාල්

වොලිබෝල් ක්‍රීඩාවේ ජාතික සමුළුවක් අගෝස්තු මස 26 සහ 27 යන දිනවල කොළඹ දී පැවැත්වීමට ශ්‍රී ලංකා වොලිබෝල් සම්මේලනය තීරණය කර ඇත.

ශ්‍රී ලංකා වොලිබෝල් ක්‍රීඩාවේ අනාගතය සැකසිය  යුත්තේ කෙසේද? යන්න සොයා බැලීම මෙම ජාතික සම්මේලනයේ ප්‍රධාන අරමුණ වන අතර එම සමුළුව කොළඹ ශ්‍රී ලංකා පදනම් ආයතනයේ  දී පැවැත්වීමට නියමිත බව ශ්‍රී ලංකා වොලිබෝල් සම්මේලනයේ ලේකම් ඒ.එස්.නාලක මහතා පැවසුවේය.

ශ්‍රී ලංකා  වොලිබෝල් ඉතිහාසයේ මෙවැනි  සමුළුවක් පවත්වනු ලබන තුන්වැනි අවස්ථාව මෙය වෙයි. මීට වසර 20 කට ඉහතදී එවැනි සමුළුවක් කොළඹදී පවත්වා ඇති අතර 80 දශකයේදී චරිත රත්වත්ත  මහතා ශ්‍රී ලංකා වොලිබෝල් සම්මේලනයේ සභාපතිවරයාව සිටියදීත් එවන් සමුළුවක් පවත්වා තිබේ.

ක්‍රීඩා ඇමති දයාසිරි ජයසේකර මහතාගේ ප්‍රධානත්වයෙන් පැවැත්වීමට නියමිත මෙම සමුළුව සඳහා වොලිබෝල් ක්‍රීඩාවේ විවිධ අංශ නියෝජනය කරමින් නියෝජිතයන් 175 දෙනෙකු සහභාගීකර ගැනීමට ශ්‍රී ලංකා වොලිබෝල් සම්මේලනය බලාපොරොත්තු වෙයි. වොලිබෝල් පුහුණුකරුවන්, විනිසුරුවන්, ජාතික මට්ටමේ හිටපු  සහ වත්මන් ක්‍රීඩක ක්‍රීඩිකාවන්, සංවිධායක වරුන්, අනුග්‍රාහකයන්, මාධ්‍යවේදීන් සහ දිස්ත්‍රික් වොලිබෝල් සංගම් නියෝජිතයින්  මෙම සමුළුවට සහභාගී කර ගන්නා නියෝජිතයෝ වෙති.

මෙම වොලිබෝල් සමුළුවේදී කමිටු පත්කර ඒ ඒ අංශ පිළිබඳ වාර්තා ලබා ගැනීමටත් එම වාර්තා අනුව සිව් අවුරුදු වොලිබෝල් සැලැස්මක් සකස් කිරීමටත් වෙලිබෝල් සම්මේලනය බලාපොරොත්තු වෙයි. 2019 දී පැවැත්වීමට යෝජිත දකුණු ආසියානු ක්‍රීඩා උළෙලේ දී පිරිමි සහ කාන්තා අංශ දෙකින්ම රන් පදක්කම් දිනා ගැනීම වොලිබෝල් සිව් අවුරුදු සැලැස්මේ  ප්‍රධාන ඉලක්කය වේ.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකාව පසු පාදයේ ඇරඹුමක...
2018-06-13 19:08:48
පළමු තරගයේදී ලද ඛේදජනක පරාජයෙන් පසුව දෙවැනි තරගයේදී හිස ඔසවන්නේ කෙසේද යන්න සිතමින් සිටි ශ්‍රී ලංකා පිලට වැදුණේ තවත් මරු පහරකි. දෙවැනි ...
මැතිව්ස් - ගමගේ ආපසු එති...
2018-06-13 11:32:59
හිටපු ටෙස්ට් ක්‍රිකට් නායක මෙන්ම කණ්ඩායමේ සිටින ජ්‍යෙෂ්ඨ පිතිකරුවකු වන ඇන්ජලෝ මැතිව්ස් සහ වේගපන්දු යවන ක්‍රීඩක ළහිරු ගමගේ...
පළමු සිවුදින තරග දෙකේ නායකත්වය දිමුත්ට...
2018-06-12 16:34:10
මේ මස 23 වැනිදා බංග්ලාදේශය බලා පිටත්ව යෑමට නියමිත 15 දෙනෙකුගෙන් සමන්විත ශ්‍රී ලංකා ‘ඒ’ කණ්ඩායමේ නායකත්වයට ටෙස්ට් පිතිකරු ද...
පන්දුව මාරු කිරීමෙන් අනපේක්ෂිත අර්බුදයක්...
2018-06-16 22:16:33
පන්දුව පළුඳු කිරීම පිළිබඳ සැකයක් සහ පන්දුව මාරු කිරීම සම්බන්ධ සිදුවීමක් හේතුවෙන් සංචාරක ශ්‍රී ලංකා කණ්ඩායම සහ බටහිර ඉන්දීය කොදෙව් කණ්ඩ...