. 25 වසර සැමරීමට 25 දෙනකු සමග චෙස් තරග | කෙළිමඬල
2018 ජූලි මස 18 වැනි බදාදා
25 වසර සැමරීමට 25 දෙනකු සමග චෙස් තරග
2017-07-24 19:36:27 | .

දස වසරක් ශ්‍රී ලංකා ජාතික චෙස් ශූරතාව දිනූ සුනීතා විජේසූරිය මහත්මිය විසින්  1992 වසරේදී පිලිපීනයේ පැවති චෙස්  ඔලිම්පියාඞ් තරගාවලියේදී රන් පදක්කමක් දිනා වසර 25 ක් සැපිරීම නිමිති කරගනිමින් කොළඹ රුසියානු මධ්‍යස්ථානයේදී විශේෂ ප්‍රදර්ශන චෙස් තරගාවලියක් පැවැත්විණි.

ලංකා චෙස් පදනම හා රුසියානු මධ්‍යස්ථානයේ ඇනටෝලි කාර්පෝච් චෙස් සමාජය එක්ව සංවිධානය කළ මෙම තරගාවලියේදී ෆිඬේ මාස්ටර් නිල නාමය ලබා ඇති සුනීතා විජේසූරිය මහත්මිය විසින් එකවර ක්‍රීඩක ක්‍රීඩිකාවන්  25 කට අධික සංඛ්‍යාවක් සමඟ තනිව ක්‍රීඩා කළාය.

මෙම අවස්ථාවට අරාධිත අමුත්තන් වශයෙන් කොළඹ රුසියානු මධ්‍යස්ථානයේ අධ්‍යක්ෂක ඇනස්ටාසියා හක්ලෝවා මහත්මිය සහ කොළඹ රුසියානු මධ්‍යස්ථානයේ විධායක අධ්‍යක්ෂක  බුද්ධප්‍රිය රාමනායක මහතාද සහභාගී වූහ.

1992 වසරේදී පිලිපීනයේ පැවති මෙම 30 වැනි ලෝක චෙස් ඔලිම්පියාඞ් තරගාවලියේදී රන් පදක්කම දිනූ සුනීතා විජේසූරිය මහත්මිය එවන් දස්කමක් කළ ශ්‍රී ලංකාවේ එකම ක්‍රීඩිකාව වන අතර, මෙම තරගාවලිය වසර දෙකකකට වරක් ලෝකයේ චෙස් ක්‍රීඩා කරන සියළු රටවල් සහභාගී වන ප්‍රධානතම තරගාවලිය ද මෙය වෙයි.

සුනීතා විජේසූරිය මහත්මිය සමග චෙස් ක්‍රීඩා කළ 25 දෙනා අතරට එක්වූ ඇනස්ටාසියා හක්ලෝවා මහත්මිය සිය පියවර ගත් අවස්ථාව ඡායාරූපයෙන් දැක්වේ.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දිමුත් කරුණාරත්න වික්‍රමාන්විත පිතිහරඹයක...
2018-07-12 19:20:16
පිඹුරු දඩයමේ යන්නා ලෙසින් ප්‍රකට දිමුත් කරුණාරත්නගේ ඉවසිලිවන්ත වූත් වික්‍රමාන්විත වූත් පිතිහරඹයෙන් යන්තම් හිස ඔසවාගත් ශ්‍රී ලං...
ඩු ප්ලෙසී ගාල්ලේ ඇත්ත කතාව කියයි...
2018-07-15 10:25:11
දකුණු අප්‍රිකානු ක්‍රිකට් ඉතිහාසයේ අතිශය දරුණු පරාජයකට මුහුණ දුන් නමුත් ශ්‍රී ලංකා කණ්ඩායමට හිමිවිය යුතු ගෞරවය කිසි ලෙසකින් අව...
ශ්‍රී ලංකාව ලකුණු 272 ක් ඉදිරියෙන්...
2018-07-13 13:09:47
ටෙස්ට් කණ්ඩායම් ශ්‍රේණිගත කිරීම අනුව ලෝකයේ අංක 2 හිමි කණ්ඩායම වුවත් දකුණු අප්‍රිකානු පිතිකරුවන් අල්ලේ නැටවූ රංගන හේරත් ප්‍රමුඛ...
ලක්මාල් ප්‍රසාද ලකුණු සොයා යයි...
2018-07-15 11:09:49
ශ්‍රී ලංකා කණ්ඩායමේ නායකත්වය තමන්ගේ උරමත පැටවී ඇත්තේ තාවකාලිකව බව හොඳින්ම දන්නා නමුත් දකුණු අප්‍රිකානුවන්ට එරෙහිව පැවැත්වෙන ටෙස්ට්...