. ශ්‍රී ලංකාව 3-2 කින් කටාර් රාජ්‍යය පරදවයි | කෙළිමඬල
2018 නොවැම්බර් මස 18 වැනි ඉරිදා
ශ්‍රී ලංකාව 3-2 කින් කටාර් රාජ්‍යය පරදවයි
2017-07-27 16:47:00 | ශානුක අරවින්ද

ඉන්දුනීසියාවේ සුරබයා නුවරදී පැවැත්වෙන ආසියානු වොලිබෝල් තරගාවලියේ ශ්‍රේණිගත කිරීමේ වටය යටතේ අද (27 වැනිදා) පැවැති තරගයකදී වට 3-2 ක් ලෙස කටාර් රාජ්‍යය පරාජය කිරීමට ශ්‍රී ලංකාව සමත් විය. 

ලකුණු 25/19 ක් ලෙස පළමු වටය ජයගත් කටාර් රාජ්‍යය ආරම්භයේදීම තරගයේ පෙරමුණ ගැනීමට සමත් විය. එහෙත් ඉතා තියුණු තරගයකින් අනතුරුව 26/24 ක් ලෙස දෙවැනි වටය ජයගත් ශ්‍රී ලංකා ක්‍රීඩකයෝ වට 1-1 ක් ලෙස තරගය සම තත්ත්වයට පත් කළහ. 

තෙවැනි සහ සිවුවැනි වට දෙකද ඉතා තියුණු මුහුවරක් ගත් අතර එහිදී ලකුණු 25/20 ක් ලෙස තෙවැනි වටයෙන් ජය ලැබූ ශ්‍රී ලංකාව වට 2-1 ක් ලෙස තරගයේ ඉදිරියට පැමිණීමට සමත් විය. 

කෙසේ වුවත් සිවුවැනි වටයේදී ශ්‍රී ලංකා කණ්ඩායමට ප්‍රබල අභියෝගයක් එල්ල කළ කුවේට් රාජ්‍යය වට 2-2 ක් තරගය ලෙස සම තත්ත්වයට පත්කළේ එම වටයෙන් ලකුණු 25/23 ක ජයක් ලබමිනි.  

දෙපිලටම තීර්ණාත්මක වූ පස්වැනි සහ අවසන් වටයද ආරම්භයේ සිටම ඉතා තියුණු මුහුණුවරක් ගත් අතර ඉන් ජය ලැබීම සඳහා අවශ්‍ය වූ ලකුණු 15 සීමාවට කුවේට් රාජ්‍යයට පෙර ලඟා වූ ශ්‍රී ලංකා ක්‍රීඩකයෝ වට 3-2 ක් ලෙස සමස්ත තරගයේ ජය තමන් සතු කරගත්හ. එම වටයේදී කුවේට් රාජ්‍යයට රැස්කරගත හැකි වූයේ ලකුණු 12 ක් පමණි. 

ශ්‍රේණිගත කිරීමේ වටයේදී ‘ජී’ කාණ්ඩය යටතේ තරග වදින ශ්‍රී ලංකාව සහභාගි වන මීලඟ තරගය අනිද්දා (29 වැනිදා) ඉන්දුනීසියා වේලාවෙන් පස්වරු 4.30 ට සවුදි අරාබියට එරෙහිව පැවැත්වේ. 

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ක්‍රිකට් කළමණාකරු තනතුර දමා යන්න යයි...
2018-11-11 21:05:59
ශ්‍රී ලංකා ක්‍රිකට් කණ්ඩායමේ කළමනාකරු ලෙස කටයුතු කළ චරිත් සේනානායක මහතා එම තනතුරෙන් ඉල්ලා අස් වී තිබේ. වහාම ක්‍රියාත්මක වන පරි...
තනි කකුලෙන් ඒ දණ්ඬේ යන්න යයි...
2018-11-13 21:11:54
දිනේෂ් චන්දිමාල් අමාරුවේ වැටෙන්නේ කොතැනද සුරංග ලක්මාල් ගැලවුම්කාරයා ලෙස එතැන සිටී. ශ්‍රී ලංකා පිලේ බටහිර ඉන්දීය කොදෙව් සංචාරයේ සිටම සි...
කරන් තරගයේ වාසිය තනි අතින් උදුරා ගනී...
2018-11-14 09:57:30
පැය පහක කාලයක් පුරා ශ්‍රී ලංකා ක්‍රීඩකයන් විසින් රඳවා ගන්නා ලද තරගයේ වාසිය පැයක් තුළදී තනි අතින් උදුරාගත් සෑම් කරන් ශ්‍රී ලංකා...
එංගලන්තය අමාරුවේ දාන්න පුළුවන් - දිමුත්...
2018-11-15 19:48:03
එංගලන්ත කණ්ඩායමේ දෙවැනි ඉනිම ලකුණු 250 කට අඩුවෙන් සීමාකරගත හැකිවුවහොත් දෙවැනි ටෙස්ට් තරගය ජයගැනීමේ හොඳ අවස්ථාවක් ඇතැයි ශ්‍රී ලංකා ආරම්...