. වෙළෙඳ සේවා වොලිබෝල් ශූරයන්ට ලක්ෂ 15 ක් | කෙළිමඬල
2018 නොවැම්බර් මස 18 වැනි ඉරිදා
වෙළෙඳ සේවා වොලිබෝල් ශූරයන්ට ලක්ෂ 15 ක්
2017-07-30 16:59:33 | .

වෙළෙඳ සේවා වොලිබෝල් සංගමය සංවිධානය කරන හය වැනි වෙළෙඳ සේවා වොලිබෝල් තරගාවලිය ලබන අගෝස්තු සහ සැප්තැම්බර් මාස වලදී පැවැත්වීමට නියමිතය. ඉකුත් වසරේ පැවති මෙම තරගාවලියට වෙළෙඳ සේවා කණ්ඩායම් 100 කට වැඩි ප්‍රමාණයක් සහභාගි වූ අතර මෙවර ඊට වැඩි කණ්ඩායම් සංඛ්‍යාවක් සහභාගී වනු ඇතැයි සංවිධායකයෝ අපේක්ෂා කරති.

මෙම තරගවලිය පිරිමි සහ කාන්තා වශයෙන් පැවැත්වෙන අතර එහි මූලික වටයේ තරග අගෝස්තු 18, 19 සහ 20 යන දින වලදීද, අවසන් තරග සැප්තැම්බර් 16 සහ 17 යන දින වලදීද මහරගම තරුණ සේවා එළිමහන් ක්‍රීඩාංගණයේදී පැවැත්වේ.

මෙහිදී ‘සුපර් ලීග්’, ‘චැම්පියන් ෂිප්’ හා ‘ඒ’ කාණ්ඩය ලෙස කොටස් තුනට වෙන් වෙන් වශයෙන් ත්‍යාග ප්‍රදානය කෙරන අතර එහිදී ජයග්‍රාහී කාණ්ඩායම් වලට පිරිනැමීම සඳහා වෙන්කර ඇති මුලු ත්‍යාග මුදල රුපියල් ලක්ෂ 15 ඉක්මවයි. තවද ඉකත් වසරේදී මෙන්ම මේ වසරේදීද දක්ෂතම ක්‍රීඩකයාට වටිනා යතුරුපැදියක් සහ වටිනාම ක්‍රීඩිකාවට ස්කූටරයක් පිරිනැමීමටද නියමිතය.

ජාතික ක්‍රීඩාව රට පුරා ජනප්‍රිය කරවීම, සේවක සේවිකාවන්ගේ කුසලතා වර්ධනය කිරීම, ඔවුන්ගේ නිරෝගී බව ආරක්ෂා කිරීම සහ සේවා කාර්යක්ෂමතාව වැඩිදියුණු කිරීම මෙම තරගාවලියේ සංවිධානය කිරීමේ අරමුණු බව ශ්‍රී ලංකා වෙළෙඳ සේවා වොලිබෝල් සංගමයේ සඳහන් කරයි.

මෙරට ප්‍රධාන පෙලේ ව්‍යාපාරික ආයතන රැසක් මෙම තරගාවලියට අනුග්‍රහය දැක්වීමට ඉදිරිපත්ව අතර එහි ‘ප්ලැටිනම්’ අනුග්‍රාහයකා වන්නේ මාස් සමාගමයි. තරගාවලිය් ‘රන්’ අනුග්‍රාහකයන් ලෙස සන්කුයික්, ලංකා ටයිල්, බ්‍රැන්ඩික්ස්, එක්ස්පො ලංකා, එටිසෙලාට් සහ ඬේවිට් පීරිස් යන සමාගම් ඉදිරිපත්ව සිටින අතර ‘රිදී’ අනුග්‍රාහකයන් ලෙස දම්රෝ, ශ්‍රී ලංකා ඉන්ෂුවරන්ස් සහ සිංගර් සමාගම් ඉදිරිපත්ව සිටියි.

තරගවලියට ඉදිරිපත් වන සියලුම ක්‍රීඩක ක්‍රීඩිකාවන් තමන් නියෝජනය කරන සේවා ආයතනයට එක්වී මාස 2 ක කාලයක් සම්පූර්ණ කර තිබිය යුතු අතර තරගාවලියට සහභාගි වන නවක ආයතන ජූලි මස 31 වැනිදා වන විට ලියාපදිංචි වී තිබිය යුතුය.

තරගාවලිය සඳහා අයදුම්පත් භාර ගැනීම අගෝස්තු 09 වැනිදායින් අවසන් වන අතර එදිනට පෙර සියලුම අයදුම්පත් වෙළෙඳ සේවා වොලිබෝල් සංගමය, අංක 33, ටොරින්ටන් පෙදෙස, කොළඹ 07 යන ලිපිනයට යොමු කළ යුතුය. තරගාවලිය පිළිබඳ වැඩිදුර තොරතුරු 071-0682682 (චන්දන) හෝ 077-648545 (බුද්ධි) යන දුරකතන අංක ඇමතීමෙන් ලබාගත හැකිය.

ප්‍රදාන කරන ත්‍යාග පහත සඳහන් පරිදි වේ

සුපර් ලීග් පිරිමි
පළමු ස්ථානය - රුපියල් 150,000 ක් සහ ශූරතා කුසලාන
දෙවැනි ස්ථානය - රුපියල් ලක්ෂයක් සහ අනු ශූරතා කුසලාන
තෙවැනි ස්ථානය - රුපියල් 50,000 ක් සහ කුසලාන

සුපර් ලීග් කාන්තා
පළමු ස්ථානය - රුපියල් ලක්ෂයක් සහ ශූරතා කුසලාන
දෙවැනි ස්ථානය - රුපියල් 50,000 සහ අනු ශූරතා කුසලාන
තෙවැනි ස්ථානය - රුපියල් 25,000 සහ කුසලාන

චැම්පියන් ෂිප් පිරිමි
පළමු ස්ථානය - රුපියල් ලක්ෂයක් සහ කුසලාන
දෙවැනි ස්ථානය - රුපියල් 50,000 ක් සහ කුසලාන
තෙවැනි ස්ථානය - රුපියල් 25,000 ක් සහ කුසලාන

චැම්පියන් ෂිප් කාන්තා
පළමු ස්ථානය - රුපියල් 80,000 ක් සහ කුසලාන
දෙවැනි ස්ථානය - රුපියල් 40,000 ක් සහ කුසලාන
තෙවැනි ස්ථානය - රුපියල් 25,000 ක් සහ කුසලාන

‘ඒ’ කාණ්ඩය පිරිමි
පළමු ස්ථානය - රුපියල් 20,000 ක් සහ කුසලාන
දෙවැනි ස්ථානය - රුපියල් 15,000 ක් සහ කුසලාන
තෙවැනි ස්ථානය - රුපියල් 10,000 ක් සහ කුසලාන

‘ඒ’ කාණ්ඩය කාන්තා
පළමු ස්ථානය - රුපියල් 20,000 ක් සහ කුසලාන
දෙවැනි ස්ථානය - රුපියල් 15,000 ක් සහ කුසලාන
තෙවැනි ස්ථානය - රුපියල් 10,000 ක් සහ කුසලාන


- 036

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ක්‍රිකට් කළමණාකරු තනතුර දමා යන්න යයි...
2018-11-11 21:05:59
ශ්‍රී ලංකා ක්‍රිකට් කණ්ඩායමේ කළමනාකරු ලෙස කටයුතු කළ චරිත් සේනානායක මහතා එම තනතුරෙන් ඉල්ලා අස් වී තිබේ. වහාම ක්‍රියාත්මක වන පරි...
තනි කකුලෙන් ඒ දණ්ඬේ යන්න යයි...
2018-11-13 21:11:54
දිනේෂ් චන්දිමාල් අමාරුවේ වැටෙන්නේ කොතැනද සුරංග ලක්මාල් ගැලවුම්කාරයා ලෙස එතැන සිටී. ශ්‍රී ලංකා පිලේ බටහිර ඉන්දීය කොදෙව් සංචාරයේ සිටම සි...
කරන් තරගයේ වාසිය තනි අතින් උදුරා ගනී...
2018-11-14 09:57:30
පැය පහක කාලයක් පුරා ශ්‍රී ලංකා ක්‍රීඩකයන් විසින් රඳවා ගන්නා ලද තරගයේ වාසිය පැයක් තුළදී තනි අතින් උදුරාගත් සෑම් කරන් ශ්‍රී ලංකා...
එංගලන්තය අමාරුවේ දාන්න පුළුවන් - දිමුත්...
2018-11-15 19:48:03
එංගලන්ත කණ්ඩායමේ දෙවැනි ඉනිම ලකුණු 250 කට අඩුවෙන් සීමාකරගත හැකිවුවහොත් දෙවැනි ටෙස්ට් තරගය ජයගැනීමේ හොඳ අවස්ථාවක් ඇතැයි ශ්‍රී ලංකා ආරම්...