. ශ්‍රී ලංකාව ආසියාවේ 14 වැනි තැනට | කෙළිමඬල
2017 අගෝස්තු මස 22 වැනි අගහරුවාදා
ශ්‍රී ලංකාව ආසියාවේ 14 වැනි තැනට
2017-07-31 17:53:49 | ශානුක අරවින්ද

ඉරාකයට එරෙහිව අද (31 වැනිදා) පැවැති ශ්‍රේණිගත කිරීමේ තරගයෙකදී වට 3-1 ක් ලෙස පරාජය වීම නිසා ශ්‍රී ලංකා කණ්ඩායමට ඉන්දුනීසියාවේ සුරබයා නුවරදී පැවැත්වෙන ආසියානු වොලිබෝල් තරගාවලියේ 14 වැනි ස්ථානයෙන් සෑහීමකට පත්වීමට සිදුවිය.

තරගාවලියේ 13 වැනි සහ 14 වැනි ස්ථාන තේරීම සඳහා එම තරගය පැවැති අතර එහි පළමු වටයෙන් ලකුණු 25/16 ක් ලෙස පහසු ජයක් අත්කරගැනීමට ශ්‍රී ලංකා ක්‍රීඩකයෝ සමත් වූහ. කෙසේ වුවත් දෙවැනි, තෙවැනි සහ සිවුවැනි වට වලදී ලකුණු 25/11 ක්, 25/22 ක් සහ 25/21 ක් ලෙස ශ්‍රී ලංකාව පරාජය කළ ඉරාක ක්‍රීඩකයෝ වට 3-1 ක් ලෙස සමස්ත තරගයේ ජය තමන් සතුකරගත්හ.

එම තරගයට සුදුසුකම් ලැබීම සඳහා තරග 2 ක් පැවැත්වුණ අතර හොං කොං රාජ්‍යය තරග වට 3-0 ක් ලෙස (25/18, 25/13, 25/17) පරාජය කරමින් ශ්‍රී ලංකාවත්, සවුදි අරාබිය තරග වට 3-0 ක් ලෙස (25/20, 25/19, 25/17) පරාජය කරමින් ඉරාකයත් එම තරගයට සුදුසුකම් ලබාගත්තේය.

තරගාවලියේ මූලික වටයේදී ‘සී’ කාණ්ඩය යටතේ තරග වැදුණ ශ්‍රී ලංකා කණ්ඩායමට එහිදී ජපානය හමුවේ වට 3-0 ක් ලෙසත්, දකුණු කොරියාව හමුවේ වට 3-0 ක් ලෙසත්, වියට්නාමය හමුවේ වට 3-2 ක් ලෙසත් පරාජයට පත්වීම නිසා ශ්‍රේණිගත කිරීමේ වටයේ ‘ජී’ කාණ්ඩය යටතේ තරග වැදීමට සිදුවිය.

ශ්‍රේණිගත කිරීමේ වටයේදී තරග 2 කට සහභාගි වූ ශ්‍රී ලංකා කණ්ඩායම එහිදී කුවේට් රාජ්‍යයට එරෙහිව පැවැති තරගය වට 3-2 ක් ලෙස ජය ලබා, සවුදි අරාබියට එරෙහිව පැවැති තරගයේදී වට 3-1 ක් ලෙස පරාජයට පත් විය.

කුවේට් රාජ්‍යයට එරෙහිව ලබාගත් ජයග්‍රහණයත් සමගින් ‘ජී’ කාණ්ඩයේ තෙවැනි ස්ථානයට පත්වූ ශ්‍රී ලංකාවට තරගාවලියේ 13 වැනි ස්ථානයත් 16 වැනි ස්ථානයත් අතර ස්ථානයක් වෙනුවෙන් තරග වැදීමට සිදුවිය.

තරගාවලියට සහභාගි වූ ශ්‍රී ලංකා කණ්ඩායමේ නායකයා ලෙස ශමිල් මලින්ද කටයුතු කළ අතර ගයාන් මධුෂංක එහි උප නායකයා ලෙස කටයුතු කළේය. ජනිත සුරත්, රොමේෂ් රණවක, චාමර මිහිරාන්, ලසිඳු මෙත්මාල්, අයේෂ් දිල්හාන්, වසන්ත ලක්මාල්, රුමේෂ් දිසානායක, කසුන් චතුරංග, නිලංක සංජය සහ ඒ. ඩබ්ලිව්. ලක්මාල් ශ්‍රී ලංකා කණ්ඩායම නියෝජනය කළ සෙසු ක්‍රීඩකයෝ වූහ.


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
චන්දිමාල් එක්දින සංචිතයෙන් ඉවතට...
2017-08-15 21:27:51
ඉන්දියාවට එරෙහිව පැවැත්වෙන තරග 5 කින් සමන්විත එක්දින තරගාවලිය සහ විස්සයි20 තරගය සඳහා නම් කරන ලද ශ්‍රී ලංකා සංචිතයෙන් ටෙස්ට් කණ්ඩායමේ න...
ඉන්දියානු පිතිකරුවෝ තරගය සෙල්ලමකට ගනිති...
2017-08-20 21:14:16
  රංගිරි දඹුල්ල ක්‍රීඩාංගණයේදී ශ්‍රී ලංකා කණ්ඩායමට එරෙහිව පැවැති පළමු එක්දින තරගයේදී ලකුණු 217 ක ඉලක්කය හඹා යාම සෙල්ලමකට බා...
කණ්ඩායම වෙනුවෙන් ක්‍රීඩකයන්ගේ කැපවීම මදි - සනත්...
2017-08-17 22:01:07
තේරීම් කමිටු සභාපති සනත් ජයසූරිය මහතා සමග කළ සාකච්ඡාවේ දෙවැනි කොටස   ප්‍රශ්නය - මේ වන විට තියෙන බරපතළ ප්‍රශ්නය තමයි...
ආබාධිතයන්ගේ ලයිස්තුව දිග වැඩියි - සනත්...
2017-08-16 22:11:12
අන්තර්ජාතික කෙළිබිමේ ශ්‍රී ලංකාවේ සංඛේතය බවට පත්ව ඇති ශ්‍රී ලංකා ක්‍රිකට් කණ්ඩායමට උදාවී ඇත්තේ මහත් අභාග්‍ය සම්පන්න කාලයකි...