. ළහිරු තිරිමාන්න නැවතත් ටෙස්ට් සංචිතයට | කෙළිමඬල
2018 ජූලි මස 19 වැනි බ‍්‍රහස්පතින්දා
ළහිරු තිරිමාන්න නැවතත් ටෙස්ට් සංචිතයට
2017-08-01 20:40:51 | ...

ඉන්දියාවට එරෙහිව එස්.එස්.සී ක්‍රීඩාංගණයේදී 3 වැනිදා සිට 7 වැනිදා දක්වා පැවැත්වෙන දෙවැනි ටෙස්ට් තරගය සදහා අද (01 වැනිදා) නම් කරන ලද 16 දෙනෙකුගෙන් යුත් ටෙස්ට් සංචිතය සදහා වමත් පිතිකරු ළහිරු තිරිමාන්න කැඳවා ඇත. නිව්මෝනියා රෝගය වැළඳීම හේතුවෙන් පළමු ටෙස්ට් තරගය අහිමිවූ නායක දිනේෂ් චන්දිමාල් නැවතත් කණ්ඩායමට එක්වී ඇත.


ආබාධයන්ට ලක්වූ අසේල ගුණරත්න සහ සුරංග ලක්මාල් ටෙස්ට් සංචිතයෙන් ඉවත්කර ඇති අතර දිනේෂ් චන්දිමාල්, ළහිරු තිරිමාන්න සහ ලක්ෂාන් සඳකැන් කණ්ඩායමට කැඳවිමට තේරීම් කමිටුව තීරණය කළහ.


2016 ජුනී මාසයේදී එංගලන්තයට එරෙහිව පැවැති ටෙස්ට් තරගාවලියෙන් පසුව ටෙස්ට් තරග සදහා එක් නොවූ ළහිරු තිරිමාන්න මාස 13 කට පසුව නැවතත් ටෙස්ට් කණ්ඩායමට කැඳවීමට තේරීම් කමිටුව තීරණය කර ඇත. ටෙස්ට් තරග 26 කට ක්‍රීඩා කර ඇති තිරිමාන්න ශතකයක් සහ අර්ධ ශතක හතරක් සමගින් ලකුණු 1056 ක් රැස්කිරීමට සමත්වී ඇත.


සිම්බාබ්වේ සමගි පැවැති එකම ටෙස්ට් තරගයට සහ ඉන්දියාවත් සමගින් පැවැති පළමු ටෙස්ට් තරගයට නම් නොකළ ලක්ෂාන් සඳකැන් නැවතත් කණ්ඩායමට කැඳවා ඇති අතර ටෙස්ට් තරග 5 කට ක්‍රීඩා කර ඇති ඔහු කඩුලු 15 ක් දවාගැනීමට සමත්වී ඇත.


පළමු ටෙස්ට් තරගයේදී පන්දුවක් ඇගිල්ලේ වැදීමෙන් රංගන හේරත් ආබාධයකට ලක්වුවද නැවතත් යථා තත්වයට පත්වී ඇති බැවින් දෙවැනි ටෙස්ට් තරගයට ක්‍රීඩා කිරීමේ හැකියාව ඇති බව ක්‍රිකට් ආයතන ප්‍රකාශකයකු පැවසීය.

 

ශ්‍රී ලංකා ටෙස්ට් සංචිතය

දිනේෂ් චන්දිමාල් (නායක), රංගන හේරත්, උපුල් තරංග, ළහිරු තිරිමාන්න, ලක්ෂාන් සඳකැන්, දිමුත් කරුණාරත්න, කුසල් මෙන්ඩිස්, ඇන්ජලෝ මැතිව්ස්, නිරෝෂන් දික්වැල්ල, ධනංජය ද සිල්වා, ධණුෂ්ක ගුණතිලක, ඩිල්රුවන් පෙරේරා, ළහිරු කුමාර, විශ්ව ප්‍රනාන්දු, මාලින්ද පුෂ්පකුමාර, නුවන් ප්‍රදීප්.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දිමුත් කරුණාරත්න වික්‍රමාන්විත පිතිහරඹයක...
2018-07-12 19:20:16
පිඹුරු දඩයමේ යන්නා ලෙසින් ප්‍රකට දිමුත් කරුණාරත්නගේ ඉවසිලිවන්ත වූත් වික්‍රමාන්විත වූත් පිතිහරඹයෙන් යන්තම් හිස ඔසවාගත් ශ්‍රී ලං...
ඩු ප්ලෙසී ගාල්ලේ ඇත්ත කතාව කියයි...
2018-07-15 10:25:11
දකුණු අප්‍රිකානු ක්‍රිකට් ඉතිහාසයේ අතිශය දරුණු පරාජයකට මුහුණ දුන් නමුත් ශ්‍රී ලංකා කණ්ඩායමට හිමිවිය යුතු ගෞරවය කිසි ලෙසකින් අව...
ශ්‍රී ලංකාව ලකුණු 272 ක් ඉදිරියෙන්...
2018-07-13 13:09:47
ටෙස්ට් කණ්ඩායම් ශ්‍රේණිගත කිරීම අනුව ලෝකයේ අංක 2 හිමි කණ්ඩායම වුවත් දකුණු අප්‍රිකානු පිතිකරුවන් අල්ලේ නැටවූ රංගන හේරත් ප්‍රමුඛ...
ලක්මාල් ප්‍රසාද ලකුණු සොයා යයි...
2018-07-15 11:09:49
ශ්‍රී ලංකා කණ්ඩායමේ නායකත්වය තමන්ගේ උරමත පැටවී ඇත්තේ තාවකාලිකව බව හොඳින්ම දන්නා නමුත් දකුණු අප්‍රිකානුවන්ට එරෙහිව පැවැත්වෙන ටෙස්ට්...