. වේගපන්දු යවන්නන් පුහුණුවට රුමේෂ් | කෙළිමඬල
2018 ජූලි මස 18 වැනි බදාදා
වේගපන්දු යවන්නන් පුහුණුවට රුමේෂ්
2017-08-06 20:00:29 | යොහාන් භාසුර

ශ්‍රී ලංකා ජාතික ක්‍රිකට් කණ්ඩායමේ වේග පන්දු යවන්නන්ගේ පුහුණුකරු ලෙස හිටපු ටෙස්ට් වේග පන්දු යවන්නකු වන රුමේෂ් රත්නායක මහතා ලබන සැප්තැම්බර් මස වැඩ බාර ගැනීමට නියමිතය.

රත්නායක මහතා වේග පන්දු යවන්නන්ගේ පුහුණුකරු ලෙස පත්කිරීමට ශ්‍රී ලංකා ක්‍රිකට් ආයතනය අද (06) තීරණය කර තිබේ.

ශ්‍රී ලංකා පිලේ වර්තමාන වේග පන්දු යවන්නන්ගේ පුහුණුකරු චමින්ද වාස් මහතා නැවතත් වයස 19 න් පහළ සංචිතයට අනියුක්ත කිරීමට නියමිතය.

ශ්‍රී ලංකා ක්‍රිකට් ආයතනයේ උසස් නිලධාරියකුගෙන් කළ විමසුමකදී පැවසුවේ රුමේෂ් රත්නායක මහතා ඉන්දීය සංචාරය අවසානයේදී වැඩ බාර ගැනීමට බොහෝ දුරට ඉඩ ඇති බවයි.

“රත්නායක මහතා පුහුණුකරුවකු ලෙසත් දස්කම් දක්වා තිබෙනවා. එම දස්කම් පිළිබඳව අවධානය යොමු කරලයි අපි ඔහුව තෝරා ගත්තේ. වාස්ව තරුණ ක්‍රීඩකයන්ට අවශ්‍යයි, ඒ නිසා වාස් 19 න් පහළ සංචිතයට නැවත යොමු කරනවා” යැයි එම නිලධාරියා වැඩි දුරටත් පැවසීය.

දකුණතින් වේග පන්දු යවන්නකු වූ 53 හැවිරිදි රත්නායක මහතා මීට පෙර ශ්‍රී ලංකා වයස 19 න් පහළ පිලේ වේග පන්දු යවන්නන්ගේ පුහුණුකරු ලෙස ද කටයුතු කළේය. රත්නායක මහතා මීට පෙර ආසියානු ක්‍රිකට් සභාවේ මෙන්ම විදේශ කණ්ඩායම් කීපයක ද පුහුණුකරු ලෙස කටයුතු කර තිබේ.   

අසූව දශකයේදී අග බාගයේ ශ්‍රී ලංකා පිලේ ප්‍රබලතම වේග පන්දු යවන්නකු වූ රුමේෂ් රත්නායක ටෙස්ට් තරග 23 කදී කඩුලු 73 ක් සහ එක්දින ජාත්‍යන්තර තරග 70 කදී කඩුලු 76 ක් දවා ගැනීමට සමත්ව තිබේ.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දිමුත් කරුණාරත්න වික්‍රමාන්විත පිතිහරඹයක...
2018-07-12 19:20:16
පිඹුරු දඩයමේ යන්නා ලෙසින් ප්‍රකට දිමුත් කරුණාරත්නගේ ඉවසිලිවන්ත වූත් වික්‍රමාන්විත වූත් පිතිහරඹයෙන් යන්තම් හිස ඔසවාගත් ශ්‍රී ලං...
ඩු ප්ලෙසී ගාල්ලේ ඇත්ත කතාව කියයි...
2018-07-15 10:25:11
දකුණු අප්‍රිකානු ක්‍රිකට් ඉතිහාසයේ අතිශය දරුණු පරාජයකට මුහුණ දුන් නමුත් ශ්‍රී ලංකා කණ්ඩායමට හිමිවිය යුතු ගෞරවය කිසි ලෙසකින් අව...
ශ්‍රී ලංකාව ලකුණු 272 ක් ඉදිරියෙන්...
2018-07-13 13:09:47
ටෙස්ට් කණ්ඩායම් ශ්‍රේණිගත කිරීම අනුව ලෝකයේ අංක 2 හිමි කණ්ඩායම වුවත් දකුණු අප්‍රිකානු පිතිකරුවන් අල්ලේ නැටවූ රංගන හේරත් ප්‍රමුඛ...
ලක්මාල් ප්‍රසාද ලකුණු සොයා යයි...
2018-07-15 11:09:49
ශ්‍රී ලංකා කණ්ඩායමේ නායකත්වය තමන්ගේ උරමත පැටවී ඇත්තේ තාවකාලිකව බව හොඳින්ම දන්නා නමුත් දකුණු අප්‍රිකානුවන්ට එරෙහිව පැවැත්වෙන ටෙස්ට්...