. ජදේජාට තුන්වැනි ටෙස්ට් තරගය තහනම් | කෙළිමඬල
2017 අගෝස්තු මස 18 වැනි සිකුරාදා
ජදේජාට තුන්වැනි ටෙස්ට් තරගය තහනම්
2017-08-06 21:57:09 | .

මාස 24 ක් තුළදී අප්‍රසාද ලකුණු හයක් එකතුවීම හේතුවෙන් පල්ලේකැලේ හිදි පැවැත්වෙන තෙවැනි ටෙස්ට්  තරගය රවීන්ද්‍ර ජදේජාට තහනම් කර තිබේ. අන්තර්ජාතික ක්‍රිකට් සභාවේ විනය නීති හා රෙගුලාසි වලට පටහැනිව යාම හේතුවෙන් ජදේජාට මෙම අප්‍රසාද ලකුණු එකතු විය.

කොළඹදී පැවැති දෙවැනි ටෙස්ට් තරගයේ තෙවැනි දිනය වූ ඊයේ (05 වැනිදා) දිමුත් කරුණාරත්න සිටි කඩුල්ල වෙත පන්දුව දමාගැසීම හේතුවෙන් ඔහුට මෙම අප්‍රසාද ලකුණු එකතු විය. අන්තර්ජාතික ක්‍රිකට් සභාවේ විනය නීති හා රෙගුලාසි වලට අනුව පන්දුව (ක්‍රිකට් ආම්පන්න හෝ වතුර බෝතල්) ක්‍රිඩකයකු වෙත, ඔහුගේ උදව් කරුවෙකු වෙත, විනිසුරු, තරග තීරක හෝ වෙනත් තුන්වැනි පාර්ශවයේ අයෙකු වෙත අනතුරුදායක ලෙස දමාගැසීම දඩුවම් ලැබිය හැකි වරදකි.

2016 වසරේ ඔක්තෝබර් මාසයේදී නවසීලන්තයට එරෙහිව ඉන්දෝර්හිදී පැවැති ටෙස්ට් තරගයේදී මෙවැනිම වරදක් හේතුවෙන් තරග මුදලින් 50්‍ර ක දඩයකට ලක්ව අප්‍රසාද ලකුණු තුනක් ලබා තිබූ ජදේජා ඊයේ තවත්  අප්‍රසාද ලකුණු හතරක් එකතු කරගනිමින් ඒවා දඩුවම් ලකුණු දෙකක් බවට පරිවර්තනය කරගත්තේය. කිසියම් ක්‍රීඩකයකුට දඬුවම් ලකුණු දෙකක් හිමිවුහොත් ඔහුට ටෙස්ට් තරගයක් තහනම් කෙරේ.

ඒ අනුව මෙම මස 12 සිට 16 දක්වා පල්ලේකැලේදී පැවැත්වෙන තෙවැනි ටෙස්ට් තරගයේදී රවින්ද්‍ර ජදේජාගේ සේවය ඉන්දිය පිලට අහිමිවී යනු ඇත. මෙම දඩුවමට අනුගාමීව අප්‍රසාද ලකුණු හයක් ජදේජාගේ විනය වාර්තා වලට එක්විය. ඉදිරි මාස 24 කාලය තුළදී තවත් අප්‍රසාද ලකුණු අටක් හෝ ඊට වැඩියෙන් හිමිකර ගතහොත් දඩුවම් ලකුණු 4 ක් දක්වා පරිවර්ථනය වනු ඇත.

ඊයේ දිනයේ අවසන් ඕවරයේදී පිතිකරු සීමා ඉරෙන් මෙපිට නොසිටි අවස්ථාවකදී ජදේජා පන්දුව දමාගසා ඇත. පන්දුව නොවැදී දිමුත් කරුණාරත්න යන්තම් බේරුණු නමුත් ප්‍රධාන විනිසුරුවරුන් විසින් එය අනතුරුදායක පන්දු විසිකිරීමක් ලෙස හඳුන්වන ලදහ.

ජදේජා වරද පිළිගැනීම හේතුවෙන් විභාග කිරීමක් පවත්වා නැති අතර අන්තර් ජාතික ක්‍රිකට් සභාවේ තරග තීරක රිචී රිචඞ්සන් මහතා දඬුවම් පනවා තිබේ. ප්‍රධාන විනිසුරුවන් වන බෲස් ඔක්සන්ෆර්ඞ් සහ රොඞ් ටකර්, තෙවැනි විනිසුරු රිචඞ් ඉලන්වර්ත් සහ සිවුවැනි විනිසුරු රුචිර පල්ලියගුරුගේ යන මහත්වරු මෙම චෝදනා ගොණු කළහ.

 


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
වාස් වධක භූමිය හඳුනාගනී...
2017-08-12 21:23:42
ජාතික කණ්ඩායමට වේග පන්දු යවන්නන් සොයාගැනීම සම්බන්ධයෙන් ශ්‍රී ලංකාවේ දේශීය ක්‍රිකට් තරගාවලිය ඉතාමත් දුර්වල මට්ටමක පවතින බව චමින්ද ව...
චන්දිමාල් එක්දින සංචිතයෙන් ඉවතට...
2017-08-15 21:27:51
ඉන්දියාවට එරෙහිව පැවැත්වෙන තරග 5 කින් සමන්විත එක්දින තරගාවලිය සහ විස්සයි20 තරගය සඳහා නම් කරන ලද ශ්‍රී ලංකා සංචිතයෙන් ටෙස්ට් කණ්ඩායමේ න...
පිතිකරුවෝ මියෙම්වා රැකෙම්වා සටනක...
2017-08-13 17:11:30
පැය තුනක් යාමටත් පෙර ශ්‍රී ලංකා පිලේ මුල් ඉනිම අහවර කළ ඉන්දීය ක්‍රීඩකයෝ පල්ලෙකැළේ ක්‍රීඩාංගණයේදී පැවැත්වෙන තුන්වැනි සහ අවසන් ට...
ශ්‍රී ලංකාවට 3-0 ක සම්පූර්ණ සුද්දයක්...
2017-08-14 12:52:11
ලෝකයේ අංක එකේ ටෙස්ට් කණ්ඩායම තමන් යයි නැවත වරක් තහවුරු කළ විරාට් කෝලි ඇතුළු ඉන්දියානුවෝ පල්ලෙකැළේ අන්තර්ජාතික ක්‍රිකට් ක්‍රීඩාංගණය...