. අනුරාධ අතරමගදී තරගයෙන් ඉවත්වෙයි | කෙළිමඬල
2018 ජූලි මස 19 වැනි බ‍්‍රහස්පතින්දා
අනුරාධ අතරමගදී තරගයෙන් ඉවත්වෙයි
2017-08-06 22:26:41 | නාමල් පතිරගේ

ලන්ඩන් නුවරදී අද (6) පැවැති ලෝක මලල ක්‍රීඩා ශූරතාවලියේ මැරතන් (පිරිමි) තරගයට සහභාගි වූ ශ්‍රී ලංකා ක්‍රීඩක අනුරාධ ඉන්ද්‍රජිත් කුරේ කිලෝමීටර් 10ක් පමණ දිවයමින් සිටියදී අතරමග තරගයෙන් ඉවත් විය.

තරගකරුවන් 98 දෙනකුගේ සහභාගිත්වය අද ලන්ඩන් වේලාවෙන් පෙරවරු 10.55ට (ශ්‍රී ලංකා වේලාවෙන් පස්වරු 3.30ට) ලෝක ශූරතා මැරතන් (පිරිමි) තරගය ඇරඹුණි. එහිදී විනාඩි 31 තත්පර 53ක කාලයක් ධාවනයේ නිරත වූ කුරේ තරගය අත්හැර දමන විට කිලෝමීටර් 10ක් ධාවනයේ නිරත වී තිබුණි. 39 හැවිරිදි ඔහු 2005 හෙල්සින්කි නගරයේදී පැවති ඔහුගේ ලෝක මලල ක්‍රීඩා ශූරතාවලියේ පළමු සහභාගිත්වයේදීත් මේ ආකාරයෙන් තරගය අතරමග ඉවත්වුණි.

එසේ වුවත් වසර 2015 බීජින් ලෝක මලල ක්‍රීඩා තරගාවලියේදී ඔහු පැය 2 විනාඩි 25 තත්පර 04කට 29 වැනි ස්ථානය ලැබීය. පාදයේ ආබාධයක් උද්ගතවීමෙන් ඔහු මෙසේ අද තරගය අත්හැර දැමූ බව වාර්තාවේ.

මෙවර ‘ලන්ඩන් ලෝක මලල ක්‍රීඩා තරගාවලියට පැය 2, විනාඩි 15, තත්පර 19 කාලයක් වාර්තා කරමින් ඒ සඳහා සුදුසුකම් ලද මේ වනවිට ලන්ඩනයේ දිවි ගෙවන මෙම ශ්‍රී ලාංකික මැරතන් ක්‍රීඩකයාගේ මෙතෙක් හොඳම දක්‍ෂතාව 2015 ලන්ඩන් මැරතන් තරගයේදී වාර්තා වූයේ පැය විනාඩි 13 තත්පර 47 කි. එය එම ඉසව්වේ නව ශ්‍රී ලංකා වාර්තාව ද ඔහු හිමිකර දීමට සමත් විය.

කුරේ ඇතුළු තරගකරුවෝ 27 දෙනෙකු අද තරගය අවසන් කිරීමට අපොහොසත් වූ අතර කෙන්යාවේ ජෙෆ්රි කිප්කොරිර් තිරුයි පැය 2, විනාඩි 08, තත්පර 27කට ඔහුගේ මේ තරග වාරයේදී හොඳම මැරතන් දක්‍ෂතාව වාර්තා කරමින් එහි රන් පදක්කම දිනා ගත්තේය.

මෙම ඉසව්වේ ලෝක වාර්තාව ඇතුළුව තරග වාර්තාව හා මේ වන විට ලොව අංක එකේ ක්‍රීඩකයන් සතු වන වාර්තා සියල්ල කෙන්යානුවන් සතුවීම කැපී පෙනේ. තරගාවලියේ වාර්තාවට මේ වන විට හිමිකම් කියන්නේ පැය 2, විනාඩි 06, තත්පර 54කට අමෙල් තිරුයිය. අද තරගයට සහභාගි වූ ඉන්දීය ක්‍රීඩක කෝනසල් ගෝෆි පැය 2 විනාඩි 17 තත්පර 13 කට 28 වන ස්ථානය ලැබීය. නේපාලය ක්‍රීඩකයකු තරගයේ අතරමග ඉවත් විය.

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දිමුත් කරුණාරත්න වික්‍රමාන්විත පිතිහරඹයක...
2018-07-12 19:20:16
පිඹුරු දඩයමේ යන්නා ලෙසින් ප්‍රකට දිමුත් කරුණාරත්නගේ ඉවසිලිවන්ත වූත් වික්‍රමාන්විත වූත් පිතිහරඹයෙන් යන්තම් හිස ඔසවාගත් ශ්‍රී ලං...
ඩු ප්ලෙසී ගාල්ලේ ඇත්ත කතාව කියයි...
2018-07-15 10:25:11
දකුණු අප්‍රිකානු ක්‍රිකට් ඉතිහාසයේ අතිශය දරුණු පරාජයකට මුහුණ දුන් නමුත් ශ්‍රී ලංකා කණ්ඩායමට හිමිවිය යුතු ගෞරවය කිසි ලෙසකින් අව...
ශ්‍රී ලංකාව ලකුණු 272 ක් ඉදිරියෙන්...
2018-07-13 13:09:47
ටෙස්ට් කණ්ඩායම් ශ්‍රේණිගත කිරීම අනුව ලෝකයේ අංක 2 හිමි කණ්ඩායම වුවත් දකුණු අප්‍රිකානු පිතිකරුවන් අල්ලේ නැටවූ රංගන හේරත් ප්‍රමුඛ...
ලක්මාල් ප්‍රසාද ලකුණු සොයා යයි...
2018-07-15 11:09:49
ශ්‍රී ලංකා කණ්ඩායමේ නායකත්වය තමන්ගේ උරමත පැටවී ඇත්තේ තාවකාලිකව බව හොඳින්ම දන්නා නමුත් දකුණු අප්‍රිකානුවන්ට එරෙහිව පැවැත්වෙන ටෙස්ට්...