. පාපැදි නිලවරණයට නාමයෝජනා කැඳවයි | කෙළිමඬල
2018 ජූලි මස 16 වැනි සඳුදා
පාපැදි නිලවරණයට නාමයෝජනා කැඳවයි
2017-08-10 15:33:51 | සුසිල් ප්‍රේමලාල්

ශ්‍රී ලංකා පාපැදි සම්මේලනයේ නිලවරණය සඳහා නාම යෝජනා බාර ගැනීම මෙම අගෝස්තු 16 දා මධ්‍යහ්න 12.00 ට අවසන් කෙරේ. නිලවරණය මේ මස 31 දා පෙ.ව. 10.00 ට කොළඹ ක්‍රීඩා අමාත්‍යංශ ශ්‍රවණාගාරයේදී පැවැත්වීමට විධි විධාන යොදා ඇති බව ශ්‍රී ලංකා පාපැදි සම්මේලනයේ ලේකම් ගෲප් කපිතාන් සංජය ලීලාරත්න මහතා පවසයි.

පාපැදි සම්මේලනයේ තනතුරු 11ක් (සභාපති, උප සභාපතිවරු 07ක්, ලේකම්, උප ලේකම් හා භාණ්ඩාගාරික) සඳහා නව යෝජනා කැඳවීමට පියවර ගෙන ඇත.

මේ අතර ශ්‍රී ලංකා පාපැදි සම්මේලනයට අනුබද්ධිතව දිස්ත්‍රික් සංගම් ඇතුළු සංගම් 58 කට මෙතෙක් ඡන්ද බලය හිමිව තිබූ බව පවසන සම්මේලනයේ ලේකම්වරයා පාපැදි ව්‍යවස්ථාව අනුව අක්‍රීය සංගම් 32කට ඡන්ද බලය අහිමි කර ඇති බව  කියයි. එහෙත් මේ වන විට ඡන්ද බලය අහිමි කර ඇති සංගම් 16කින් අභියාචනා ඉදිරිපත් වී ඇත. 

මෙම අභියාචනා පාපැදි නිලවරණ කමිටුව වෙත ඉදිරිපත් කර අවසන් තීරණය ගැනීමට නියමිතය.

පාපැදි නිලවරණ කමිටුව සඳහා පංච පුද්ගල කමිටුව පත් කර ඇත. ඇන්ටන් රාජා ගුණතිලක (සභාපති) ශ්‍රීමාල් වර්ණකුලසූරිය, නන්දන මහෝදරන්, එච්.ජී.හේමපාල යන මහත්වරු සහ ක්‍රීඩා අමාත්‍යංශ නියෝජිත සුභානි උඩවත්ත මහත්මිය පත්කර ඇත.

පාපැදි නිලවරණ කමිටුව මෙම 11 දා රැස් වී නිලවරණය මෙහෙයවන ආකාරය සහ ඡන්ද බලය හිමි සංගම් කවරෙක් ද  යන්න තීරණය කිරීමට නියමිතය. 

පාපැදි නිලවරණය මෙතෙක් ප්‍රමාද වීමට ප්‍රධාන හේතුව විගණන වාර්තා ප්‍රමාද වීම බව වාර්තා වේ.

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මාලිංගගේ දස්කම් අපතේ යයි ...
2018-07-09 18:38:07
කැනඩාවේදී පැවැත්වෙන ග්ලෝබල් විස්සයි20 ක්‍රිකට් තරගාවලියේ 15 වැනි තරගය ලෙස ලසිත් මාලිංග නායකත්වය දරන මොන්ට්‍රේල් ටයිගර්ස් කණ්ඩායමට ...
දිමුත් කරුණාරත්න වික්‍රමාන්විත පිතිහරඹයක...
2018-07-12 19:20:16
පිඹුරු දඩයමේ යන්නා ලෙසින් ප්‍රකට දිමුත් කරුණාරත්නගේ ඉවසිලිවන්ත වූත් වික්‍රමාන්විත වූත් පිතිහරඹයෙන් යන්තම් හිස ඔසවාගත් ශ්‍රී ලං...
ක්‍රොඒෂියාව කටින් ජයගැනීමේ උත්සාහයක ...
2018-07-10 21:30:57
  මූලික වටයේදී ආර්ජන්ටිනාව ගෝල 3-0 කින් පරාජය කරමින් ලයනල් මෙසීගේ ගෝල යන්ත්‍රය නැවැත්වූ තම කණ්ඩායමට හැරී කේන් පාලනය කිරීම...
ශ්‍රී ලංකාව ලකුණු 272 ක් ඉදිරියෙන්...
2018-07-13 13:09:47
ටෙස්ට් කණ්ඩායම් ශ්‍රේණිගත කිරීම අනුව ලෝකයේ අංක 2 හිමි කණ්ඩායම වුවත් දකුණු අප්‍රිකානු පිතිකරුවන් අල්ලේ නැටවූ රංගන හේරත් ප්‍රමුඛ...