. ජාතික ටෙනිස් ශූරිය මේදිරා | කෙළිමඬල
2017 දෙසැම්බර් මස 12 වැනි අගහරුවාදා
ජාතික ටෙනිස් ශූරිය මේදිරා
2017-08-10 19:43:50 | ශානුක අරවින්ද

ශ්‍රී ලංකා ටෙනිස් සංගමය සංවිධානය කරන 102 වැනි ජාතික ටෙනිස් ශූරතාවලියේ විවෘත කාන්තා කේවල ශූරතාව දිනාගැනීමට මේදිරා සමරසිංහ සමත් වූවාය. අවසන් මහ තරගයේදී වට 2-0 ක් ලෙස අනීකා සෙනෙවිරත්න පරාජය කරමින් මේදිරා එම ශූරතාවට හිමිකම් කීවාය.

අවසන් මහ තරගයේ පළමු වටය ලකුණු 6/2 ක් ලෙස ජයගත් මේදිරා සමරසිංහ, දෙවැනි වටයෙන්ද ලකුණු 6/2 ක පහසු ජයක් වාර්තා කරමින් මේ වසරේ (2017) ජාතික ටෙනිස් ශූරිය බවට පත් වූවාය.

ඉකුත් වසරේ ජාතික ශූරිය වූ තිසුරි මොල්ලිගොඩට එරෙහිව පළමු අවසන් පූර්ව තරගයේදී වට 2-1 ක (5/7, 6/4, 6/3) තියුණු ජයක් වාර්තා කරමින් මේදිරා අවසන් මහ තරගයට සුදුසුකම් ලබාගත්තාය. අනීකා අවසන් මහ තරගයට සුදුසුකම් ලබාගත්තේ දෙවැනි අවසන් පූර්ව තරගයේදී තියුණු සටනකින් අනතුරුව වට 2-1 ක් (5/7, 6/2, 6/3) ලෙස සවිනි ජයසූරිය පරාජය කරමිනි.

කේවල අවසන් මහ තරගයේදී මේදිරා හමුවේ පරාජයට පත් වුවද, ජිත්මි ජයවික්‍රම සමග එක්ව කාන්තා යුගල අවසන් මහ තරගය ජයගැනීමට අනීකා සෙනෙවිරත්න සමත් වූවාය. එහිදී ඔවුන් දෙදෙනා හමුවේ වට 2-0 ක් (6/1, 6/1) ලෙස පරාජයට පත් වූයේ අම්රිතා මුත්තයියා සහ මේදිරා සමරසිංහය.

පළමු අවසන් පූර්ව තරගයේදී තරග වට 2-0 ක් (6/2, 6/3) ලෙස අන්‍යා ගුණවර්ධන සහ ජනාලි මනම්පේරි පරාජය කරමින් ජිත්මි සහ අනීකා අවසන් මහ තරගයට සුදුසුකම් ලබාගත්හ. අම්රිතා සහ මේදිරා අවසන් මහ තරගයට සුදුසුකම් ලබාගත්තේ දෙවැනි අවසන් පූර්ව තරගයේදී වට 2-0 ක් (6/0, 6/1) ලෙස ඔෂිනි හේරත් සහ සවිනි ජයසූරිය පරාජය කරමිනි.

 


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
පිතිකරුවෝ ශ්‍රී ලංකාව බේරාගනිති...
2017-12-06 16:00:46
ඉන්දියාවට එරෙහිව දිල්ලිහි ෆෙරෝස්ශා කොට්ලා ක්‍රීඩාංගණයේදී පැවැති තෙවැනි ටෙස්ට් තරගය ජය පරාජයෙන් තොරව අවසන් කරගැනීමට ශ්‍රී ලංකාව අද ...
දෝනිව දවාගත්තා නම්......
2017-12-11 19:04:24
වසර 17 ක වාර්තාවක් අලුත් කිරීමට තිබූ අනගි අවස්ථාවක් මහේන්ද්‍ර සිං දෝනි විසින් වළක්වන ලදි. ඉන්දීය කණ්ඩායම සිය මවුබිමේ පැවැති...
ශ්‍රී ලංකාවට කඩුලු 7 ක ජයක්...
2017-12-10 11:50:11
පරාජයන් වැළකට තිත තබමින් සුරංග ලක්මාල් ඇතුළු ශ්‍රී ලංකා පන්දු යවන්නන්ගේ විශිෂ්ට පන්දු යැවීම හමුවේ ධර්මසාලාහිදී අද (10 ව...
චන්දිමාල් - මැතිව්ස් ඉහළ නගිති...
2017-12-07 17:31:49
අන්තර් ජාතික ක්‍රිකට් සභාවේ නවතම ශ්‍රේණිගත කිරීම්වලට අනුව ටෙස්ට් පිතිකරුවන් අතර 9 වැනි ස්ථානය දක්වා ඉහළ නැගීමට ශ්‍රී ලංකා ටෙස්...