. කොළඹ මැරතන් තරගය ඔක්තෝබර් 8 දා | කෙළිමඬල
2017 සැප්තැම්බර් මස 23 වැනි සෙනසුරාදා
කොළඹ මැරතන් තරගය ඔක්තෝබර් 8 දා
2017-08-13 20:44:58 | ශානුක අරවින්ද

ලංකා ස්පෝට්රයිසන් ප්‍රවාහන ඒජන්සිය 17 වැනි වරටත් සංවිධානය කරන කොළඹ ජාත්‍යන්තර මැරතන් තරගය දෙස් විදෙස් ක්‍රීඩක ක්‍රීඩිකාවන් රැසකගේ සහභාගීත්වයෙන් ලබන ඔක්තෝබර් මස 8 වැනිදා පැවැත්වේ.
 
බණ්ඩාරනායක සම්මන්ත්‍රණ ශාලාව අසලින් එදින පෙරවරු 6.00 ට ආරම්භ වන මෙම තරගය බෞද්ධාලෝක මාවත, ආර්. ජී. සේනානායක මාවත, මේට්ලන්ඞ් චන්ද්‍රවංකය, කොල්ලුපිටිය ශ්‍රී ජයවර්ධනපුර පාර, ශ්‍රීමත් මාර්කස් ෆර්නැන්ඩස් මාවත, ඇල්බර්ට් චන්ද්‍රවංකය, නිදහස් පටුමග, ෆිලිප් ගුණවර්ධන මාවත, තුන්මුල්ල හන්දිය, බෞද්ධාලෝක මාවත, ජාවත්ත පාර පූජ්‍ය මුරුත්තෙට්ටුවේ ආනන්ද හිමි මාවත, ටොරින්ටන් පටුමග, බෞද්ධාලෝක මාවත, මෙයිට්ලන්ඞ් පෙදෙස, නිදහස් පටුමග, මෙයිටිලන්ඞ් චන්ද්‍රවංකය, මෙයිට්ලන්ඞ් පෙදෙස, විද්‍යා මාවත, විජේරාම මාවත, බෞද්ධාලෝක මාවත, බොරැල්ල කහත්ත හන්දිය, බේස්ලයින් පාර, පෑලියගොඩ නවලෝක වටරවුම, මීගමුව කොළඹ පාර, හේකිත්ත හන්දිය, හේකිත්ත පාර, ඇල පාර, බෝපිටිය පාර සහ පමුණුගම පාර ඔස්සේ පැමිණ දුන්ගාල්පිටියෙන් අවසන්වේ.

මෙම තරගය පිරිමි සහ කාන්තා යන අංශ දෙකෙන්ම කාණ්ඩ 6 ක් යටතේ පැවැත්වෙන අතර විවෘත පූර්ණ මැරතන් තරගය, විවෘත අර්ධ මැරතන් තරගය, වයස 50 ට ඉහළ ප්‍රවීණයන්ගේ පූර්ණ මැරතන් තරගය, වයස 50 ට ඉහළ ප්‍රවීණයන්ගේ අර්ධ මැරතන් තරගය, විනෝද ධාවන තරගය, අර්ධ විනෝද ධාවන තරගය එම කාණ්ඩ 6 ට ඇතුළත්වේ.

මෙහි පූර්ණ මැරතන් තරගයේ මුළු දුර ප්‍රමාණය කිලෝ මීටර් 42.195 ක් වන අතර අර්ධ මැරතන් තරගයේ දුර කිලෝ මීටර් 21.097 කි. විනෝද ධාවන තරගය කිලෝ මීටර් 10 කින්ද, අර්ධ විනෝද ධාවන තරගය කිලෝ මීටර් 5 කින්ද සමන්විත වේ. මේ වන විට ක්‍රීඩක ක්‍රීඩිකාවන් 5000 කට වැඩි සංඛ්‍යාවක් මෙම තරගය සඳහා ලියාපදිංචි වී ඇති අතර එම සංඛ්‍යාව 10000 ඉක්මවනු ඇතැයි සංවිධායකයෝ අපේක්ෂා කරති.

තරගයේ ප්‍රධානම කාණ්ඩය වන විවෘත පූර්ණ මැරතන් තරගයේ ජයග්‍රාහකයාට සහ ජයග්‍රාහිකාවට ඇමරිකානු ඩොලර් 2500 ක මුදලක් සහ ගුවන් ටිකට්පතක් බැගින් පිරිණැමීමට සංවිධායක මණ්ඩලය සූදානමින් සිටියි. එම මුදල ශ්‍රී ලංකා මුදලින් රුපියල් තුන් ලක්ෂ හතලිස් දහසක් (340,000) පමණ වේ. එහි දෙවැනි ස්ථාන සඳහා ඇමරිකානු ඩොලර් 1500 ක් බැගින්ද, තෙවැනි ස්ථාන සඳහා ඇමරිකානු ඩොලර් 1000 ක් බැගින්ද පිරිනැමේ.
 
ඉකුත් වසරේ පැවති තරගය සඳහා තරගකරුවන් 7500 ක් පමණ සහභාගි වූ අතර ඊට විදෙස් ක්‍රීඩක ක්‍රීඩිකාවෝ 200 ක් පමණ ඇතුළත් වූහ. පැය 2 යි විනාඩි 25 යි තත්පර 32 තරගය අවසන් කළ කෙන්යාවේ ජෝසප් කරිවුකි එම තරගය ජයගතතේය. කෙන්යාවේ මාගරෙට් වැන්ගුයි, එවර තරගය අවසන් කළ ප්‍රථම කාන්තාව වූ අතර ඇය තරගය අවසන් කිරීම සඳහා පැය 2 යි විනාඩි 53 යි තත්පර 47 ක කාලයක් ගත කළාය.

 


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මාලිංගගෙන් බීමර් වරුසාවක්...
2017-09-17 22:00:57
ඉන්දිය කණ්ඩායමට එරෙහිව පැවැති තරගාවලිය සඳහා තණතීරු සකස් කිරීමේදී ශ්‍රී ලංකා කණ්ඩායමේ අපේක්‍ෂාවන්ට පටහැණි ලෙසින් තණතීරු සකස් කළේ යය...
සංගා 8 වැනි ශතකයත් ලබාගනී...
2017-09-21 18:54:33
එංගලන්ත ප්‍රාන්ත ක්‍රිකට් තරගාවලියේ සරේ ප්‍රාන්ත කණ්ඩායමට ක්‍රීඩා කරන කුමාර් සංගක්කර මෙවර තරගවාරයේ 8 වැනි පළමු පෙළ ශතකය ලබ...
මැතිව්ස්ට පළමු ටෙස්ට් තරගය අහිමි වෙයි...
2017-09-20 15:56:48
ශ්‍රී ලංකාව සහ පාකිස්තානය අතර එක්සත් අරාබි එමීර් රාජ්‍යයේදී පැවැත්වෙන පළමු ටෙස්ට් තරගය ශ්‍රී ලංකා පිලේ හිටපු නායක ඇන්ජලෝ මැතිව...
හර්දික් පාණ්ඩ්‍යා ඉන්දියාවට ජය ගෙනෙයි...
2017-09-17 18:40:28
හර්දික් පාණ්ඩ්‍යා (83) සහ මහේන්ද්‍ර සිං දෝනි (79) එක්ව හයවැනි කඩුල්ල සදහා පැවැත්වූ ලකුණු 118 ක සම්බන්ධතාවය හේතුවෙන් චෙන්නායිහිදී අ...
චාමර සිල්වාට වසර දෙකක තහනමක්...
මේ වනවිට සියලුදෙනා දන්න කාරණයක් තමයි මේක කැකිල්ලේ නඩු තීන්දුවක් බව. ක්‍රීඩා ඇමැතියි, සුමතිපාලයි කියන්නේ දෙන්නෙක් නෙමේ එක්කෙනෙක්. මේ යන විදිහට ලංකාවේ ක...
ශා. සිල්වෙස්ටර්ට මුල් ඉනිමේ ජයක්...
මම හදවතින්ම සුබපතනවා !!!...
ක්‍රිකට් දැනුමැත්තෝ කර අරිති...
හැමෝටම කළින් ක්‍රීඩා ඇමැතිවරයා සහ තිලංග ඉවත්විය යුතුයි. ඊට පස්සේ ලංකාවේ ක්‍රිකට්වලට හොඳ කලක් උදාවේවි... බැරිවෙලාවත් අර්ජුන ආවොත් සොරිම තමයි. ...
ක්‍රිකට් දැනුමැත්තෝ කර අරිති...
ඇමැතිගේ නාඩගම් එපාවෙලා වෙන්නැති ක්‍රිකට් දැනුමැත්තෝ එන්නේ නැත්තේ... ...
තිසර ලෝක කණ්ඩායම දිනවයි...
ලංකා ටීම් එක, ලංකාවේ ක්ලබ් ටීම් එකක් එක්ක සෙල්ලම් කළත් පරදිනවා. ඒක සත්තයි..!!! ...