. හොකී පුහුණු සංචිතය ඇරඹෙයි | කෙළිමඬල
2017 නොවැම්බර් මස 24 වැනි සිකුරාදා
හොකී පුහුණු සංචිතය ඇරඹෙයි
2017-08-23 20:30:29 | සුසිල් ප්‍රේමලාල්

ලබන නොවැම්බර් 25 සිට දෙසැම්බර් 3 දක්වා මියන්මාර්හි යංන්ගුන් හි පැවැත්වීමට නියමිත ආසියානු හොකී සම්මේලන තරගාවලිය සඳහා ශ්‍රී ලංකා හොකී ජාතික කණ්ඩායම සහභාගී කරවීමට ක්‍රීඩා අමාත්‍යංශය තීරණය කර තිබේ. ශ්‍රී ලංකාවේ හොකී ක්‍රීඩාව වෙනුවෙන් දැනට ජාතික සංගමයක් ක්‍රියාත්මක  නොවන හෙයින් ක්‍රීඩා අමාත්‍යංශය මැදිහත්වී ජාත්‍යන්තර හොකී තරගාවලි සඳහා කණ්ඩායමක්  සහභාගි කරවයි.

මෙම තරගාවලිය ඉලක්ක කර ගනිමින් ක්‍රීඩකයන් 28 දෙනෙකුගෙන් සමන්විත ජාතික සංචිතයක් පිහිටුවා එහි දෛනික පුහුණු කටයුතු කොළඹ ටොරින්ටන් කෘතිම හොකී ක්‍රීඩාංගනයේ ආරම්භ කර ඇත.

අනුරුද්ධ හේරත් බණ්ඩාර සහ පුලස්ති ලැනරෝල් යන මහත්වරු සංචිතය භාර පුහුණුකරුවන් ලෙස කටයුතු කරති. ව්‍යායාම් පුහුණු අභ්‍යාසක ලෙස ක්‍රීඩා අමාත්‍යංශයේ මලල ක්‍රීඩා පුහුණුකරුවෙකු වන ජයන්ත සියමුදලි මහතා පත් කර තිබේ.

ආසියානු හොකී සම්මේලනය විසින් මෙහෙයවනු ලබන 2017 හොකී අභියෝග ශූරතා තරගාවලිය සඳහා ශ්‍රී ලංකාව ඇතුළුව කලාපීය හොකී කණ්ඩායම් 7ක් සහභාගීවීමට නියමිතය. ශ්‍රී ලංකාව, චීන තායිපේ, හොංකොං, ඇෆ්ගනිස්ථානය, බෘනායි, මියැන්මාරය සහ උස්බෙකිස්ථානය යන රටවල් අදාළ තරගාවලියට සහභාගී වන රටවල් වේ.

සංචාරයට සහභාගී වන ශ්‍රී ලංකා කණ්ඩායම තේරීම් පරීක්ෂණ කිහිපයකින් අනතුරුව ලබන ඔක්තෝම්බර් 15 දා වන විට ප්‍රකාශයට පත් කිරීමට පුහුණුකරුවෝ බලාපොරොත්තු වෙති.

 

 

 


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ඉන්දියාවේ ජයග්‍රහණය අඳුරේ සැඟවෙයි...
2017-11-20 17:00:08
වර්ෂාව හේතුවෙන් තරගයේ පළමු දින දෙකේදීම ඕවර 147 ක් අපතේ ගිය නමුත් අවසන් මොහොත දක්වාම සිය අරමුණු කරා යාම අතහැර නොදැමූ ඉන්දියානු පිලට අත පොවන...
හේරත් හෙවණැල්ලෙන් ඩිල්රුවන් වසාගනී...
2017-11-19 21:56:03
දැවී ගිය බවට විනිසුරු තීරණය ප්‍රකාශ කිරීමෙන් පසුව ක්‍රීඩාගාරයට යමින් සිටි ඩිල්රුවන් පෙරේරා ආපසු හැරී විනිසුරු තීරණය විමසීම සම්බන්ධ...
අර්ධ ශතක පිළිබඳ මැතිව්ස් මතය...
2017-11-19 20:50:07
ගෙවී යමින් පවතින 2017 වර්ෂය අමතක කිරීමට හැකිනම් ශ්‍රී ලංකා පිලේ හිටපු නායක ඇන්ජලෝ මැතිව්ස් ඊට බෙහෙවින් කැමති වනු ඇත. පාදයේ ආබාධ හේතුවෙ...
ඉන්දියාවට ලකුණු 7 ක් ළඟින්...
2017-11-18 12:04:06
හිටපු නායක ඇන්ජලෝ මැතිව්ස්ගේ ආගමනයෙන් සවිමත් වී සිටින ශ්‍රී ලංකා කණ්ඩායම ඉන්දියාවට එරෙහිව කොල්කටාවේදී පැවැත්වෙන පළමු ටෙස්ට් තරගයේ තුන්...