. ක්‍රීඩාවේ දැනුමැතියන් හිඟයි - දයාසිරි | කෙළිමඬල
2019 මාර්තු මස 24 වැනි ඉරිදා
ක්‍රීඩාවේ දැනුමැතියන් හිඟයි - දයාසිරි
2017-08-26 20:55:03 | සුසිල් ප්‍රේමලාල්

බොහෝ ජාතික ක්‍රීඩා සංගම්වලට ක්‍රීඩා සැලසුම් සකස්කිරීම සඳහා දැනුමැති නිලධාරීන් නොමැති වීම කණගාටුවට කරුණක් බව ක්‍රීඩා ඇමැති දයාසිරි ජයසේකර මහතා පවසයි.

ශ්‍රී ලංකාවේ ක්‍රීඩාවේ පසුබැස්මට ප්‍රධාන හේතුවද දීර්ඝ කාලීන සැලැස්මක් ජාතික ක්‍රීඩා සංගම් සතුව නොතිබීම බවත්, තමා සෑම ජාතික ක්‍රීඩා සංගමයකටම අදාළ ක්‍රීඩාව වෙනුවෙන් පස් අවුරුදු ජාතික සැලැස්මක් සකස් කර ඉදිරිපත් කරන ලෙස දැනුම් දී ඇතත් මෙතෙක් ඊට ප්‍රතිචාර දක්වා ඇත්තේ අතළොස්සක් බවත් ඇමතිවරයා වැඩිදුරටත් පැවසීය.

කොළඹ ශ්‍රී ලංකා පදනම් ආයතන ශ්‍රවණාගාරයේදී අද (26 දා) පෙරවරුවේ ආරම්භ වූ වොලිබෝල් ජාතික සමු`එවේ ප්‍රධාන ආරාධිතයා ලෙස සහභාගී වෙමින් ක්‍රීඩා ඇමැතිවරයා මේ බව අනාවරණය කළේය. මෙම දෙදින සමුළුව හෙට (27 දා) අවසන් වේ.

වසර 100ක් (1916-2016) සපිරි ශ්‍රී ලංකාවේ ජාතික ක්‍රීඩාව වන වොලිබෝල් ක්‍රීඩාවේ තුන්වැනි ජාතික සමු`එව මෙයයි.  මීට පෙර 1984 දී චරිත රත්වත්තේ මහතා සභාපති තනතුර හෙබවූ කාලයේදී සහ 2005 ඩිලාන් පෙරේරා සභාපති ධූරය හෙබවූ කාලයේදී මෙවැනි ජාතික සමු`එ 2 ක් පැවැත්විණි.

මෙවර ජාතික වොලිබෝල් සමු`එව ඇසුරින් සකස් කිරීමට යෝජිත සිව් අවුරුදු වොලිබෝල් සැලැස්ම මගින් ඉදිරි වසර 2 ඇතුළත ආසියාවේ පළමු කණ්ඩායම් 8 ඇතුළට පැමිණීමත්, වසර 4 අවසානයේ ආසියාවේ පළමු කණ්ඩායම් 4ට පැමිණීමත් ප්‍රධාන ඉලක්ක ලෙසින් හඳුනා ගෙන තිබේ.

සීඝ්‍ර පසුබැස්මකට ලක්ව ඇති ශ්‍රී ලංකාවේ වොලිබෝල් ක්‍රීඩාව යළි නංවාලීම ඉලක්ක කොටගෙන කෙටිකාලීන, මධ්‍ය කාලීන සහ දිගු කාලීන සිව් අවුරුදු වොලිබෝල් සැලැස්මක් සකස්කිරීමට පෙර මෙරට වොලිබෝල් ක්ෂේත්‍රයේ විවිධ පැතිකඩවල සෘජුව සහ වක්‍රව සිටින ප්‍රවීණයන්ගේ අදහස් සහ යෝජනා ලබාගැනීමේ අරමුණින් 3 වැනි ජාතික වොලිබෝල් සමු`එව ශ්‍රී ලංකා වොලිබෝල් සම්මේලනය විසින් සංවිධානය කරන ලදි. මේ සඳහා පුද්ගලයන් 200 කට ආසන්න පිරිසකට ඇරයුම් කර තිබූ නමුදු ඊට සහභාගී වීම සඳහා 100 කටත් අඩු පිරිසකි.
 
රාජ්‍ය අංශයේ ලාභ ලබන ආයතනවල සේවය සඳහා ජාතික මට්ටමේ ක්‍රීඩක ක්‍රීඩිකාවන් බඳවාගැනීමේ ජාතික වැඩපිළිවෙළක් ඉදිරියේදී රජයට යෝජනා කිරීමට ක්‍රීඩා ඇමැතිවරයා සුදානම් වේ. වර්තමානයේ බොහෝ ජාතික මට්ටමේ ක්‍රීඩක ක්‍රීඩිකාවන් කොතරම් කුසලතා තිබුණත්, අ.පො.ස. උසස් පෙළ විභාගයෙන් පසු ක්‍රීඩාව අතහැර රැකියාවන් සොයායාමේ ප්‍රවණතාවක් අද තිබෙන බවත්, ක්‍රිකට්, රගර් වැනි ක්‍රීඩා කිහිපයක් හැර සෙසු ක්‍රීඩාවලට දීර්ඝ කාලීනව යොමු වීමෙන් පලක් නොවන බව ක්‍රීඩක ක්‍රීඩිකාවන්ට මෙන්ම දෙමව්පියන්ටද ඒත්තු ගැනීම නිසා ක්‍රීඩාවේ පසුබැස්මක් පෙන්නුම් කරන බවත් ඇමැතිවරයා පවසයි.   

 

ජාතික වොලිබෝල් සමුළුවේදී ඇමැති දෙපළ අදහස් හුවමාරු කර ගනිමින්

   

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දකුණු අප්‍රිකාව සුපිරි ඕවරය ජයගනී...
2019-03-19 21:28:52
තරග තුනකින් සමන්විත විස්සයි20 ක්‍රිකට් තරගාවලිය ආරම්භ කරමින් කේප් ටවුන්හි නිව්ලන්ඞ්ස් ක්‍රීඩාංගණයේදී අද (19) පැවැති පළමු විස්සයි-2...
විස්මිත හඹායාමකින් ශ්‍රී ලංකාවට රිදී පදක්කමක්...
2019-03-17 19:41:32
අවසන් (සිව්වැනි) අදියරේ විශ්මිත හඹා යාමකින් මිශ්‍ර සහය (අදියර 4ක එකතුව මීටර 1000 - පිරිමි) ඉසව්වේ රිදී පදක්කම (විනාඩි 1 තත්පර 55.04) හ...
දකුණු අප්‍රිකානු ජ්‍යෙෂ්ඨයෝ විවේක ගනිති...
2019-03-18 18:13:33
ශ්‍රී ලංකාවට එරෙහිව පැවැත්වෙන තරග 3 කින් සමන්විත විස්සයි20 ජාත්‍යන්තර ක්‍රිකට් තරගාවලිය සඳහා නම් කරන ලද දකුණු අප්‍රිකානු ස...
උදානගේ ප්‍රවේගකාරී පිතිහරඹය අපතේ යයි...
2019-03-22 21:34:17
ප්‍රවේගකාරී පිතිහරඹයක නිරත වෙමින් පන්දු 48 කදී නොදැවී ලකුණු 84 ක් රැස්කිරීමට ඉසුරු උදාන සමත් වුවද, මුල් පෙළ පිතිකරුවන්ගේ අසාර්ථකත්වය හ...