. සිව්වැනි එක්දින තරගයේ නායකත්වය මාලිංගට | කෙළිමඬල
2018 පෙබරවාරි මස 25 වැනි ඉරිදා
සිව්වැනි එක්දින තරගයේ නායකත්වය මාලිංගට
2017-08-30 10:25:43 | දමින්ද විජේසූරිය

ශ්‍රී ලංකාව සහ ඉන්දියාව අතර පැවැත්වන එක්දින තරගාවලියේ සිවුවැනි තරගය සඳහා ශ්‍රී ලංකා කණ්ඩායමේ නායකයා වශයෙන් ලසිත් මාලිංග පත්කර තිබේ. මෙම තරගය මේ මස 31 වැනිදා කොළඹ ආර්. ප්‍රේමදාස ක්‍රීඩාංගණයේදී පැවැත්වීමට නියමිතය.

එක්දින කණ්ඩායමේ නිත්‍ය නායක උපුල් තරංග තරග තහනමකට මුහුණ දීමෙන් පසුව ශ්‍රී ලංකා එක්දින පිලේ නායකත්වය සඳහා නම්කරනු ලැබ සිටියේ චාමර කපුගෙදර වුවත් පිටකොන්දේ ආබාධයක් හේතුවෙන් චාමර කපුගෙදර 31 වැනිදා තරගයට සහභාගි නොවන බව වාර්තා වේ. ඉතාමත් විශ්වාස කටයුතු ආරංචිමාර්ග වලින් දැනගන්නට ඇත්තේ තීරණ ගැනීම සම්බන්ධයෙන් ඇතිවූ කිසියම් ව්‍යාකූල තත්ත්වයක් හේතුවෙන් චාමර කපුගෙදර 31 වැනිදා තරගයෙන් ඉවත් කර ඇති බවයි.

මේ අතර ලසිත් මාලිංග කණ්ඩායම් කළමණාකාරීත්වයට පවසා ඇත්තේ නායකත්වය බාරගැනීමට තමන් සූදානම් බවත් තරගය සඳහා වෙනමම පිතිහරඹ සැලැස්මක් තමන්ට ඇති බවත්ය. මේ වන විට එක්දින කඩුලු 299 ක් ලබා සිටින ලසිත් මාලිංග සිය 300 වැනි කඩුල්ල දවාගැනීමෙන් පසුව එක්දින තරග බිමෙන් ඉවත්වීමට සැලසුම් කර ඇති බවද වාර්තාවේ. මේ දක්වා එක්දින තරග 202 කට සහභාගි වී සිටින ලසිත් මාලිංග ශ්‍රී ලංකාවේ 21 වැනි එක්දින නායකයා වෙයි.

ආරම්භක පිතිකරු ඩිල්ෂාන් මුණවීර ශ්‍රී ලංකා සංචිතය ආසන්නයටම කැඳවා සිටින අතර ධනුෂ්ක ගුණතිලකට ක්‍රීඩා කළ නොහැකි නම් ඔහුගේ ස්ථානය මුණවීරට හිමිවනු ඇතැයි කියැවේ. කණ්ඩායමේ අනෙක් ස්ථානය වනිඳු හසරංගට හෝ තිසර පෙරේරාට හිමිවනු ඇත.


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ගැලවුම්කාරයාණන්ගේ නැවත පැමිණීම...
2018-02-20 15:19:53
එක සංචාරයකි. තුන් ආකාරයක තරගාවලි තුනක්ම එහි වූයේය. තරගාවලි තුනම ජයග්‍රහණයෙන් අවසන් කිරීමට ශ්‍රී ලංකා කණ්ඩායම සමත් විය.  ...
විස්සයි-20 අන්තර්ජාතික තරග එපා...
2018-02-19 21:22:04
ක්‍රිකට් ක්‍රීඩාවේ ඉදිරියෙන් සිටින ක්‍රීඩකයන්ගේත් පුහුණුකරුවන්ගේත් පීඩනය අඩුකිරීම සඳහා විස්සයි-20 තරග දින දර්ශනයෙන් කපා හැරිය ...
ශ්‍රී ලංකාවට සටනකින් තොර ජයක්...
2018-02-18 16:52:41
බංග්ලාදේශ ක්‍රීඩකයින්ගෙන් සටන්කාමී ක්‍රීඩා විලාශයක් දක්නට නොලැබීම හේතුවෙන් ශිලාත්හිදි අද (18 වැනිදා) පැවැති දෙවැනි සහ අවසන් විස්සය...
චන්දික හතුරුසිංහ...
2018-02-20 16:06:04
“එකිනෙකට වෙනස් රටවල් එක්ක තරග කිරීමේදී වෙනස් වෙනස් ස්ථාන සඳහා යොදා ගැනීමට අපට විශාල ක්‍රීඩක සංචිතයක් ඕනා. ඒත් එක රඳා තියෙන්නේ ඒ ඒ ක්&z...