. නරඹන්නෝ තරගය අතර මග නවතති | කෙළිමඬල
2018 ඔක්තෝබර් මස 15 වැනි සඳුදා
නරඹන්නෝ තරගය අතර මග නවතති
2017-09-03 18:23:45 | නාමල් පතිරගේ

අන්තර් සමාජ ඩයලොග් ශූරයන්ගේ තරගාවලියේ සමාරම්භක උත්සවයත් සමග කළුතර ‘වර්නන් ප්‍රනාන්දු’ පිටියේ පැවති කළුතර බ්ලූස්ටාර්ස් කණ්ඩායම හා බේරුවල සුපර්සන් කණ්ඩායම අතර තරගය නරඹන්නන් පිරිසක් පිටියට කඩාවැදීම නිසා තරගය අතරමග අත්හිටුවීමට සිදුවිය. එහිදී විශේෂ සිදුවීම වන්නේ එම තරගයේ සත්කාරය දැරූ සුපර්සන් කණ්ඩායම ආරක්‍ෂාව ප්‍රමාණවත් නැතැයි පවසමින් අතරමගදී තරග වැදීම ප්‍රතික්ෂේප කර සිටීමය.

සමාරම්භක උත්සවයට සහභාගිවී සිටි ආරාධිත අමුත්තන් ඉදිරියේ වූ මෙම අශෝභන සිදුවීමත් සමඟ කළහකාරී නරඹන්නන් පිටියෙන් ඉවත් කිරීම සඳහා පොලිසිය කැඳවීමට සිදු විය. තරගයේ දෙවැනි භාගයේ 31 වැනි විනාඩියේදී වූ එම සිදුවීමත් සමඟ එතැන් සිට තරගය අත්හිටුවීමට සිදුවූ අතර ඒ වන විට බ්ලූස්ටාර්ස් කණ්ඩායම ගෝල 3-1 ක් ලෙස පෙරමුණේ පසුවිය.

කළහකාරී නරඹන්නන් පිටියෙන් ඉවත් කර තරගය යළි ඇරඹීමට එම අවස්ථාවේ සමාරම්භක උත්සවයට සහභාගිවී සිටි ශ්‍රී ලංකා පාපන්දු සම්මේලන සභාපති අනුර ද සිල්වා එහි ලේකම් උමාර් ජස්වර් යන මහත්වරු ඇතුළු සම්මේලන ප්‍රධානීන් උත්සාහ ගත්තත් ආරක්‍ෂාව ගැන සෑහීමට පත්විය නොහැකි බව පවසමින් සුපර්සන් ක්‍රීඩකයෝ නැවත තරගයට සහභාගිවීම ප්‍රතික්ෂේප කර සිටියහ. කෙසේ වුවත් තරගයේ ඉතිරි කොටස 6 වැනිදා පස්වරු 4.00 ට කොළඹ සිටි ලීග් පිටියේදී පැවැත්වීමට පාපන්දු සම්මේලනයේ තරග කමිටුව තීරණය කර තිබේ.

මෙවර තරගාවලියේ පළමු තරගයවන මෙහි විශේෂ සිදුවීම වන්නේ කළුතරදී පැවැත්වුණත් එම තරගයේ සත්කාරක කණ්ඩායම ලෙස බේරුවල සුපර්සන් කණ්ඩායම නම්කර තිබීමය.

මෙම තරගයේදී අගතියට පත්වූ බව කියන බේරුවල සුපර්සන් ක්‍රීඩා සමාජයේ ලේකම් එන්.ජේ.එම්. රිට්ෂාන් මහතා ‘ලංකාදීප’ය කළ විමසුමකදී පැවසුවේ මෙම සිදුවීමෙන් සිය ක්‍රීඩක එම්.ආර්.එම්. රවීෂ් නරඹන්නන් තිදෙනෙකුගේ පහර කෑමට ලක්වූ බවයි. බ්ලූස්ටාර්ස් කණ්ඩායම සිය තෙවැනි ගෝලය වාර්තා කිරීමත් සමඟ පිටියේ විවෘත පෙදෙස් ඔස්සේ පිටිය මැදට කඩා වැදුණු පිරිස් ක්‍රීඩක රවීෂ්ට පහරදුන් බව පැවසීය.

“මේ පහර කෑ ක්‍රීඩකයා වගේම එයාගේ අයියා එම්.ආර්.ඩී. හම්ෂා මහතා කලක් මේ තරගයේ අපේ ප්‍රතිවාදීන් වූ බ්ලූස්ටාර්ස් කණ්ඩායමේ ක්‍රීඩා කළ ක්‍රීඩකයන්. ඒ වගේම ඔවුන් කළුතර ප්‍රදේශයේ අයයි. ජාත්‍යන්තර පාපන්දු තරග නීති රීති අනුව නම් මේ තරගයේ ජයග්‍රහණය අපට ප්‍රදානය කළ යුතුයි. නමුත් පාපන්දු සම්මේලනයේ සභාපතිවරයා අපට දැනුම් දුන්නේ ඒ නීති රීති මේ තරගාවලියට අදාළ වෙන්නෙ නෑ කියලා. අපට වෙන කරන්න දෙයක් ඉතිරිවෙලා නැති හින්දා අපි මේ තරගයේ ඉදිරියට සහභාගි වෙන්න තීරණය කළා.” යයිද රිම්සාන් මහතා එහිදී වැඩිදුරටත් පැවසීය.

මෙම සිදුවීම ගැන ‘බ්ලූස්ටාර්ස්’ ක්‍රීඩා සමාජයේ ප්‍රකාශකයෙකු ලංකාදීපයට පැවසුවේ ඊට සිය ක්‍රීඩා සමාජයේ හෝ කණ්ඩායමේ ක්‍රීඩකයන්ගේ කිසිදු මැදිහත්වීමක් නොවූ බවත් අදාළ සිදුවීමෙන් පසුව සුපර්සන් කණ්ඩායමේ ක්‍රීඩකයන්ගේ ආරක්‍ෂාව පිළිබඳව තමන් දැඩිලෙස සැළකිලිමත් වෙමින් කටයුතු කළ බවයි.

පසුගිය මාර්තු 4 වැනිදා වසර 2016 තරගාවලිය නිමාවට පත්වූ අතර වසර 2017 තරගාවලිය ඊයේ (2) ආරම්භ වූ අතර එහි තරග කොටසක් අදත් (3) දිවයිනේ ක්‍රීඩාංගණ කිහිපයකදී පැවැත්වීමට නියමිතව තිබුණි.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
එංගලන්තයට ලකුණු 31 ක ජයක්...
2018-10-13 15:24:09
ශ්‍රී ලංකාව සහ එංගලන්තය අතර රංගිරි දඹුල්ල ජාත්‍යන්තර ක්‍රීඩාංගණයේදී අද (13 වැනිදා) පැවැති දෙවැනි එක්දින තරගයෙන් ඩක්වත් ලුවිස් ...
පළමු එක්දින තරගය වැස්සට සේදෙයි...
2018-10-10 20:20:00
  සංචාරක එංගලන්ත කණ්ඩායම සහ ශ්‍රී ලංකා කණ්ඩායම අතර රංගිරි දඹුල්ල ක්‍රීඩාංගණයේදී අද (10 වැනිදා) පැවැති පළමු එක්දින තරගය වර්ෂාව ...
බිලාල් - අබ්බාස් ඕස්ට්‍රේලියාව අසරණ කරති...
2018-10-09 22:03:29
මංගල තරගයට ක්‍රීඩාකරන බිලාල් අසීෆ් (36/6) සහ මොහොමඞ් අබ්බාස්ගේ (29/4) විශිෂ්ට පන්දු යැවීම හමුවේ ඩුබායිහිදී පැවැත්වෙන පළමු ටෙස්ට් ...
පළමු තරගය හැරවුම් ලක්ෂයක් වේවි - චන්දිමාල්...
2018-10-09 15:48:26
ශ්‍රී ලංකා පිල සහ එංගලන්ත පිල අතර තරග පහකින් සමන්විත එක්දින ක්‍රිකට් තරගාවලිය ආරම්භ කරමින් පළමු තරගය රංගිරි දඹුල්ල ජාත්‍යන්තර ...
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
මෙන්ඩියා ගෙදර යවන්න එපා. පල්ලෙහාට ගේන්න....
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...