. වීනස් අර්ධ අවසන් පූර්ව වටයට | කෙළිමඬල
2018 ජූනි මස 22 වැනි සිකුරාදා
වීනස් අර්ධ අවසන් පූර්ව වටයට
2017-09-05 14:47:40 | .

ග්‍රෑන්ඞ් ස්ලෑම් තරගබිමට පිවිස වසර 20 ක් සපුරන වීනස් විලියම්ස් අමෙරිකානු විවෘත ටෙනිස් ශූරතාවලියේ කාන්තා තරග ඉසව්වේ අර්ධ අවසන් පූර්ව වටයට එක්වී සිටින්නීය.

අන්තර්ජාතික කාන්තා ටෙනිස් ශ්‍රේණිගත කිරීම්වල 9 වැනි ස්ථානයේ පසුවන 37 හැවිරිදි මේ වයස්ගත ක්‍රීඩිකාව අමෙරිකානු විවෘත ටෙනිස් කිරුළ හඹා යන්නේ 16 වසරකින් අතට නොගත් ස්වකීය භූමියේ කීර්තිමත් ටෙනිස් ශූරතාවට කුරුමානම් අල්ලමිනි. 

ඇය අමෙරිකානු විවෘත ටෙනිස් ශූරතාව අවසන් වරට දිනාගත්තේ 2001දීය. එය වූකලී ඇය පිට පිට අත්කරගත් දෙවැනි අමෙරිකානු ටෙනිස් කිරුළද විය. ඉන් අනතුරුව ඇයට අමෙරිකානු විවෘත ටෙනිස් ශූරතාවලියේ අවසන් මහා තරගයකට පිවිසීමට අවස්ථාවක් ලැබුණේම නැත. 

ශ්‍රී ලංකා වේලාවෙන් හෙට පාන්දර 4.30 ට නිව්යෝක් නගරයේ බිලි ජීන් කිං ජාතික ටෙනිස් මධ්‍යස්ථානයේ ආතර් ඈෂ් ටෙනිස් පිටියේ රාත්‍රී තරගයක් ලෙස පැවැත්වෙන අර්ධ අවසන් පුර්ව තරගයේදී විනස්ගේ ප්‍රතිවාදිනිය වන්නේ ටෙනිස් ශ්‍රේණිගත කිරීම්වල 13 වැනි ස්ථානයේ සිටින චෙක් රාජ්‍යයේ පෙට්රා ක්විටෝවාය. 

ස්පාඤ්ඤයේ කාර්ලා සුවාරිස්ට එරෙහිව ලකුණු 6-3 ක්, 3-6 ක්, 6-1 ක් ලෙස සිවුවැනි වටයේ තරගය ජයගනිමින් 12 වරටත් අමෙරිකානු විවෘත ශුරතාවලියේ අර්ධ අවසන් පුර්ව වටයට පිවිසි වීනස් එක් අතකින් මේ ගත කරමින් සිටින්නේ ඇගේ ක්‍රීඩා දිවියේ සමෘද්ධිමත් වසරකි.

එවැනි සරුසාර වසරක් ඇයට උදාවී ඇත්තේ දශකයකට පමණ පසුවය. මේ වසරේදී වීනස් ජයගත් තරග ප්‍රමාණය 33ක් වන අතර ඉන් ජයග්‍රහණ 19ක්ම වාර්තා වූයේ ග්‍රෑන්ඞ් ස්ලෑම් තරගාවලි හතරේදීය. මේ වසරේ පැවැති පළමු ග්‍රෑන්ඞ් ස්ලෑම් තරගාවලිය වූ ඕස්ට්‍රේලියානු තරගාවලියේ සහ විම්බල්ඩන් තරගාවලියේ අනුශූරිය බවට පත්වූ වීනස් ප්‍රංශ විවෘත තරගාවලියේදී සිවුවැනි වටයට සේන්දු වූවාය. 

ෙහෙට අර්ධ අවසන් පූර්ව වටයේදී වීනස්ගේ ප්‍රතිවාදිනිය වන ක්විටෝවා මීට පෙර දෙවතාවක්ම විම්බල්ඩන් ශූරතා දිනාගත් විශිෂ්ට ක්‍රීඩිකාවකි. ඇය අර්ධ අවසන් පුර්ව වටයට සේන්දු වූයේ සිවුවැනි වටයේදී අන්තර්ජාතික කාන්තා ටෙනිස් ශ්‍රේණිගත කිරීම්වල 3 වැනි තැන සිටි ස්පාඤ්ඤයේ ගාබීන් මුගුරූසා පරාජයට පත් කරමිනි. 

ශූරියට සහ ශූරයාට අමෙරිකානු ඩොලර් මිලියන 3.7 ක මුදල් මල්ලක් පිරිනැමෙන අමෙරිකානු විවෘත ටෙනිස් තරගාවලිය මේ පැවැත්වෙන්නේ 137 වැනි වතාවටය. 

-077

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
පාසල් ක්‍රිකට් පිටිය කැළඹූ කමිඳු මෙන්ඩිස්...
2018-06-19 20:41:20
වසර 39 ක ඉතිහාසකයකට උරුමකම් කියන සන්ඬේ ටයිම්ස් වසරේ පාසල් ක්‍රිකට් ක්‍රීඩකයා තේරීමේ තරගයේදී දක්ෂතම පාසල් ක්‍රිකට් ක්‍රීඩකය...
පන්දුව මාරු කිරීමෙන් අනපේක්ෂිත අර්බුදයක්...
2018-06-16 22:16:33
පන්දුව පළුඳු කිරීම පිළිබඳ සැකයක් සහ පන්දුව මාරු කිරීම සම්බන්ධ සිදුවීමක් හේතුවෙන් සංචාරක ශ්‍රී ලංකා කණ්ඩායම සහ බටහිර ඉන්දීය කොදෙව් කණ්ඩ...
චන්දිමාල්ට පන්දුව පළුදු කිරීමේ චෝදනා...
2018-06-17 17:37:31
කොදෙව් කණ්ඩායමට එරෙහිව ශාන්ත ලුසියාහිදී පැවැත්වෙන දෙවැනි ටෙස්ට් තරගයේදී පන්දුව පළුදු කළේ යැයි ශ්‍රී ලංකා නායක දිනේෂ් චන්දිමාල්ට ජාත්&z...
ටෙස්ට් ශූරතාවලියේදී ශ්‍රී ලංකාවේ ප්‍රතිවාදියෝ...
2018-06-20 20:23:27
ටෙස්ට් ක්‍රිකට් ශ්‍රේණිගත කිරීම්හි ඉහළින්ම රැදී සිටින රටවල් 9 අතර ටෙස්ට් ශූරතාවලියක් පැවැත්වීමට අන්තර් ජාතික ක්‍රිකට් සභාව පිය...