. නුවන් - දුලක්‍ෂි තුන් ප්‍රයාම ශූරතා දිනති | කෙළිමඬල
2018 ජූලි මස 17 වැනි අගහරුවාදා
නුවන් - දුලක්‍ෂි තුන් ප්‍රයාම ශූරතා දිනති
2017-09-05 19:45:38 | වාරියපොල - රවීන්ද්‍ර ප්‍රභාත් නෙත්තසිංහ

ජාතික මහා ක්‍රීඩා උළෙලේ තුන් ප්‍රයාම තරග ජයගැනීමට නුවන් කුමාර සහ ඊ. ආර්. දුලක්ෂි සමත් වූහ. මෙම තරග නිකවැරටිය මාගල්ල ජලාශය අසලදී අද (5 වැනිදා) පැවැත්වුණි. මෙම තරගය සඳහා දිවයිනේ සෑම පළාතක්ම නියෝජනය කරමින් ක්‍රීඩක ක්‍රීඩිකාවෝ 48 දෙනෙක් සහභාගී වී සිටියහ.

මාගල්ල ජලාශයේ මීටර් 750 ක් පිහිනා එතැන් සිට පාපැදියෙන් කොටවෙහෙර ප්‍රදේශයට ගොස් ආපසු එම ස්ථානයට පැමිණ කිලෝ මීටර් 20 ක් සම්පූර්ණ කර ඉන්පසු කිලෝමීටර් 5ක් දුර දුවමින් තරගය නිම කළ යුතුව තිබිණි.

පිරිමි අංශයේ පළමු ස්ථානය උතුරු පළාත නියෝජනය කරමින් සහභාගී වූ ජේ.එම්.එස්. නුවන් කුමාරට (58-29) හිමි වූ අතර දෙවැනි සහ තෙවැනි ස්ථාන පිළිවෙළින් වයඹ පළාත නියෝජනය කළ ජී.ඒ.සී.එස්. වික්‍රමආරච්චිත් (59-18), බස්නාහිර පළාත නියෝජනය කළ ජේ.එම්.සී. පෙරේරා (59-57) ත් දිනා ගත්හ.

කාන්තා අංශයේ පළමු ස්ථානය උතුරු පළාත නියෝජනය කළ ඩබ්.පී.ඊ.ආර්. දුලක්ෂිත් (1:10:10) දෙවැනි ස්ථානය නැගෙනහිර පළාතේ ජී.ජී. මනෝමි කුමාරි (1:13:43) ත් තෙවැනි ස්ථානය ජී.එන්. කුමාරසිංහත් (1:19:19) හිමි කර ගත්හ.

 

පිරිමි අංශයෙන් 3 ප්‍රයාම තරගය ජයගත් තිදෙනා වමේ සිට 3 වන ස්ථානය දිනාගත් බස්නාහිර පළාත් ජේ.එම්.සී. පෙරේරා, පළමු ස්ථානය දිනාගත් ජේ.එම්.එස්. නුවන් කුමාර (උතුර) දෙවන ස්ථානය දිනාගත් වයඹ පළාතේ ජී.ඒ.සී.එස්. වික්‍රමආරච්චි

 

කාන්තා අංශයේ තරගය ජයගත් තිදෙනා වමේ සිට තුන්වන ස්ථානය දිනාගත් උතුරු මැද පළාතේ ජී.එන්. කුමාරසිංහ ක්‍රීඩිකාව, පළමු ස්ථානය දිනාගත් දකුණු පළාතේ ඩබ්.පී.ඊ.ආර්. දුලක්ෂි, දෙවන ස්ථානය ලබා ගත් නැගෙනහිර පළාතේ ජී.ජී. මනෝමි කුමාරි

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දිමුත් කරුණාරත්න වික්‍රමාන්විත පිතිහරඹයක...
2018-07-12 19:20:16
පිඹුරු දඩයමේ යන්නා ලෙසින් ප්‍රකට දිමුත් කරුණාරත්නගේ ඉවසිලිවන්ත වූත් වික්‍රමාන්විත වූත් පිතිහරඹයෙන් යන්තම් හිස ඔසවාගත් ශ්‍රී ලං...
ක්‍රොඒෂියාව කටින් ජයගැනීමේ උත්සාහයක ...
2018-07-10 21:30:57
  මූලික වටයේදී ආර්ජන්ටිනාව ගෝල 3-0 කින් පරාජය කරමින් ලයනල් මෙසීගේ ගෝල යන්ත්‍රය නැවැත්වූ තම කණ්ඩායමට හැරී කේන් පාලනය කිරීම...
ඩු ප්ලෙසී ගාල්ලේ ඇත්ත කතාව කියයි...
2018-07-15 10:25:11
දකුණු අප්‍රිකානු ක්‍රිකට් ඉතිහාසයේ අතිශය දරුණු පරාජයකට මුහුණ දුන් නමුත් ශ්‍රී ලංකා කණ්ඩායමට හිමිවිය යුතු ගෞරවය කිසි ලෙසකින් අව...
ශ්‍රී ලංකාව ලකුණු 272 ක් ඉදිරියෙන්...
2018-07-13 13:09:47
ටෙස්ට් කණ්ඩායම් ශ්‍රේණිගත කිරීම අනුව ලෝකයේ අංක 2 හිමි කණ්ඩායම වුවත් දකුණු අප්‍රිකානු පිතිකරුවන් අල්ලේ නැටවූ රංගන හේරත් ප්‍රමුඛ...