. ලයිසියම් පාසලෙන් පෙරළියක් | කෙළිමඬල
2018 ජූනි මස 22 වැනි සිකුරාදා
ලයිසියම් පාසලෙන් පෙරළියක්
2017-09-05 20:07:19 | ශානුක අරවින්ද

පාසල් පැසිපන්දු සම්මේලනය දෙවැනි වරටත් සංවිධානය කරන වයස 19 න් පහළ පාසල් පැසිපන්දු තරගාවලියේ අර්ධ අවසන් පූර්ව තරගයකදී ඉකුත් වසරේ ශූරියන් වන කොටහේන යහපත් එඬේරාගේ කන්‍යාරාමය ලකුණු 41-29 කින් පරාජය කරමින් බාලිකා කාණ්ඩයේ අවසන් පූර්ව වටයට සුදුසුකම් ලබාගැනීමට වත්තල ලයිසියම් ජාත්‍යන්තර පාසල සමත් විය.

එම තරගයේ පළමු අර්ධය අවසන් වන විට 19-11 ක් ලෙසින් පෙරමුණගත් ලයිසියම් ක්‍රීඩිකාවෝ කෙමෙන් කෙමෙන් ලකුණු පරතරය වැඩි කරගනිමින් නියමිත කාලය අවසන් වන තෙක් පෙරමුණ රැකගැනීමට සමත් වූහ. එහිදී ලයිසියම් ජාත්‍යන්තර පාසල වෙනුවෙන් හසීනා අබ්දුල් ලකුණු 18 ක්ද, යහපත් එඬේරාගේ කන්‍යාරාමය වෙනුවෙන් කවිෂා ඉලංගතිලක ලකුණු 16 ක්ද රැස්කළහ.

නුගේගොඩ ශාන්ත ජෝෂප් විදුහල, කොළඹ ගේට්වේ ජාත්‍යන්තර පාසල සහ බම්බලපිටිය ශුද්ධ වූ පවුලේ කන්‍යාරාමයද අර්ධ අවසන් පූර්ව වටයේදී ජයග්‍රහණ ලබා තරගාවලියේ අවසන් පූර්ව වටයට සුදුසුකම් ලබාගැනීමට සමත් විය.

අර්ධ අවසන් පූර්ව වටයේදී ශාන්ත ජෝෂප් විදුහල හමුවේ මීගමුව ආවේ මරියා කන්‍යාරාමයද, ගේට්වේ ජාත්‍යන්තර පාසල හමුවේ කොළඹ ප්‍රෙස්බටේරියන් බාලිකා විදුහලද, බම්බලපිටිය ශුද්ධ වූ පවුලේ කන්‍යාරාමය හමුවේ කොළඹ විශාකා විදුහලද පරාජයට පත්වූහ.

මේ මස 2 වැනිදා සහ 3 වැනිදා කොළඹ ගේට්වේ ජාත්‍යන්තර පාසල් පැසිපන්දු ක්‍රීඩාංගණයේදී තරගාවලියේ මූලික වටයේ තරග පැවැති අතර අර්ධ අවසන් පූර්ව වටයේ තරග 4 වැනිදා පැවැත්විණ. අවසන් පූර්ව තරග ලබන සෙනසුරාදා (9 වැනිදා) එම ක්‍රීඩාංගණයේදීම පැවැතීවීමට නියමිතය.

අර්ධ අවසන් පූර්ව වටය
■    නුගේගොඩ ශාන්ත ජෝෂප් විදුහල විසින් ලකුණු 79-15 කින් මීගමුව ආවේ මරියා කන්‍යාරාමය පරාජය කරන ලදි.
■    කොළඹ ගේට්වේ ජාත්‍යන්තර පාසල විසින් ලකුණු 51-45 කින් කොළඹ ප්‍රෙස්බටේරියන් බාලිකා විදුහල පරාජය කරන ලදි.
■    බම්බලපිටිය ශුද්ධ වූ පවුලේ කන්‍යාරාමය විසින් ලකුණු 49-07 කින් කොළඹ විශාකා විදුහල පරාජය කරන ලදි.
■    වත්තල ලයිසියම් ජාත්‍යන්තර පාසල විසින් ලකුණු 41-29 කින් කොටහේන යහපත් එඬේරාගේ කන්‍යාරාමය පරාජය කරන ලදි.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
පාසල් ක්‍රිකට් පිටිය කැළඹූ කමිඳු මෙන්ඩිස්...
2018-06-19 20:41:20
වසර 39 ක ඉතිහාසකයකට උරුමකම් කියන සන්ඬේ ටයිම්ස් වසරේ පාසල් ක්‍රිකට් ක්‍රීඩකයා තේරීමේ තරගයේදී දක්ෂතම පාසල් ක්‍රිකට් ක්‍රීඩකය...
පන්දුව මාරු කිරීමෙන් අනපේක්ෂිත අර්බුදයක්...
2018-06-16 22:16:33
පන්දුව පළුඳු කිරීම පිළිබඳ සැකයක් සහ පන්දුව මාරු කිරීම සම්බන්ධ සිදුවීමක් හේතුවෙන් සංචාරක ශ්‍රී ලංකා කණ්ඩායම සහ බටහිර ඉන්දීය කොදෙව් කණ්ඩ...
චන්දිමාල්ට පන්දුව පළුදු කිරීමේ චෝදනා...
2018-06-17 17:37:31
කොදෙව් කණ්ඩායමට එරෙහිව ශාන්ත ලුසියාහිදී පැවැත්වෙන දෙවැනි ටෙස්ට් තරගයේදී පන්දුව පළුදු කළේ යැයි ශ්‍රී ලංකා නායක දිනේෂ් චන්දිමාල්ට ජාත්&z...
ටෙස්ට් ශූරතාවලියේදී ශ්‍රී ලංකාවේ ප්‍රතිවාදියෝ...
2018-06-20 20:23:27
ටෙස්ට් ක්‍රිකට් ශ්‍රේණිගත කිරීම්හි ඉහළින්ම රැදී සිටින රටවල් 9 අතර ටෙස්ට් ශූරතාවලියක් පැවැත්වීමට අන්තර් ජාතික ක්‍රිකට් සභාව පිය...