. වීනස් විස්මිත ජයග්‍රහණයක | කෙළිමඬල
2018 ජූලි මස 17 වැනි අගහරුවාදා
වීනස් විස්මිත ජයග්‍රහණයක
2017-09-06 15:20:42 | .

නිව්යෝක් නගරයේ බිලි ජින් කිං ජාතික ටෙනිස් මධ්‍යස්ථානයේ ආතර් ඈෂ් ටෙනිස් පිටියේ පැවැති තරගයෙන් චෙක් රාජ්‍යයේ පෙට්රා ක්විටෝවාට එරෙහිව විස්මයජනක ජයග්‍රහණයක් වාර්තා කළ වීනස් විලියම්ස් 23 වැනි වරටත් ග්‍රෑන්ඞ් ස්ලෑම් තරගාවලියක අවසන් පුර්ව තරගයට සුදුසුකම් ලැබීමට සමත්වූවාය. ඇය අමෙරිකානු විවෘත ටෙනිස් තරගාවලියක අවසන් පුර්ව වටයට සේන්දු වුයේ වසර 2010 න් පසුවය.

මීට වසර 20 කට පෙර 17 හැවිරිදි නවයොවුන් ක්‍රීඩිකාවක ලෙස පළමුවරට මේ තරගාවලියට පිවිසි වීනස් 37 හැවිරිදි වියේදිත් ඒ අයුරින්ම දස්කම් දැක්වීම විචාරකයන්ගේ නොමඳ පැසැසුමට හා විස්මයට ලක්වූ කාරණාවකි. ඊයේ රාත්‍රියේ නිව්යෝක් නගරය රැස්වූ නරඹන්නන් කුල්මත් කරමින් 37 හැවිරිදි මේ අමෙරිකානු ක්‍රීඩිකාව ජය ලැබුවේ ලකුණු 6-3 ක්, 3-6 ක් සහ 7-6 ක් ලෙසිනි.

“මේ තරගය දිනාගන්න මම සෑහෙන්න වාසනාවන්ත වුණා” ජයග්‍රහණයෙන් පසුව වීනස් කීවාය.
“ඒක දෙගිඩියාවට පත් කළ තරගයක්. අපිට මේ වගේ තරග ඉදිරියේදී තවත් දැකබලා ගත හැකිවේවි කියලා මං හිතනවා” ඇය එසේ ද කීවාය.

අවසන් පූර්ව තරගයේදී ඇයට මුණගැහෙන්නේ තවත් අමෙරිකානු ක්‍රීඩිකාවක වන ස්ලෝනි ස්ටීවන්ස්ය. ඇය අවසන් පුර්ව වටයට සේන්දු වූයේ ඊයේ පැවැති තරගයෙන් ලැටිවියා රාජ්‍යයේ ඇනස්ටේසිජා සෙවස්ටෝවා ලකුණු 6-3, 3-6 සහ 7-6ක් ලෙස පරාජය කරමිනි.

තරුණ ජවයෙන් පිරුණු මේ තරගාවලියට වයස්ගත ක්‍රීඩිකාවක ලෙස එක්වී අවසන් ක්‍රීඩිකාවන් සිවුදෙනා අතරට සේන්දුවීම ගැන උදම් අනන වීනස් සිය බාල සොයුරිය සෙරීනා සිහිපත් කරන්නටත් අමතක නොකළාය.
“සෙරිනාව මේ මොහොතේ මතක් කළ යුතුමයි. ඇය තමයි මේ ජයග්‍රහණයේ පසුපස සිටියේ” ඇය කීවාය. සිය කුළුඳුල් දරු ප්‍රසූතිය නිසා මේ වසරේ මුල් භාගයේ සිටම ටෙනිස් පිටියෙන් ඈත්වී සිටි සෙරීනා සිය වැඩිමල් සොයුරියගේ ජයග්‍රහණය වෙනුවෙන් වැදගත් උපදෙස් රැසක් දී තිබිණි.

මේ තරගය නැරැඹීමට ක්‍රීඩාංගණයට රැස්ව සිටි 23.000කට ආසන්න ක්‍රීඩාලෝලින් පිරිසෙන් බහුතරයක්ම ඔල්වරසන් දුන්නේ වීනස්ගේ ජයග්‍රහණය වෙනුවෙනි.

“මට එයාලගේ බලාපොරොත්තු බිඳ දමන්න කිසිම උවමනාවක් තිබුණේ නෑ” වීනස් එසේ කීවේ හිනැහෙමිනි.

 

- 077

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දිමුත් කරුණාරත්න වික්‍රමාන්විත පිතිහරඹයක...
2018-07-12 19:20:16
පිඹුරු දඩයමේ යන්නා ලෙසින් ප්‍රකට දිමුත් කරුණාරත්නගේ ඉවසිලිවන්ත වූත් වික්‍රමාන්විත වූත් පිතිහරඹයෙන් යන්තම් හිස ඔසවාගත් ශ්‍රී ලං...
ක්‍රොඒෂියාව කටින් ජයගැනීමේ උත්සාහයක ...
2018-07-10 21:30:57
  මූලික වටයේදී ආර්ජන්ටිනාව ගෝල 3-0 කින් පරාජය කරමින් ලයනල් මෙසීගේ ගෝල යන්ත්‍රය නැවැත්වූ තම කණ්ඩායමට හැරී කේන් පාලනය කිරීම...
ඩු ප්ලෙසී ගාල්ලේ ඇත්ත කතාව කියයි...
2018-07-15 10:25:11
දකුණු අප්‍රිකානු ක්‍රිකට් ඉතිහාසයේ අතිශය දරුණු පරාජයකට මුහුණ දුන් නමුත් ශ්‍රී ලංකා කණ්ඩායමට හිමිවිය යුතු ගෞරවය කිසි ලෙසකින් අව...
ශ්‍රී ලංකාව ලකුණු 272 ක් ඉදිරියෙන්...
2018-07-13 13:09:47
ටෙස්ට් කණ්ඩායම් ශ්‍රේණිගත කිරීම අනුව ලෝකයේ අංක 2 හිමි කණ්ඩායම වුවත් දකුණු අප්‍රිකානු පිතිකරුවන් අල්ලේ නැටවූ රංගන හේරත් ප්‍රමුඛ...