. ඇන්ඩසන් ඇමරිකානු බලාපොරොත්තු සෝදාහරී | කෙළිමඬල
2018 පෙබරවාරි මස 19 වැනි සඳුදා
ඇන්ඩසන් ඇමරිකානු බලාපොරොත්තු සෝදාහරී
2017-09-06 18:30:33 | .

අමෙරිකානු විවෘත ටෙනිස් ශූරතාවලියේ සත්කාරක රටට ඉතිරිව තිබු එකම බලාපොරොත්තුව වූ සෑම් කොරේ අර්ධ අවසන් පූර්ව වටයේදී ඉවතට තල්ලු කළ දකුණු අප්‍රිකාවේ කෙවින් ඇන්ඩර්සන් එහිදී ලකුණු 7-6 ක්, 6-7 ක්, 6-3 ක් සහ 7-6ක් ලෙස පහසු ජයක් වාර්තා කළේය. ඇමරිකානු බලාපොරොත්තු දියකළ ඇන්ඩසන් ග්‍රෑන්ඞ් ස්ලෑම් ටෙනිස් තරගාවලියක අවසන් පූර්ව වටයට සේන්දු වූ පළමු අවස්ථාවද මෙයයි.

නිව්යෝක් නුවර බිලි ජීන් කිං ටෙනිස් මධ්‍යස්ථානයේ ෆ්ලෂින් මීඩෝස් ටෙනිස් පිටියේ ඊයේ රාත්‍රී පැවැති මේ තරගය වාර්තා පොතට එක්වූයේ ග්‍රෑන්ඞ් ස්ලෑම් තරග බිම විවෘත තරගාවලියක් බවට පත්වීමෙන් පසුව එවැනි තරගාවලියක අර්ධ අවසන් පුර්ව, අවසන් පූර්ව හෝ අවසන් මහා තරගයකට ක්‍රීඩා කළ වඩාත්ම උසැති ක්‍රීඩකයන් දෙදෙනාගේ සටන ලෙසිනි.

මේ තරගයෙන් ජයගත් ඇන්ඩර්සන් අඩි 6 කුත් අඟල් 8 ක් උස ක්‍රීඩකයකු වන අතර පරාජිත කොරේ අඩි 6 කුත් අඟල් 6 ක් උසැති ක්‍රීඩකයෙකි.

“පුදුමයි. මේ අවස්ථාව මම වසර ගණනාවක් තිස්සේ පුල පුලා බලා සිටි එකක්. මේක ලොකු හීනයක් සැබෑ වීමක්.” ජයග්‍රහණයෙන් උද්දාමයට පත්වූ ඇන්ඩර්සන් කීවේය.

වසර 2003දී වේන් ෆෙරෙයිරා ඕස්ටේ්‍රලියානු විවෘත ටෙනිස් තරගාවලියේ අවසන් පූර්ව තරගයට පිවිසීමෙන් පසුව එවැනි හපන්කමක් කළ පළමු දකුණු අප්‍රිකානුවා ලෙසත් ඇන්ඩර්සන් වාර්තාපොත අලුත් කළේය.

ඇන්ඩර්සන්ට අවසන් පූර්ව වටයේදී මුණ ගැහෙන්නේ ස්පාඤ්ඤයේ පැබ්ලෝ කැරීනෝ බුස්ටාය. ඔහු අර්ධ අවසන් පූර්ව වටයේදී ආජන්ටිනාවේ ඩියාගෝ ෂූවොට්ස්මන් ලකුණු 6-4ක්, 6-4ක් සහ 6-2කින් පරාජය කිරීමට සමත් විය. 26 හැවිරිදි පැබ්ලෝ මෙවැනි අවස්ථාවක් උදාකර ගත්තේ මිට පෙර 16 වතාවක්ම උත්සාහ කිරීමෙන් පසුවය.


- 077

 


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
අවදානමෙන් ගැලවෙන්න ශ්‍රී ලංකාව ජය සොයයි ...
2018-02-14 18:39:38
බංග්ලාදේශය, පාකිස්තානය සහ ඉන්දියාව හමුවේ පිට පිටම ලද විස්සයි20 තරග 8 ක පරාජයන් පසෙකලා, මාසයකට ආසන්න කාලයක් තුළ බංග්ලදේශයේදී ලැබූ සාර්ථකත්ව...
පිතිකරුවෝ ශ්‍රී ලංකාව දිනවති...
2018-02-15 16:44:38
ශ්‍රී ලංකාව සහ බංග්ලාදේශය අතර ඩකාහි ශ්‍රේ බංග්ලා ක්‍රීඩාංගණයේදී අද (15 වැනිදා) පැවැති පළමු විස්සයි20 ක්‍රිකට් තරගයෙන් කඩුල...
ශ්‍රී ලංකාවට සටනකින් තොර ජයක්...
2018-02-18 16:52:41
බංග්ලාදේශ ක්‍රීඩකයින්ගෙන් සටන්කාමී ක්‍රීඩා විලාශයක් දක්නට නොලැබීම හේතුවෙන් ශිලාත්හිදි අද (18 වැනිදා) පැවැති දෙවැනි සහ අවසන් විස්සය...
කුසල් පෙරේරා වෙනුවට කුසල් මෙන්ඩිස් කැඳවයි ...
2018-02-13 20:06:10
බංග්ලාදේශයට එරෙහිව පැවැත්වෙන විස්සයි20 ක්‍රිකට් තරගාවලිය සඳහා නම් කරන ලද ශ්‍රී ලංකා සංචිතයට ඇතුළත්ව සිටි ආරම්භක පිතිකරු කුසල් පෙරේ...