. රන් කුසලානයට කණ්ඩායම් 2500 ක් | කෙළිමඬල
2017 සැප්තැම්බර් මස 24 වැනි ඉරිදා
රන් කුසලානයට කණ්ඩායම් 2500 ක්
2017-09-07 15:00:17 | සුසිල් ප්‍රේමලාල්

ලබන 2018 වසරේ පැවැත්වීමට නියමිත ජාත්‍යන්තර මට්ටමේ වොලිබෝල් තරගාවලි අටකට ක්‍රීඩක ක්‍රීඩිකාවන් තෝරාගැනීමේ තරගාවලියක් ලෙස මෙවර ඩයලොග් ජනාධිපති රන් කුසලාන තරගාවලිය නම් කිරීමට ශ්‍රී ලංකා වෙලිබෝල් සම්මේලනය තීරණය කර ඇත.

ඩයලොග් ආසියාටා සමාගමේ අනුග්‍රහයෙන් 12 වැනි වරටත් පැවැත්වෙන ජනාධිපති රන් කුසලාන වොලිබෝල් තරගාවලිය ලබන 16 දා කෑගල්ල දිස්ත්‍රික් තරගාවලියෙන් රුවන්වැල්ල රාජසිංහ මැදි මහ විදුහල් ක්‍රීඩාංගනයේදී ආරම්භ වේ. 

මෙවර ජනාධිපති රන් කුසලාන වොලිබෝල් තරගාවලිය සඳහා කණ්ඩායම් 2500 ක ක්‍රීඩක ක්‍රීඩිකාවන් 40000ක් ඉක්මවූ සංඛ්‍යාවක් සහභාගී වන බව ශ්‍රී ලංකා වොලිබෝල් සම්මේලනය පවසයි.

මෙම තරගාවලිය විවෘත පිරිමි සහ කාන්තා වශයෙන්ද වයස අවු 22 පහළ පිරිමි සහ කාන්තා වශයෙන් කොටස් 4 කින් සමන්විත වේ. සෑම ජාතික මට්ටමේ ක්‍රීඩක ක්‍රීඩිකාවක්ම තම ග්‍රාමසේවා නිළධාරී කොට්ඨාස මට්ටමින් ලියාපදිංචි වී ඇති ක්‍රීඩා කණ්ඩායමක සමාජිකයෙක් වීම තරගාවලියේ විශේෂත්වයකි.

මෙම තරගාවලිය යටතේ සෑම දිස්ත්‍රික්කයකින්ම වොලිබෝල් කණ්ඩායම් 8ක් (ශූරයන් සහ අනුශූරයන් වශයෙන්) ජාතික මට්ටමේ තරගාවලිය සඳහා සුදුසුකම් ලබනු ඇත. තරගාවලියේ අවසන් තරගය දෙසැම්බර් 18 දා ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් මහරගම ජාතික තරුණසේවා මධ්‍යස්ථාන ගෘහස්ථ ක්‍රීඩාංගනයේදී පැවැත්වීමට සැලසුම් කර ඇත.

මෙම තරගාවලිය නිම වීමෙන් පසු එම ක්‍රීඩක ක්‍රීඩිකාවන්ගේ දක්ෂතා අනුව ජාතික වොලිබෝල් (පිරිමි සහ කාන්තා) සංචිතය ලබන ජනවාරියේ සිට ආරම්භ කිරීමටද වොලිබෝල් බලධාරීහු සූදානම් වෙති.

2018 වසරේදී ආසියානු ක්‍රීඩා සමාජ පිරිමි තරගාවලිය සහ කාන්තා තරගාවලිය, ආසියානු කුසලාන පිරිමි තරගාවලිය සහ කාන්තා තරගාවලිය, වයස අවු 19න් පහළ කාන්තා තරගාවලිය, වයස අවු 20න් පහළ පිරිමි තරගාවලිය, යොවුන් ඔලිම්පික් ක්‍රීඩා උළෙල සහ ආසියානු වෙරළ වොලිබෝල් තරගාවලිය යන වොලිබෝල් තරගාවලි පැවැත්වීමට නියමිතය.

2017 ඩයලොග් ජනාධිපති රන් කුසලාන වොලිබෝල් තරගාවලිය හඳුන්වා දීමේ උළෙල ඊයේ (6 දා) ශ්‍රීලංකා වොලිබෝල් සම්මේලනයේ සභාපති සහ ඇමති රංජිත් සියඹලාපිටිය සහ ඩයලොග් ආසියාටා සමාගමේ සාමාන්‍යාධිකාරී (සන්නාම සහ මාධ්‍ය) හර්ෂ සමරනායක යන මහත්වරුන්ගේ ප්‍රධානත්වයෙන් කොළඹ සිනමන් ග්‍රෑන්ඞ් හෝටලයේදී පැවැත්විණ.

එහිදී අදහස් දැක්වූ වොලිබෝල් සම්මේලනයේ සභාපති රංජිත් සියඹලාපිටිය මහතා වොලිබෝල් ක්‍රීඩාවේ නියමිත ඉලක්ක හඳුනා ගෙන ක්‍රිඩාව ඉදිරියට ගෙන යාමට සියලු සැලසුම් සකස් කරමින් පවතින බවත් පසුගියදා පැවති වොලිබෝල් ජාතික සමුළුව මඟින් ලොව ජයගත හැකි ඉලක්ක හඳුනා ගැනීමට අවස්ථාව හිමි වූ බවත් පැවසීය. 

ඩයලොග් ආසියාටා සමාගමේ සාමාන්‍යාධිකාරී (සන්නාම සහ මාධ්‍ය) හර්ෂ සමරනායක මහතා විසින් ජනාධිපති රන් කුසලානය ශ්‍රීලංකා වොලිබෝල් සම්මේලනයේ සභාපති සහ ඇමති රංජිත් සියඹලාපිටිය මහතාට බාරදෙන ලද අවස්ථාව.

 
ඡායාරූපය - ප්‍රදීප් දිල්රුක්‍ෂණ

 


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මාලිංගගෙන් බීමර් වරුසාවක්...
2017-09-17 22:00:57
ඉන්දිය කණ්ඩායමට එරෙහිව පැවැති තරගාවලිය සඳහා තණතීරු සකස් කිරීමේදී ශ්‍රී ලංකා කණ්ඩායමේ අපේක්‍ෂාවන්ට පටහැණි ලෙසින් තණතීරු සකස් කළේ යය...
සංගා 8 වැනි ශතකයත් ලබාගනී...
2017-09-21 18:54:33
එංගලන්ත ප්‍රාන්ත ක්‍රිකට් තරගාවලියේ සරේ ප්‍රාන්ත කණ්ඩායමට ක්‍රීඩා කරන කුමාර් සංගක්කර මෙවර තරගවාරයේ 8 වැනි පළමු පෙළ ශතකය ලබ...
මැතිව්ස්ට පළමු ටෙස්ට් තරගය අහිමි වෙයි...
2017-09-20 15:56:48
ශ්‍රී ලංකාව සහ පාකිස්තානය අතර එක්සත් අරාබි එමීර් රාජ්‍යයේදී පැවැත්වෙන පළමු ටෙස්ට් තරගය ශ්‍රී ලංකා පිලේ හිටපු නායක ඇන්ජලෝ මැතිව...
සංගක්කාරගේ සරේ සංදර්ශනය සමාප්තයි...
2017-09-23 18:44:15
සිය වසර 20 ක පළමු පෙළ ක්‍රිකට් දිවියේ අවසන් තරගයේදීත් ශතයක් ලබාගත් 39 හැවිරිදි කුමාර් සංගක්කාර, පළමු පෙළ ක්‍රිකට් පිටියට සමුදුන්නේ...
ක්‍රිකට් ක්‍රීඩකයෝ පරීක්‍ෂණයක් ඉල්ලති...
පරීක්ෂණයක් තියනවා නම් ඒක සී.අයි.ඩී. එකට දෙන්න ඕනෑ. ඒ වගේම හැම ක්‍රීඩකයෙක්ගේම වත්කම් විගණනය කරන්නත් ඕනෑ. ක්‍රිකට් ආයතනයෙන් පරීක්ෂණයක් තියනවා කියන්නේ ...
මැතිව්ස්ට පළමු ටෙස්ට් තරගය අහිමි වෙයි...
ලෙඩ්ඩු නැති ටීම් එකක් හදාගන්න බැරිද? වෙන කවුරු හරි දාලා... මේක කරන්න. එයා සනීප වෙනකම් වත්. අනික මෙයා මැච් එකකට කලින් දවසේ ලෙඩ වෙනවා. ලෙඩ ගුහාවක්නේ... ...
උපුල් තරංග ...
ඔව්, අපිට අපේ ක්‍රිකට් ආපහු ඕනේ... අපි අයට උදව් කරනවා. අතීතය අමතක කරලා සැබෑ සිංහයන් ලෙසින් වැඩ පෙන්වන්න. ...
චාමර සිල්වාට වසර දෙකක තහනමක්...
මේ වනවිට සියලුදෙනා දන්න කාරණයක් තමයි මේක කැකිල්ලේ නඩු තීන්දුවක් බව. ක්‍රීඩා ඇමැතියි, සුමතිපාලයි කියන්නේ දෙන්නෙක් නෙමේ එක්කෙනෙක්. මේ යන විදිහට ලංකාවේ ක...
ශා. සිල්වෙස්ටර්ට මුල් ඉනිමේ ජයක්...
මම හදවතින්ම සුබපතනවා !!!...