. කොදෙව් පළමු ඉනිම 123 කට සීමා වෙයි | කෙළිමඬල
2018 ජූලි මස 17 වැනි අගහරුවාදා
කොදෙව් පළමු ඉනිම 123 කට සීමා වෙයි
2017-09-08 00:17:03 | .

සංචාරක බටහිර ඉන්දීය කොදෙව් කණ්ඩායම සහ එංගලන්ත කණ්ඩායම අතර ලෝඞ්ස් ක්‍රීඩාංගණයේදී පැවැත්වෙන තෙවැනි ටෙස්ට් ක්‍රිකට් තරගයේ පළමු දිනය වූ අද (7 වැනිදා) කොදෙව් පළමු ඉනිම ලකුණු 123 කට සීමා කිරීමට බෙන් ස්ටොක්ස් ප්‍රමුඛ එංගලන්ත පන්දු යවන්නෝ සමත් වූහ.

එහිදී කොදෙව් පිතිකරුවන් 7 දෙනෙක්ම ලකුණු 10 සීමාව ඉක්මවා යෑමට මත්තෙන් පිටියෙන් ඉවත් කිරීම තරම් එංගලන්ත පන්දු යවන්නෝ ආක්‍රමණශීලී වූහ.

කාසියේ වාසිය දිනා පළමුවෙන් පන්දුවට පහරදීමට කොදෙව් කණ්ඩායමේ නායක ජේසන් හෝලඩර් ගත් තීරණය අභියෝගයකට ලක් කළ ජේම්ස් ඇන්ඩසන්, මුලු ලකුණු සංඛ්‍යාව 22 ක් වන විට කොදෙව් කණ්ඩායමේ මුල් පෙළ පිතිකරුවන් දෙදෙනෙක්ම ආපසු ක්‍රීඩාගාරය වෙත හරවා යැවීය.

ඉන් අනතුරුව ක්‍රියාත්මක වූ බෙන් ස්ටොක්ස් ලකුණු 22 කට කඩුලු 6 ක් දවාගත්තේ කොදෙව් ඉනිම සුනුවිසුණු කර දමමිනි. ඔහුට අනගි සහායක් දුන් රෝලන්ඞ් ජෝන්ස් ලකුණු 22 කට කඩුලු 2 ක් දවාගත්තේ දෙවැනි ටෙස්ට් තරගයේ ඉනිම් දෙකේදීම ශතක ලබාගත් ශායි හෝප්ගේ කඩුල්ලද සමගිනි.

මෙම තරගයේදී කඩුලු 6 ක් දවාගැනීමත් සමග බෙන් ස්ටොක්ස්, ලෝඞ්ස් ක්‍රීඩාංගණයේදී ලකුණු 100 කට වැඩියෙන් රැස්කළ සහ කඩුලු 5 කට වැඩියෙන් දවාගත් තුන් ඉරියව් ක්‍රීඩකයන් අතලොස්සටද එක් විය.

ඔහුට පෙර එවන් දස්කමක් දක්වා තිබූ එංගලන්ත ක්‍රීඩකයන් වූයේ ගැබී ඇලන්, රේ ඉලින්වර්ත්, ඉයන් බොතම්, ඇන්ඩෘ ෆ්ලින්ටොෆ් සහ ස්ටුවට් බ්‍රෝඞ්ය. ඉන්දියාවේ විනෝ මන්කඞ් සහ ඕස්ටේ්‍රලියාවේ කීත් මිලර්ද මින් පෙර ලෝඞ්ස් ක්‍රීඩාංගණයේදී ලකුණු 100 කට වැඩියෙන් රැස්කරමින්, කඩුලු 5 කට වැඩියෙන් දවාගෙන තිබිණ.

පළමු දිනය සඳහා අද තරගය තතර කරන විට පළමු ඉනිම වෙනුවෙන් පන්දුවට පහරදෙමින් සිටි කොදෙව් කණ්ඩායම කඩුලු 4 ක් දැවී ලකුණු 46 ක් ලබා සිටි අතර ඒ වන විට ඬේවිඞ් මැලන් ලකුණු 13 ක්ද, බෙන් ස්ටොක්ස් ලකුණු 13 ක්ද ලබා නොදැවී කඩුල්ලේ රැදී සිටියහ.

මුලු ලකුණු සංඛ්‍යාව 24 ක් වන එංගලන්ත කණ්ඩායමේ මුල් පිතිකරුවන් සිවුදෙනාම ආපසු ක්‍රීඩාගාරයට හරවා යැවීමට කොදෙව් පන්දු යවන්නෝ සමත් වූහ. එහිදී බිඳවැටුණු කඩුලු 4, කේමර් රෝච් සහ ජේසන් හෝල්ඩර් අතරේ සමව බෙදී ගියේය.

බටහිර ඉන්දීය කොදෙව් පළමු ඉනිම - සියලු දෙනා දැවී 123
(කිරන් පවෙල් 39, ශායි හෝප් 29, රොස්ටන් චේස් 18, බෙන් ස්ටොක්ස් 22/6, ජේම්ස් ඇන්ඩසන් 31/2, රෝලන්ඞ් ජෝන්ස් 32/2)

එංගලන්ත පළමු ඉනිම - කඩුලු 4 ක් දැවී 46
(ඬේවිඞ් මෙලන් නොදැවී 13, බෙන් ස්ටොක්ස් නොදැවී 13)

-036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දිමුත් කරුණාරත්න වික්‍රමාන්විත පිතිහරඹයක...
2018-07-12 19:20:16
පිඹුරු දඩයමේ යන්නා ලෙසින් ප්‍රකට දිමුත් කරුණාරත්නගේ ඉවසිලිවන්ත වූත් වික්‍රමාන්විත වූත් පිතිහරඹයෙන් යන්තම් හිස ඔසවාගත් ශ්‍රී ලං...
ක්‍රොඒෂියාව කටින් ජයගැනීමේ උත්සාහයක ...
2018-07-10 21:30:57
  මූලික වටයේදී ආර්ජන්ටිනාව ගෝල 3-0 කින් පරාජය කරමින් ලයනල් මෙසීගේ ගෝල යන්ත්‍රය නැවැත්වූ තම කණ්ඩායමට හැරී කේන් පාලනය කිරීම...
ඩු ප්ලෙසී ගාල්ලේ ඇත්ත කතාව කියයි...
2018-07-15 10:25:11
දකුණු අප්‍රිකානු ක්‍රිකට් ඉතිහාසයේ අතිශය දරුණු පරාජයකට මුහුණ දුන් නමුත් ශ්‍රී ලංකා කණ්ඩායමට හිමිවිය යුතු ගෞරවය කිසි ලෙසකින් අව...
ශ්‍රී ලංකාව ලකුණු 272 ක් ඉදිරියෙන්...
2018-07-13 13:09:47
ටෙස්ට් කණ්ඩායම් ශ්‍රේණිගත කිරීම අනුව ලෝකයේ අංක 2 හිමි කණ්ඩායම වුවත් දකුණු අප්‍රිකානු පිතිකරුවන් අල්ලේ නැටවූ රංගන හේරත් ප්‍රමුඛ...