. නයිට් රයිඩර්ස් දෙවැනි වරටත් ශූරතාව දිනති | කෙළිමඬල
2018 ජූලි මස 17 වැනි අගහරුවාදා
නයිට් රයිඩර්ස් දෙවැනි වරටත් ශූරතාව දිනති
2017-09-10 16:04:13 | .

‘කැරිබියන්  ප්‍රීමියර් ලීග්’ විස්සයි20 ක්‍රිකට් තරගාවලියේදී දෙවැනි වරටත් ශූරතාව දිනා ගැනිමට ඞ්වේන් බ්‍රාවෝ නායකත්වය දරණ ට්‍රින්බාගෝ නයිටි රයිඩර්ස් කණ්ඩායම ඊයේ (09 වැනිදා) සමත්විය.

බ්‍රයන් ලාරා ක්‍රීඩාංගණයේදී පැවැති අවසන් තරගයේදී ශාන්ත කිට්ස් සහ නෙවිස් පේට්‍රියට්ස් කණ්ඩායමට එරෙහිව කඩුලු 3 ක ජයක් හිමිකර ගනිමින් ශූරතාව දිනා ගැනීමට ටි්‍රන්බාගෝ නයිටි රයිඩර්ස් කණ්ඩායම සමත්විය.

ජයග්‍රහණය සදහා ලකුණු 136 ක ඉලක්කයක් හඹාගිය ට්‍රින්බාගෝ නයිටි රයිඩර්ස් කණ්ඩායම ඕවර 19 කදී කඩුලු 7 ක් දැවී ඉලක්කය ජයගැනීමට සමත්විය. කොලින් මුන්රෝ පන්දු 23 කදී හයේ පහර තුනක් සමගින් ලකුණු 29 ක් රැස් කළ අතර ප්‍රවේගකාරී පිතිකරුවන්වූ සුනිල් නරේන්, ඞ්වේන් බ්‍රාවෝ සහ ඩැරන් බ්‍රාවෝට ලකුණු අතරට පැමිණීමට පෙරම දවා ගනිමින් දැඩි පීඩනයක් ඇති කිරීමට ශාන්ත කිට්ස් සහ නෙවිස් පේට්්‍රයට්ස් කණ්ඩායමේ පන්දු යවන්නෝ සමත්වූහ.

ලකුණු 90 කට කඩුලු 7 ක් දැවී දැඩි අසීරූතාවයක සිටි ට්‍රින්බාගෝ නයිටි රයිඩර්ස් කණ්ඩායමට නව ජීවයක් දෙමින් ජයග්‍රහණය දක්වා කණ්ඩායම රැගෙන යාමට කෙවොන් කූපර් සමත්විය. තරගය නිමාවන තෙක් කඩුල්ලේ රැඳී සිටිමින් පන්දු 14 කදී ලකුණු 29 ක් රැස්කළ කෙවොන් කූපර්ගේ ඉනිමට හයේ පහර දෙකක් සහ හතරේ පහර දෙකක් ඇතුළත් විය.

අටවැනි කඩුල්ල සදහා පන්දු 28 කදී ලකුණු 46 ක නොබිඳුණු සම්බන්ධතාවයක් ගොඩනැගීමට කෙවොන් කූපර් (නොදැවී 29) සහ ඩිනේෂ් රාම්දීන් (නොදැවී 26) සමත්විය.

පළමුව පන්දුවට පහරදුන් ශාන්ත කිට්ස් සහ නෙවිස් පේට්‍රියට්ස් කණ්ඩායමට නියමිත ඕවර 20 අවසානයේ කඩුලු 6 ක් දැවී රැස්කිරීමට හැකිවූයේ ලකුණු 135 ක් පමණි. ආරම්භක පිතිකරුවන්වූ නායක ක්‍රීස් ගේල් සහ එවින් ලෙවිස්ට ලකුණු අතරට පැමිණීමට පෙරම දවාගනිමින් ශාන්ත කිට්ස් සහ නෙවිස් පේට්‍රියට්ස් කණ්ඩායමට තර්ජනයක් ඇති කිරීමට සුනිල් නරේන් සහ ජේවොන් රැමොන් සමත්වූහ.

ප්‍රවේගකාරී පිතිකරුවකුවූ කාලෝස් බ්‍රැත්වේට් පන්දු 25 කදී ලකුණු 30 ක් රැස්කරමින් ශාන්ත කිට්ස් සහ නෙවිස් පේට්‍රියට්ස් කණ්ඩායම වෙනුවෙන් වැඩිම ලකුණු රැස්කළ පිතිකරුවා බවට පත්විය. බ්‍රැත්වේට්ගේ ඉනිමට හයේ පහරක් සහ හතරේ පහර දෙකක් ඇතුළත් විය.


ශාන්ත කිට්ස් සහ නෙවිස් පේට්‍රියට්ස් - ඕවර 20 කදී කඩුලු 6 ක් දැවී 135
(ජොනතන් කාටර් 21, කාලෝස් බ්‍රැත්වේට් නොදැවී 30, කෙවොන් කූපර් 12/2, ජේවොන් රැමොන් 29/2)

ට්‍රින්බාගෝ නයිටි රයිඩර්ස් - ඕවර 19 කදී කඩුලු 7 ක් දැවී 136
(කොලින් මුන්රෝ 29, ඩිනේෂ් රාම්දීන් නොදැවී 26, කෙවොන් කූපර් නොදැවී 29, මොහොමඞ් හෆීස් 19/2, තබ්‍රේස් ශම්සී 20/2, ශෙල්ඩන් කොට්ට්‍රේල් 21/2)

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දිමුත් කරුණාරත්න වික්‍රමාන්විත පිතිහරඹයක...
2018-07-12 19:20:16
පිඹුරු දඩයමේ යන්නා ලෙසින් ප්‍රකට දිමුත් කරුණාරත්නගේ ඉවසිලිවන්ත වූත් වික්‍රමාන්විත වූත් පිතිහරඹයෙන් යන්තම් හිස ඔසවාගත් ශ්‍රී ලං...
ක්‍රොඒෂියාව කටින් ජයගැනීමේ උත්සාහයක ...
2018-07-10 21:30:57
  මූලික වටයේදී ආර්ජන්ටිනාව ගෝල 3-0 කින් පරාජය කරමින් ලයනල් මෙසීගේ ගෝල යන්ත්‍රය නැවැත්වූ තම කණ්ඩායමට හැරී කේන් පාලනය කිරීම...
ඩු ප්ලෙසී ගාල්ලේ ඇත්ත කතාව කියයි...
2018-07-15 10:25:11
දකුණු අප්‍රිකානු ක්‍රිකට් ඉතිහාසයේ අතිශය දරුණු පරාජයකට මුහුණ දුන් නමුත් ශ්‍රී ලංකා කණ්ඩායමට හිමිවිය යුතු ගෞරවය කිසි ලෙසකින් අව...
ශ්‍රී ලංකාව ලකුණු 272 ක් ඉදිරියෙන්...
2018-07-13 13:09:47
ටෙස්ට් කණ්ඩායම් ශ්‍රේණිගත කිරීම අනුව ලෝකයේ අංක 2 හිමි කණ්ඩායම වුවත් දකුණු අප්‍රිකානු පිතිකරුවන් අල්ලේ නැටවූ රංගන හේරත් ප්‍රමුඛ...