. ස්ලෝනි ස්ටීවන්ස් ඉතිහාසය යළි පෙන්වයි | කෙළිමඬල
2018 පෙබරවාරි මස 21 වැනි බදාදා
ස්ලෝනි ස්ටීවන්ස් ඉතිහාසය යළි පෙන්වයි
2017-09-10 19:29:11 | .

ග්‍රෑන්ඩ් ස්ලෑම් ටෙනිස් ශූරතාවලිය විවෘත තරගාවලියක් බවට පත් කිරීමෙන් පසුව ශ්‍රේණිගත කිරීම්වල නොසිටි ක්‍රීඩිකාවක් එවැනි ශූරතාවක් දිනූ පස්වැනි වතාව සටහන් කරමින් අමෙරිකානු විවෘත ටෙනිස් තරගාවලියේ කාන්තා ශූරතාව දිනාගැනීමට ස්ලෝනි ස්ටීවන්ස් සමත්වූවාය.

නිව්යෝක් නුවර බිලි ජීන් කිංග් ටෙනිස් මධ්‍යස්ථානයේ ෆ්ලෂින් මිඩෝස් ටෙනිස් පිටියේ පැවැති අවසන් මහා තරගයෙන් ස්ලෝනි ලකුණු 6-3 කින් සහ 6-0 කින් ජයලැබුවේ ඇගේම රටෙහි මැඩිසන් කීස් පරාජය කරමිනි.

එය දෙදෙනාගේම පළමු ග්‍රෑන්ඞ් ස්ලෑම් අවසන් තරගය වූවත් දෙදෙනාම කුඩා වියේ සිටම සමීපතම මිතුරියන් වීම නිසා ස්ලෝනිට සහ මැඩිසන්ට අවසන් මහා තරගයකදී දැනෙන චකිතය නොදැනුණු බව තරගයෙන් පසුව ස්ලෝනි කීවාය.

ග්‍රෑන්ඞ් ස්ලෑම් අවසන් මහ තරගයක් නිමාවීමෙන් පසුව එකිනෙකාට සුබපතීමෙන් පසුව ත්‍යාග ප්‍රදානෝත්සවය වනතුරු පිටිය දෙපස තම තමන්ගේ ආසනවල වාඩිවී සිටීම ක්‍රීඩක ක්‍රීඩිකාවන්ගේ සාමාන්‍ය සිරිත වුවත් මෙහිදී දක්නට ලැබුණේ අසාමාන්‍ය සිදුවීමකි.

ටෙනිස් පිටිය මැද දැල අසළ දී ස්ලෝනි‘ හා මැඩිසන් දිගු වේලාවක් තිස්සේ එකිනෙකා සිප වැළඳගෙන සිටී අතර ඉන් අනතුරුව දෙදෙනාම ගොස් එකම පැත්තක අසුන් ගත්හ.  එය ප්‍රතිවාදී ක්‍රීඩිකාවන් දෙදෙනකු අතර දක්නට නොලැබෙන විරල සිදුවීමක් ලෙස විචාරකයෝ සඳහන් කළහ.

“මං එයාට කිව්වා මේ තරගය ජයපැරදුමෙන් තොරව නිමාවුණානම් කොයිතරම් හොඳද කියලා. එතකොට අපි දෙන්නටම මේ කුසලානයට සමඅයිතිවාසිකම් කියන්න පුළුවන් නේද කියලා.” ස්ලෝනි එසේ කීවාය.

“කවදාවත් ග්‍රෑන්ඩ් ස්ලෑම් කිරුළක් දිනා නැති මාත් අවසන් තරගයට ආවේ බලාපොරොත්තු සහගතවයි. ඒත් අද ස්ලෝනි මට වඩා හොඳට සෙල්ලම් කළා. අද මම වෙන කෙනකුට පැරදුනා නම් දැනෙන වේදනාව කොයිතරම්ද කියලා හිතාගන්න බෑ. ඒත් මගේ හොඳම යාළුවෙක්ටයි පැරදුණේ. ඒ නිසා ලොකු කනගාටුවක් නෑ.” මැඩිසන් කීස් කීවාය.

වසර 2002 දී ජෙනිෆර් කැප්‍රියාටි ඕස්ට්‍රේලියානු විවෘත ටෙනිස් කිරුළ ජයගැනීමෙන් පසුව විලියම්ස් සොයුරියන් හැර කිසිදු අමෙරිකානු ජාතික ක්‍රීඩිකාවකට එවැනි කිරුළක් දිනාගත නොහැකි වූ අතර 2002 න් පසුව එවැනි හපන්කමක් කළ පළමු අමෙරිකානු ජාතික ක්‍රීඩිකාව බවටත් ස්ලෝනි පත්වුවාය.

තරගයෙන් පසුව ඩොලර් මිලියන 3.7 ක මුදල් මල්ලක් සමග කුසලානය ලබාගැනීමෙන් පසුව  “දැන් ඉතිං ක්‍රීඩාවෙන් සමුගන්න හිතෙනවා” යැයි ඇසක් ඉඟි කරමින් ස්ලෝනි කීවේ විහිළුවටය. ජයග්‍රාහි කතාවේදී වරින් වර සිය මව සිහිපත් කරමින් සතුටු කඳුළු වැගිරූ ඇය කියා සිටියේ  තමා 11 හැවිරිදි වියේ පසුවෙද්දී මව විසින් තමා ටෙනිස් පුහුණුවට කැටුව ගිය හැටි ගැනය.

 


 

- 077

 


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
අවදානමෙන් ගැලවෙන්න ශ්‍රී ලංකාව ජය සොයයි ...
2018-02-14 18:39:38
බංග්ලාදේශය, පාකිස්තානය සහ ඉන්දියාව හමුවේ පිට පිටම ලද විස්සයි20 තරග 8 ක පරාජයන් පසෙකලා, මාසයකට ආසන්න කාලයක් තුළ බංග්ලදේශයේදී ලැබූ සාර්ථකත්ව...
පිතිකරුවෝ ශ්‍රී ලංකාව දිනවති...
2018-02-15 16:44:38
ශ්‍රී ලංකාව සහ බංග්ලාදේශය අතර ඩකාහි ශ්‍රේ බංග්ලා ක්‍රීඩාංගණයේදී අද (15 වැනිදා) පැවැති පළමු විස්සයි20 ක්‍රිකට් තරගයෙන් කඩුල...
ශ්‍රී ලංකාවට සටනකින් තොර ජයක්...
2018-02-18 16:52:41
බංග්ලාදේශ ක්‍රීඩකයින්ගෙන් සටන්කාමී ක්‍රීඩා විලාශයක් දක්නට නොලැබීම හේතුවෙන් ශිලාත්හිදි අද (18 වැනිදා) පැවැති දෙවැනි සහ අවසන් විස්සය...
විස්සයි-20 අන්තර්ජාතික තරග එපා...
2018-02-19 21:22:04
ක්‍රිකට් ක්‍රීඩාවේ ඉදිරියෙන් සිටින ක්‍රීඩකයන්ගේත් පුහුණුකරුවන්ගේත් පීඩනය අඩුකිරීම සඳහා විස්සයි-20 තරග දින දර්ශනයෙන් කපා හැරිය ...