. පාකිස්තානයට ලකුණු 20 ක ජයක් | කෙළිමඬල
2017 සැප්තැම්බර් මස 23 වැනි සෙනසුරාදා
පාකිස්තානයට ලකුණු 20 ක ජයක්
2017-09-12 23:40:19 | .

පාකිස්තාන කණ්ඩායම සහ ලෝක කණ්ඩායම අතර ලාහෝර්හි ගඩාෆි ක්‍රීඩාංගණයේදී අද (12 වැනිදා) පැවැති විස්සයි20 ජාත්‍යන්තර ක්‍රිකට් තරගයෙන් ලකුණු 20 ක ජයක් අත්කර ගැනීමට පාකිස්තාන කණ්ඩායම සමත් විය.

ජයග්‍රහණය සඳහා ලකුණු 198 ක ඉලක්කයක් හඹාගිය ලෝක කණ්ඩායමට ඕවර 20 අවසානයේ කඩුලු 7 ක් දැවී රැස්කරගත හැකි වූයේ ලකුණු 177 ක් පමණි. එහිදී සොහේල් ඛාන්, ශඩාබ් ඛාන් සහ රුම්මාන් රායිස් කඩුලු 2 බැගින් දවාගනිමින් ලෝක කණ්ඩායමේ ජයග්‍රාහී මාවත අවහිර කර දැමූහ.

පළමු කඩුල්ල වෙනුවෙන් පන්දු 32 කදී ලකුණු 43 ක සම්බන්ධතාවක් ගොඩනැගීමට ලෝක කණ්ඩායමේ ආරම්භක පිතිකරුවන් වූ ටමීම් ඉක්බාල් (18) සහ හෂීම් අම්ලා (26) සමත් වුවද, මුලු ලකුණු සංඛ්‍යාව 48 ක් වන විට ඔවුන් දෙදෙනාවම ආපසු ක්‍රීඩාගාරය වෙත හරවා යැවීමට රුම්මාන් රායිස් සමත් විය. පන්දු 17 කදී වාර්තා වූ හෂීම් අම්ලාගේ ඉනිම හයේ පහරකින් සහ හතරේ පහර 4 කින් සමන්විත විය.

තෙවැනි කඩුල්ල වෙනුවෙන් පන්දු 39 කදී ලකුණු 53 ක සම්බන්ධතාවක් ගොඩනැගූ නායක ෆෆ් ඩුප්ලේසී (29) සහ ටිම් පේන් (25) ලෝක කණ්ඩායමට ජයග්‍රහණයේ බලාපොරොත්තු ගෙන ආවද, පාකිස්ථාන පන්දුයවන්නන් හමුවේ වේගයෙන් ලකුණු රැස්කිරීමට ලෝක කණ්ඩායමේ මැද පෙළ පිතිකරුවන් අපොහොසත් වීම නිසා එම බලාපොරොත්තු සුන්ව ගියේය. පන්දු 18 කදී වාර්තා වූ ඩුප්ලේසීගේ ඉනිමට හයේ පහරක් සහ හතරේ පහර 4 ක් ඇතුළත් වූ අතර පන්දු 25 කදී වාර්තා වූ පේන්ගේ ඉනිමට හයේ පහරක් සහ හතරේ පහර 2 ක් ඇතුළත් විය.

ලෝක කණ්ඩායමේ 8 වැනි පිතිකරුවා ලෙස පිටියට පිවිසි ඩැරන් සැමී පන්දු 16 කදී දැවැන්ත හයේ පහර 3 ක් සහ හතරේ පහරක් සමගින් නොදැවී වේගවත් ලකුණු 29 ක් රැස්කළද ඔහුට සිය කණ්ඩායම ජයග්‍රහණය කරා ගෙන යෑමට නොහැකි විය. පන්දු 11 කට මුහුණදුන් තිසර පෙරේරා හතරේ පහර 3 ක් සමගින් ලකුණු 17 ක් රැස්කරගෙන සිටියදී දුවද්දී දැවීයාමකට හසුව පිටියෙන් ඉවත් විය.

පළමුවෙන් පන්දුවට පහරදුන් පාකිස්තාන කණ්ඩායම වෙනුවෙන් ප්‍රවේගකාරී පිතිහරඹයක නිතර වූ බාබර් අසාම් පන්දු 52 කදි ලකුණු 86 ක් රැස්කළේ හයේ පහර 2 ක් සහ හතරේ පහර 10 ක් සමගිනි. ආරම්භක පිතිකරු අහමඉ් ශේෂාඞ් (39) සමග එක්ව දෙවැනි කඩුල්ල වෙනුවෙන් පන්දු 77 කදී ලකුණු 122 ක සම්බන්ධතාවක් ගොඩනගමින් පාකිස්තාන කණ්ඩායමට සාර්ථක ආරම්භයක් ලබාදීමටද අසාම් සමත් විය.

පාකිස්තාන ඉනිමේ අවසන් ඕවර කිහිපයේදී වේගවත් පිතිහරඹයක නිතර වූ ෂොයිබ් මලික් පන්දු 20 කදී හයේ පහර 2 ක් සහ හතරේ පහර 4 ක් සමගින් ලකුණු 38 ක් රැස්කළේය. පාකිස්තාන ඉනිමේ ලකුණු සංඛ්‍යාව ඉහළ දැමීම සඳහා මලික්ට අනගි සහායක් දුන් ඉම්ඩාඞ් වසීම්, පන්දු 4 කදී හයේ පහර 2 ක් සමගින් නොදැවී ලකුණු සංඛ්‍යාව 15 කි.  

පාකිස්තාන පිතිකරුවන්ගෙන් දැඩි ලෙස පහර කෑමකට ලක් වූ තිසර පෙරේරා සිය ඕවර 4 තුළදී ප්‍රතිවාදීන්ට ලකුණු 51 ක් ලබාදුන් අතර බාබර් අසාම්ගේ සහ ෂොයිබ් මලික්ගේ කඩුලු දවාගැනීමට සමත් විය.

පාකිස්තාන කණ්ඩායම - ඕවර 20 කදී කඩුලු 5 කට 197
(අහමඞ් ශේෂාඞ් 39, බාබර් අසාම් 86, ෂොයිබ් මලික් 38, ඉම්ඩාඞ් වසීම් නොදැවී 15, තිසර පෙරේරා 51/2)

ලෝක කණ්ඩායම - ඕවර 20 කදී කඩුලු 7 කට 177
(ටමීම් ඉක්බාල් 18, හෂීම් අම්ලා 26, ටිම් පේන් 25, ෆෆ් ඩුප්ලේසී 29, ග්‍රාන්ට් එලියට් 14, තිසර පෙරේරා 17, ඩැරන් සැමී නොදැවී 29)

-036

 


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මාලිංගගෙන් බීමර් වරුසාවක්...
2017-09-17 22:00:57
ඉන්දිය කණ්ඩායමට එරෙහිව පැවැති තරගාවලිය සඳහා තණතීරු සකස් කිරීමේදී ශ්‍රී ලංකා කණ්ඩායමේ අපේක්‍ෂාවන්ට පටහැණි ලෙසින් තණතීරු සකස් කළේ යය...
සංගා 8 වැනි ශතකයත් ලබාගනී...
2017-09-21 18:54:33
එංගලන්ත ප්‍රාන්ත ක්‍රිකට් තරගාවලියේ සරේ ප්‍රාන්ත කණ්ඩායමට ක්‍රීඩා කරන කුමාර් සංගක්කර මෙවර තරගවාරයේ 8 වැනි පළමු පෙළ ශතකය ලබ...
මැතිව්ස්ට පළමු ටෙස්ට් තරගය අහිමි වෙයි...
2017-09-20 15:56:48
ශ්‍රී ලංකාව සහ පාකිස්තානය අතර එක්සත් අරාබි එමීර් රාජ්‍යයේදී පැවැත්වෙන පළමු ටෙස්ට් තරගය ශ්‍රී ලංකා පිලේ හිටපු නායක ඇන්ජලෝ මැතිව...
හර්දික් පාණ්ඩ්‍යා ඉන්දියාවට ජය ගෙනෙයි...
2017-09-17 18:40:28
හර්දික් පාණ්ඩ්‍යා (83) සහ මහේන්ද්‍ර සිං දෝනි (79) එක්ව හයවැනි කඩුල්ල සදහා පැවැත්වූ ලකුණු 118 ක සම්බන්ධතාවය හේතුවෙන් චෙන්නායිහිදී අ...
චාමර සිල්වාට වසර දෙකක තහනමක්...
මේ වනවිට සියලුදෙනා දන්න කාරණයක් තමයි මේක කැකිල්ලේ නඩු තීන්දුවක් බව. ක්‍රීඩා ඇමැතියි, සුමතිපාලයි කියන්නේ දෙන්නෙක් නෙමේ එක්කෙනෙක්. මේ යන විදිහට ලංකාවේ ක...
ශා. සිල්වෙස්ටර්ට මුල් ඉනිමේ ජයක්...
මම හදවතින්ම සුබපතනවා !!!...
ක්‍රිකට් දැනුමැත්තෝ කර අරිති...
හැමෝටම කළින් ක්‍රීඩා ඇමැතිවරයා සහ තිලංග ඉවත්විය යුතුයි. ඊට පස්සේ ලංකාවේ ක්‍රිකට්වලට හොඳ කලක් උදාවේවි... බැරිවෙලාවත් අර්ජුන ආවොත් සොරිම තමයි. ...
ක්‍රිකට් දැනුමැත්තෝ කර අරිති...
ඇමැතිගේ නාඩගම් එපාවෙලා වෙන්නැති ක්‍රිකට් දැනුමැත්තෝ එන්නේ නැත්තේ... ...
තිසර ලෝක කණ්ඩායම දිනවයි...
ලංකා ටීම් එක, ලංකාවේ ක්ලබ් ටීම් එකක් එක්ක සෙල්ලම් කළත් පරදිනවා. ඒක සත්තයි..!!! ...