. ප්‍රීමා පළාත් තරගාවලිය 20 වැනිදා සිට | කෙළිමඬල
2017 නොවැම්බර් මස 22 වැනි බදාදා
ප්‍රීමා පළාත් තරගාවලිය 20 වැනිදා සිට
2017-09-14 18:23:07 | රොෂාන් ගුණරත්න

ශ්‍රී ලංකා ක්‍රිකට් ආයතනය සහ ප්‍රීමා සමූහ ව්‍යාපාරය එක්ව 11 වැනි වරටත් සංවිධානය කරන ‘ප්‍රීමා’ කුසලාන වයස 15 න් පහළ අන්තර් පළාත් එක්දින ක්‍රිකට් තරගාවලිය මෙම මස 20 වැනිදා සිට ඔක්තෝබර් 7 වැනිදා දක්වා පැවැත්වීමට කටයුතු යොදා ඇත.


දිස්ත්‍රික් තරගාවලියේදී කණ්ඩායම් 39 ක් අතර තරග 90 ක් පැවැත්වෙන අතර එම දිස්ත්‍රික් තරගාවලියේදී දස්කම් දැක්වූ ක්‍රීඩකයින්ගෙන් සමන්විත පළාත් කණ්ඩායම් නිර්මාණය වෙති. දිස්ත්‍රික් තරගාවලියට ක්‍රීඩකයින් 585 ක් ඇතුළත්වන අතර පළාත් තරගාවලියට ඉන් ක්‍රීඩකයින් 180 ක් තෝරාගනු ලැබේ.


ශ්‍රී ලංකා ජාතික කණ්ඩායම නියෝජනය කරන කුසල් මෙන්ඩිස්, ධනංජය ද සිල්වා, නිරෝෂන් දික්වැල්ල සහ බිනුර ප්‍රනාන්දු මෙන්ම ශ්‍රී ලංකා වයස 19 න් පහළ ජාතික කණ්ඩායම නියෝජනය කළ අනුක් ප්‍රනාන්දු, සධීර සමරවික්‍රම සහ ප්‍රියමාල් පෙරේරාද මෙම ප්‍රීමා කුසලාන ක්‍රිකට් තරගාවලියෙන් තම කුසලතා දැක්වූ ක්‍රීඩකයෝ වෙති.


ක්‍රිකට් මූලස්ථානයේදී අද (14 වැනිදා) පැවැති මාධ්‍ය හමුවට සහභාගීවූ සිලෝන් ඇග්‍රෝ ඉන්ඩස්ටී්‍රස්හී ප්‍රධාන කළමණාකාර සූන් ටියෙන් මහතා පැවසූයේ මෙම තරගාවලිය හරහා ප්‍රීමා සමූහ ව්‍යාපාරය මෙරට කණිෂ්ඨ ක්‍රිකට් ක්‍රීඩාවේ වර්ධනයක් බලාපොරොත්තු වන අතරේම තරගාවලිය පැවැත්වෙන කාලය තුළදී තරගාවලිය සදහා සහභාගීවන ක්‍රීඩකයින්ට සම්පූර්ණ පෝෂ්‍ය පදාර්ථ සහිත ආහාර සපයමින්ද අවශ්‍ය ක්‍රීඩා උපකරණ ලබාදෙමින්ද ඔවුන් ශාරීරිකව හා මානසිකවද ශක්තිමත් කිරීමට පියවර ගෙන ඇති බවය.


මෙවර තරගාවලියේදී කණ්ඩායම් 12 ක් කාණ්ඩ දෙකක් යටතේ තරගවදින අතර සම්පූර්ණ තරග සංඛ්‍යාව 31 කි. ප්‍රසාද ලකුණු සටහන අනුව ඒ ඒ කාණ්ඩයන්හී පෙරමුණ ගන්නා කණ්ඩායම අවසන් තරගයට සුදුසුකම් ලබාගනූ ඇත.


මූලික වටයේ තරග ඔක්තෝබර් 4 වැනිදා අවසන් වන අතර අවසන් මහා තරගය දෙදින තරගයක් ලෙස ඔක්තෝබර් 6 සහ 7 යන දෙදින එස්.එස්.සී ක්‍රීඩාංගණයේදී රූපවාහිනි සජීවී විකාශනයක්ද සහිතව පැවැත්වීමට සැලසුම් කර ඇත.


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ඉන්දියාවේ ජයග්‍රහණය අඳුරේ සැඟවෙයි...
2017-11-20 17:00:08
වර්ෂාව හේතුවෙන් තරගයේ පළමු දින දෙකේදීම ඕවර 147 ක් අපතේ ගිය නමුත් අවසන් මොහොත දක්වාම සිය අරමුණු කරා යාම අතහැර නොදැමූ ඉන්දියානු පිලට අත පොවන...
හේරත් හෙවණැල්ලෙන් ඩිල්රුවන් වසාගනී...
2017-11-19 21:56:03
දැවී ගිය බවට විනිසුරු තීරණය ප්‍රකාශ කිරීමෙන් පසුව ක්‍රීඩාගාරයට යමින් සිටි ඩිල්රුවන් පෙරේරා ආපසු හැරී විනිසුරු තීරණය විමසීම සම්බන්ධ...
ලක්මාල් ඉන්දියාව අමාරුවේ දමයි...
2017-11-16 12:42:20
සුරංග ලක්මාල්ගේ අති විශිෂ්ට පන්දු යැවීම හේතුවෙන් කොල්කටාහි ඊඞ්න් ගාර්ඞ්න් ක්‍රීඩාංගණයේදී අද (16 වැනිදා) ආරම්භ වූ පළමු ටෙස්ට් තරගයේදී ඉ...
අර්ධ ශතක පිළිබඳ මැතිව්ස් මතය...
2017-11-19 20:50:07
ගෙවී යමින් පවතින 2017 වර්ෂය අමතක කිරීමට හැකිනම් ශ්‍රී ලංකා පිලේ හිටපු නායක ඇන්ජලෝ මැතිව්ස් ඊට බෙහෙවින් කැමති වනු ඇත. පාදයේ ආබාධ හේතුවෙ...