. රෙඩ්බුල් ක්‍රිකට් අවසන් පූර්ව තරග හෙට | කෙළිමඬල
2018 පෙබරවාරි මස 25 වැනි ඉරිදා
රෙඩ්බුල් ක්‍රිකට් අවසන් පූර්ව තරග හෙට
2017-09-14 21:53:03 | ශානුක අරවින්ද

රෙඞ්බුල් විශ්ව විද්‍යාල ක්‍රිකට් ලෝක කුසලාන තරගාවලියේ අවසන් පූර්ව තරග හෙට (15 වැනිදා) ගාල්ල අන්තර්ජාතික ක්‍රිකට් ක්‍රීඩාංගණයේදී පැවැත්වේ. එහිදී ශ්‍රී ලංකාවේ ව්‍යාපාර කළමනාකරණ පාසලට එරෙහිව ඕස්ට්‍රේලියාවේ සිඞ්නි විශ්ව විද්‍යාලයද, දකුණු අප්‍රිකාවේ වයඹ විශ්ව විද්‍යාලයට එරෙහිව බංග්ලාදේශයේ ලිබරල් ආට්ස් විශ්ව විද්‍යාලයද තරග වැදීමට නියමිතය.

තරගාවලියේ මූලික වටය කණ්ඩායම් 4 බැගින් වූ කාණ්ඩ 2 ක් යටතේ පැවැති අතර ඉන් ‘ඒ’ කාණ්ඩයේ ශූරයන් ලෙස දකුණු අප්‍රිකාවේ වයඹ විශ්ව විද්‍යාලයත්, ‘බී’ කාණ්ඩයේ ශූරයන් ලෙස ශ්‍රී ලංකාවේ ව්‍යාපාර කළමනාකරණ පාසලත් අපරාජිතව අවසන් පූර්ව වටයට සුදුසුකම් ලබාගත්හ.

‘ඒ’ කාණ්ඩයේ දෙවැනි ස්ථානය හිමිකරගත් ඕස්ටේ්‍රලියාවේ සිඞ්නි විශ්ව විද්‍යාලය සහ ‘බී’ කාණ්ඩයේ දෙවැනි ස්ථානය හිමිකරගත් බංග්ලාදේශයේ ලිබරල් ආට්ස් විශ්ව විද්‍යාලය මූලික වටයේදී එක් තරගය බැගින් පරාජයට පත්වුවද, සෙසු තරග වලදී ඉහළ දක්කම් දක්වමින් අවසන් පූර්ව වටයට සුදුසුකම් ලබා සිටියි.

වයඹ විශ්ව විද්‍යාලයේ (දකුණු අප්‍රිකාව) ජේන්මන් මැලන් තරග 3 කදී සමග ලකුණු 126 ක් රැස්රමින් මෙතෙක් තරගාවලියේ වැඩිම ලකුණු ලාභියා බවට පත්ව සිටින අතර ඔහුගේ ඉහළම ලකුණු සංඛ්‍යාව වන්නේ සිඞ්නි විශ්ව විද්‍යාලයට (ඕස්ට්‍රේලියාව) එරෙහිව රැස්කළ ලකුණු 67 යි.

ලිබරල් ආට්ස් විශ්ව විද්‍යාලයේ (බංග්ලාදේශය) මොර්සලීන් මොටාසා තරග 3 කදී කඩුලු 9 ක් දවාගනිමින් මෙතෙක් තරගාවලියේ වැඩිම කඩුලු ලාභියා බවට පත්ව සිටියි. විද්‍යාව සහ තාක්ෂණවේදී ජාතික විශ්ව විද්‍යාලයට (සිම්බාබ්වේ) එරෙහිව ලකුණු 19 කට කඩුලු 5 ක් දවාගැනීම ඔහුගේ හොඳම පන්දුයැවීමයි.

තරගාවලියේ අවසන් මහ තරගය අනිද්දා (16 වැනිදා) ගාල්ල අන්තර්ජාතික ක්‍රිකට් ක්‍රීඩාංගණයේදී පැවැත්වීමට නියමිතය.

 


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ගැලවුම්කාරයාණන්ගේ නැවත පැමිණීම...
2018-02-20 15:19:53
එක සංචාරයකි. තුන් ආකාරයක තරගාවලි තුනක්ම එහි වූයේය. තරගාවලි තුනම ජයග්‍රහණයෙන් අවසන් කිරීමට ශ්‍රී ලංකා කණ්ඩායම සමත් විය.  ...
විස්සයි-20 අන්තර්ජාතික තරග එපා...
2018-02-19 21:22:04
ක්‍රිකට් ක්‍රීඩාවේ ඉදිරියෙන් සිටින ක්‍රීඩකයන්ගේත් පුහුණුකරුවන්ගේත් පීඩනය අඩුකිරීම සඳහා විස්සයි-20 තරග දින දර්ශනයෙන් කපා හැරිය ...
ශ්‍රී ලංකාවට සටනකින් තොර ජයක්...
2018-02-18 16:52:41
බංග්ලාදේශ ක්‍රීඩකයින්ගෙන් සටන්කාමී ක්‍රීඩා විලාශයක් දක්නට නොලැබීම හේතුවෙන් ශිලාත්හිදි අද (18 වැනිදා) පැවැති දෙවැනි සහ අවසන් විස්සය...
චන්දික හතුරුසිංහ...
2018-02-20 16:06:04
“එකිනෙකට වෙනස් රටවල් එක්ක තරග කිරීමේදී වෙනස් වෙනස් ස්ථාන සඳහා යොදා ගැනීමට අපට විශාල ක්‍රීඩක සංචිතයක් ඕනා. ඒත් එක රඳා තියෙන්නේ ඒ ඒ ක්&z...