. චන්ද්‍රිකාට රිදී පදක්කමක් | කෙළිමඬල
2019 ජනවාරි මස 24 වැනි බ‍්‍රහස්පතින්දා
චන්ද්‍රිකාට රිදී පදක්කමක්
2017-09-21 14:36:43 | .

ඉන්දියාවේ කොචින් නගරයේදී පැවැති ලෝක ප්‍රවීණයන්ගේ බැඩ්මින්ටන් තරගාවලියේදී අවුරුදු 40 න් ඉහළ වයස් කාණ්ඩයේ රිදී පදක්කම දිනාගැනීමට ශ්‍රී ලංකාවේ චන්ද්‍රිකා ද සිල්වා සමත් වූවාය.

අවසන් මහ තරගයේදී ලෝක ග්‍රේණිගත කිරීම්හි 98 වැනි ස්ථානයේ පසුවන ජර්මානු ක්‍රීඩිකා ක්ලවුඩියා වොගෙල්සැන්ග් හමුවේ තරග වට 2-1 ක් ලෙස පරාජය වීම නිසා ඇයට රිදී පදක්කමෙන් සෑහීමකට පත්වීමට සිදුවූවාය.

විනාඩි 40 ක් පුරා පැවැති එම තරගයේ පළමු වටය ලකුණු 21/16 ක් ලෙස ජයගැනීමට චන්ද්‍රිකා සමත් වුවද, ලකුණු 21/10 ක් ලෙස දෙවැනි වටය ජයගැනීමට වොගෙල්සැන්ග් සමත් වීමත් සමග තරගය සම තත්ත්වයට පත්විය. කෙසේ වුවත් දෙදෙනාටම තීරණාත්මක වූ තෙවැනි වටය ලකුණු 21/14 ක් ලෙස ජයගත් වොගෙල්සැන්ග්, සමස්ත තරගයේ ජය 2-1 ක් ලෙස තමන් සතු කරගත්තාය.

අර්ධ අවසන් පූර්ව තරගයේදී තරග වට 2-0 ක් ලෙස (21/4, 21/15) ඉන්දුනීසානු ක්‍රීඩිකා එලිසබෙත් තාඩ්‍රෝ පරාජය කරමින් අවසන් පූර්ව වටයට සුදුසුකම් ලබාගත් චන්ද්‍රිකා, අවසන් මහ තරගයට සුදුසුකම් ලබාගත්තේ එහිදී එංගලන්තයේ රෙබේකා පැන්ටනි හමුවේ නිතරග ජයක් ලබාගනිමිනි.

වසර 2 කට වරක් පැවැත්වෙන මෙම තරගාවලිය සඳහා මේ වසරේදී රටවල් 37 ක් සහභාගි වූ අතර මීලග තරගාවලිය 2019 වසරේදී පැවැත්වීමට නියමිතය.

 

- 036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
අවිශ්ක - මිලින්ද ‘ඒ’ පිල දිනවති...
2019-01-19 10:02:21
සංචාරක අයර්ලන්ත ‘ඒ’ කණ්ඩායම එරෙහිව සූරියවැව මහින්ද රාජපක්ෂ ජාත්‍යන්තර ක්‍රිකට් ක්‍රීඩාංගණයේදී අද (19 වැනිදා) පැවැත...
ක්‍රිකට් කාපාළුවෝ ක්‍රීඩා ඇමතිටත් අල්ලස් දෙන්න හදත...
2019-01-18 20:45:26
  ශ්‍රී ලංකා ක්‍රිකට් කණ්ඩායමට ක්‍රීඩකයන් ඇතුළත් කිරීම සඳහා තමන්ට අල්ලස් දීමට තැත්කළ අය පිළිබඳව ජාත්‍යන්තර ක්...
පැටර්සන් - ඩෝරන් ඕස්ට්‍රේලියානු පිල ඔසවා තබති ...
2019-01-17 05:20:22
සංචාරක ශ්‍රී ලංකා කණ්ඩායම සහ ඕස්ට්‍රේලියානු  ක්‍රිකට් ආයතන කණ්ඩායම අතර හෝබාට්හි බෙලෙරිව් ඕවල් ක්‍රීඩාංගණයේදී අද (1...
නුවන් ප්‍රදීප්ට ටෙස්ට් තරගාවලිය අහිමිවෙයි ...
2019-01-20 15:00:49
ඕස්ට්‍රේලියානු ක්‍රිකට් ආයතන කණ්ඩායමට එරෙහිව පැවැති තෙදින දිවා-රාත්‍රී පුහුණු තරගයේදී කලවේ ආබාධයකට ලක්වූ නුවන් ප්‍රදීප්ට ශ්...