. ශ්‍රී ලංකාවට ආසියානු ගෘහස්ථ ක්‍රීඩා පදක්කම් 4ක් | කෙළිමඬල
2018 ජනවාරි මස 23 වැනි අගහරුවාදා
ශ්‍රී ලංකාවට ආසියානු ගෘහස්ථ ක්‍රීඩා පදක්කම් 4ක්
2017-09-21 21:38:24 | නාමල් පතිරගේ

තර්ක්මෙකිස්ථානයේ “ඇස්ගාබට්” නගරයේදී දැන් පැවැත්වෙන ආසියානු ගෘහස්ථ උළෙලේදී ශ්‍රී ලංකාව මලල ක්‍රීඩා ඉසව්වලින් රන් පදක්කමක්, රිදී පදක්කම් දෙකක් හා ලෝකඩ පදක්කමක් දිනා ගැනීමට අද  (21) වන විට සමත්ව තිබුණි.

එහිදී ශ්‍රී ලංකාවේ මීටර 800 ජාතික ශූරිය හා ආසියානු ශූරිය වන හසන්තිකා අබේරත්න එම ඉසව්වෙන් විනාඩි 2 තත්පර 05.12කට රන් පදක්කමක් දිනා ගැනීමට සමත් වූවාය.

මෙවර ආසියානු ගෘහස්ථ ක්‍රීඩා උළෙලේදී මෙතෙක් දිනාගත් පදක්කම් අතර කැපී පෙනෙන්නේ දුර පැනීම (පිරිමි) ඉසව්වෙන් ශ්‍රී ලංකාව රිදී පදක්කමක් දිනා ගැනීමය. එය ආසියානු (ජ්‍යෙෂ්ඨ) තරගාවලියකදී ශ්‍රී ලංකාව තිරස් පැනීම් ඉසව්වකදී දිනාගත් පළමු පදක්කම වීම කැපී පෙනේ.

අමිල විජයලත් මීටර 7.45කට දුර පැනීම (පිරිමි) ඉසව්වේ රිදී පදක්කම දිනා ගැනීමට සමත්වූ අතර ආසියානු ශූරතා උස පැනීමේ ශූරයෙකු වන මංජුල කුමාර විජේසේකර මීටර 2.21කට ලෝකඩ පදක්කමක් දිනා ගත්තේය.

මේ වනවිට 33 හැවිරිදි වියේ පසුවන ශ්‍රී ලංකාවේ ජ්‍යෙෂ්ඨතම උස පැනීමේ ශූරයා වන මංජුල කුමාර විජේසේකරගේ මෙතෙක් උස පැනීමේ ඉහළම දක්ෂතාවය මීටර 2.27කි.

මේ අතර මීටර 800 (පිරිමි) ඉසව්වෙන් ශ්‍රී ලංකාවට රිදී පදක්කමක් දිනා දුන්නේ ඉඳුනිල් හේරත්ය. ඒ විනාඩි 1 තත්ත්පර 49.45කටය.

ශ්‍රී ලංකා මලල ක්‍රීඩා සංගමයේ නිල දත්ත සටහන්කරු හා එහි තේරීම් කමිටුවේ සභාපති සමන් කුමාර ගුණවර්ධන මහතා “ලංකාදීප”යට පැවැසුවේ පිටියේ ඉසව් දෙකකදී ශ්‍රී ලංකාවේ ජ්‍යෙෂ්ඨ ක්‍රීඩකයන් ආසියානු ගෘහස්ථ පදක්කම් දිනා ගැනීම දක්වා ඉදිරියට පැමිණි පළමු අවස්ථාව මෙය වන බවයි. එසේම මලල ක්‍රීඩාවෙන් මෙතෙක් වැඩිම පදක්කම් ශ්‍රී ලංකාව දිනාගත් ආසියානු ගෘහස්ථ ක්‍රීඩා උළෙලද මෙය වන බවද ඔහු පැවැසීය.

චෙස්, මලල ක්‍රීඩා, ටයිකොන්ඩෝ, බර ඉසිලීම හා මල්ලවපොර යන ක්‍රීඩා ඉසව් නියෝජනය කරමින් ශ්‍රී ලංකාව මෙවර ආසියානු ගෘහස්ථ ක්‍රීඩා උළෙලට ක්‍රීඩකයන් 14 දෙනකු හා ක්‍රීඩිකාවන් හත් දෙනකු සහභාගි කර තිබේ.

ලබන බදාදා (27) දක්වා මෙවර ආසියානු ගෘහස්ථ ක්‍රීඩා උළෙල පැවැත්වෙන අතර ඒ සඳහා රටවල් 62කින් ක්‍රීඩක ක්‍රීඩිකාවෝ 6000ක් ක්‍රීඩා ඉසව් 21ක් සඳහා තරග වදිති.

මේ වනවිට (21) රටවල් 29ක් පදක්කම් දිනා සිටින අතර ශ්‍රී ලංකාව 18 වැනි ස්ථානයේ පසුවේ. සත්කාරක තර්ක්මෙකිස්ථානය රන් පදක්කම් 55ක්, රිදී පදක්කම් 38ක් හා ලෝකඩ පදක්කම් 130ක් දිනා ඒ වන විට පදක්කම් සටහනේ පෙරමුණ ගෙන සිටියේය. ඉන්දියාව රන් පදක්කම් 5ක් ලබා එහි නව වැනි ස්ථානයේ ඒ වනවිට පසුවිය.

 


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
සිම්බාබ්වේට ලකුණු 12 ක ජයක්...
2018-01-17 18:45:02
බංග්ලාදේශයේදී පැවැත්වෙන තුන්කොන් ක්‍රිකට් තරගාවලියේ ඩකාහිදි පැවැති දෙවැනි තරගයේදී ශ්‍රී ලංකාවට එරෙහිව ලකුණු 12 ක ජයක් හිමිකර ග...
ශ්‍රී ලංකාවට කඩුලු 5 ක ජයක්...
2018-01-21 11:50:03
තිසර පෙරේරාගේ (නොදැවී 39 සහ 33/4) තුන් ඉරියව් දස්කම් හේතුවෙන් බංග්ලාදේශයේදී පැවැත්වෙන තුන්කොන් ක්‍රිකට් තරගාවලියේ ඩකා හ...
බංග්ලාදේශයට ලකුණු 163 ක දැවැන්ත ජයක්...
2018-01-19 17:45:39
ශ්‍රී ලංකාව, බංග්ලාදේශය සහ සිම්බාබ්වේ අතර බංග්ලාදේශයේ ශ්රේ බංග්ලා ක්‍රීඩාංගණයේදී පැවැත්වෙන තුන් කොන් ක්‍රිකට් තරගාවලියේ තෙවැනි...
හතුරුසිංහට අපි බය නෑ - මොර්ටසා...
2018-01-18 22:16:15
තමන්ගේ හිටපු පුහුණුකරුවා වන චන්දික හතුරුසිංහ මහතා ශ්‍රී ලංකා කණ්ඩායමේ පුහුණුකරුවා වීම සම්බන්ධයෙන් බංග්ලාදේශය බිය නොවන බව බංග්ලාදේශ එක්...
ශ්‍රී ලංකාව සහ බංග්ලාදේශය අතර තරගය...
කවුරු පුහුණුකරු වුනත් වැඩක් නෑ. අපේ අයට දැන් පණ නෑ. හොඳම වැඩේ ක්‍රිකට් ක්‍රීඩාවට දෙන තැන මදක් අඩු කරලා අනෙක් ක්‍රීඩා වලට තැන දෙන එකයි. දැන් ඉන්න කට්ටි...
බංග්ලාදේශයට ලකුණු 163 ක දැවැන්ත ජයක්...
ලංකාවේ ඔක්කොම අංජ බජල් ...
හතුරුසිංහගෙන් එඩිතර ප්‍රකාශයක්...
අසේල ගුණරත්න ටෙස්ට් කණ්ඩායමෙන් ඉවත් කිරීම ගැටළුවක්. ඉන්දියානු සංචාරයේ තරමක් අසාර්ථක වුණත් ඔහු ටෙස්ට් කණ්ඩායමේ සිටිය යුතුම සටන්කාමී ක්‍රීඩකයෙක්. ඉහල පව...
ශ්‍රී ලංකා පිල පිටත්ව යයි...
දැන් තමයි හොඳම ටීම් එක ඉන්නේ... සුබ පතමි...
මනසින් ගනුදෙනු කරන හතුරුසිංහ ...
නියමයි.. වෙන්න ඕනේ ඒ දේ තමයි... සුබපැතුම් !!! ...