. හොං කොං කඩුල්ල පැනීම අභියෝගයක් වෙයි | කෙළිමඬල
2018 ජූලි මස 17 වැනි අගහරුවාදා
හොං කොං කඩුල්ල පැනීම අභියෝගයක් වෙයි
2017-09-23 17:24:04 | මොහාන් ප්‍රනාන්දු

දකුණු කොරියාවේ ඉන්චියොන් නුවර නැම්ඩොන්ග් රග්බි ක්‍රීඩාංගණයේ අද ආරම්භ වූ ආසියානු සත් සාමාජික රග්බි දෙවැනි අදියරේ තරගාවලියේ පළමු දිනයේ අවසන් තරගයේදී උත්සාහක දිනුම් හතරකින් චීන තායිපේ පිල පසුපසට ඇද දැමූ ශ්‍රී ලංකා රග්බි කණ්ඩායම ලකුණු 26-24 ක ජයක් වාර්තා කිරිමට සමත් විය.

කෙසේ වෙතත් ශ්‍රී ලංකා පිල  ‘ඒ ‘කාණ්ඩයේ තුන්වැනි තැනට පත්වීම නිසා හෙට (24 වැනිදා) පැවැත්වෙන කුසලාන වටයේ අර්ධ අවසන් පූර්ව තරගයේදී ‘බී‘ කාණ්ඩයේ දෙවැනි තැන සිටින හොං කොං කණ්ඩායම සමග තරග වැදීමට සිදුවී තිබේ.

පසුගියදා හොං කොං නුවර පැවැති පළමු අදියරේ තරගාවලියේ දෙවැනි ස්ථානය අත්කර ගත් ප්‍රබල හොං කොං පිල වේලාසනින්ම මුණගැසීමට සිදුවීම කුසලානය සඳහා වන අවසන් පූර්ව තරග වටයට එක්වීමේ බලාපොරොත්තුවෙන් පසුවන ශ්‍රී ලංකා ක්‍රීඩකයන්ට නම් එතරම් ගුණදායක නැත. මේ තරගය ශ්‍රී ලංකා වේලාවෙන් හෙට පෙරවරු 7.58 ට ආරම්භ වෙයි.

අද ආරම්භ වූ මේ තරගාවලියේ මූලික වටයේ සිය පළමු තරගය ජපනුන් හමුවේ පරාජය වීමෙන් අනතුරුව චීන කණ්ඩායමට එරෙහිව පැවැති දෙවැනි තරගය ජය පරාජයෙන් තොරව අවසන් කරගැනීමට ශ්‍රී ලංකා පිල සමත් වූයේය. පසුව මූලික වටයේ අවසන් තරගයේදී චීන තායිපේ පිල පරාජයට පත් කළේ ගෝල් 3 ක් සහ උත්සාහක දිනුමක් මගිනි.  

විශිෂ්ට දස්කම් පෑ ජේසන් දිසානායක උත්සාහක දිනුම් දෙකක් තැබීමට සමත්වූ අතර ධනුෂ්ක රන්ජන් සහ තරින්ද රත්වත්ත එක් උත්සාහක දිනුම බැගින් තැබූහ. මේ උත්සාහක දිනුම් අතරින් 3 ක්ම ගෝල් දිනුම් බවට ප්‍රවර්ථනය කිරීමට තරින්ද රත්වත්ත සමත් වූයේය.


කුසලාන වටයේ අර්ධ අවසන් පූර්ව තරග සටහන

■    ශ්‍රී ලංකාව සහ හොං කොං අතර
■    ජපානය සහ පිලිපීනය අතර
■    චීන තායිපේ සහ දකුණු කොරියාව අතර
■    මැලේසියාව සහ චීනය අතර

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දිමුත් කරුණාරත්න වික්‍රමාන්විත පිතිහරඹයක...
2018-07-12 19:20:16
පිඹුරු දඩයමේ යන්නා ලෙසින් ප්‍රකට දිමුත් කරුණාරත්නගේ ඉවසිලිවන්ත වූත් වික්‍රමාන්විත වූත් පිතිහරඹයෙන් යන්තම් හිස ඔසවාගත් ශ්‍රී ලං...
ක්‍රොඒෂියාව කටින් ජයගැනීමේ උත්සාහයක ...
2018-07-10 21:30:57
  මූලික වටයේදී ආර්ජන්ටිනාව ගෝල 3-0 කින් පරාජය කරමින් ලයනල් මෙසීගේ ගෝල යන්ත්‍රය නැවැත්වූ තම කණ්ඩායමට හැරී කේන් පාලනය කිරීම...
ඩු ප්ලෙසී ගාල්ලේ ඇත්ත කතාව කියයි...
2018-07-15 10:25:11
දකුණු අප්‍රිකානු ක්‍රිකට් ඉතිහාසයේ අතිශය දරුණු පරාජයකට මුහුණ දුන් නමුත් ශ්‍රී ලංකා කණ්ඩායමට හිමිවිය යුතු ගෞරවය කිසි ලෙසකින් අව...
ශ්‍රී ලංකාව ලකුණු 272 ක් ඉදිරියෙන්...
2018-07-13 13:09:47
ටෙස්ට් කණ්ඩායම් ශ්‍රේණිගත කිරීම අනුව ලෝකයේ අංක 2 හිමි කණ්ඩායම වුවත් දකුණු අප්‍රිකානු පිතිකරුවන් අල්ලේ නැටවූ රංගන හේරත් ප්‍රමුඛ...