. සංගක්කාරගේ සරේ සංදර්ශනය සමාප්තයි | කෙළිමඬල
2018 පෙබරවාරි මස 18 වැනි ඉරිදා
සංගක්කාරගේ සරේ සංදර්ශනය සමාප්තයි
2017-09-23 18:44:15 | .

සිය වසර 20 ක පළමු පෙළ ක්‍රිකට් දිවියේ අවසන් තරගයේදීත් ශතයක් ලබාගත් 39 හැවිරිදි කුමාර් සංගක්කාර, පළමු පෙළ ක්‍රිකට් පිටියට සමුදුන්නේ එම තරගයෙන් සරේ කණ්ඩායම ජයග්‍රහණය කරා කැඳවාගෙන යමිනි.


ක්‍රීඩාවෙන් සමුගන්නා විට ටෙස්ට් තරග 134 කට ක්‍රීඩා කර තිබූ සංගක්කාරගේ පළමු පෙළ තරග සංඛ්‍යාව 259 කි. මෙම තරග 259 දී ඔහු විසින් ලබාගන්නා ලද ලකුණු සංඛ්‍යාව 20,862 කි. ඊට ශතක 64 ක් සහ අර්ධ ශතක 86 ක් ඇතුළත් වී තිබිණ.

මේ වන විට ටෙස්ට් පිටියෙන් සමුගෙන සිටින සංගක්කාර, තමාගේ අවසන් පළමු පෙළ තරගාවලිය මෙවර එංගලන්ත ප්‍රාන්ත ක්‍රිකට් තරගාවලිය බවද, මෙම තරගාවලියෙන් පසුව තමා පළමු පෙළ තරග වලින් සමුගන්නා බවද කල්තියාම පවසා තිබිණ.

සරේ ප්‍රාන්ත කණ්ඩායම නියෝජනය කරමින් එංගලන්ත ප්‍රාන්ත ක්‍රිකට් තරගාවලියට සහභාගි වූ ඔහු සමර්සේට් ප්‍රාන්තයට එරෙහිව ඊයේ (22 වැනිදා) අවසන් පළමු පෙළ තරගයට ක්‍රීඩා කළේය. එම තරගයේ පළමු ඉනිමේදී ලකුණු 157 ක් රැස්කරමින් සරේ ප්‍රාන්ත කණ්ඩායම ලකුණු 433 ක් දක්වා කැඳවාගෙන ගිය සංගක්කාර, දෙවැනි ඉනිමේදී ලකුණු 35 කට දැවී ගියේ මාක් බේස්ගේ පන්දුවක් හමුවේ ඔහු අතටම උඩ පන්දුවක් දෙමිනි. එසේ වුවත් සරේ ප්‍රාන්ත පිල ජයග්‍රහණය සඳහා අවශ්‍ය ලකුණු 142 ක ඉලක්කය කඩුලු 6 ක් දැවී සම්පූර්ණ කළේය.

වසර 3 ක කාලයක් සඳහා සරේ ප්‍රාන්ත කණ්ඩායමට එක්ව සිටි සංගක්කාරගේ ගිවිසුම් කාලයක මෙම තරගාවලියත් සමගම නිමාවට පත්වූ අතර තමාගේ සමුගැනීම සම්බන්ධයෙන් අදහස් දක්වමින් ඔහු සිය ට්විටර් ගිණුම ඔස්සේ පණිවිඩයක්ද තබා තිබිණ.

“මගේ අවසන් තරගයෙන් පසු මට සුබපැතූ සියලු දෙනාටම ස්තූතියි. අති විශේෂ ක්‍රීඩා සමාජයේ ආශ්වාදනීය වසර 3 ක් ගතකළා.” යනුවෙන් එහි සටහන් වී තිබිණ.


- 036

 

නඳුන්2017-09-26 08:59:00
එතකොට සංගා දැන් සෙල්ලම් කරන්නේ අන්තිම තරඟෙට පස්සෙ එක වෙන්න ඇති... සංගක්කාරගේ අවසාන පලමු පෙළ තරගය සැප්තැම්බර් 25-28 දක්වා ලැන්කශයර් පිලට එරෙහිව ඔල්ඩ් ට්‍රෆර්ඩ්හීදී පැවැත්වේ...

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
අවදානමෙන් ගැලවෙන්න ශ්‍රී ලංකාව ජය සොයයි ...
2018-02-14 18:39:38
බංග්ලාදේශය, පාකිස්තානය සහ ඉන්දියාව හමුවේ පිට පිටම ලද විස්සයි20 තරග 8 ක පරාජයන් පසෙකලා, මාසයකට ආසන්න කාලයක් තුළ බංග්ලදේශයේදී ලැබූ සාර්ථකත්ව...
විස්සයි-20 න් තරුණයන් බේරාගන්න ඕනෑ...
2018-02-11 13:04:12
විස්සයි විස්ස තරග වෙනුවෙන් තරුණ ක්‍රීඩකයන් ටෙස්ට් තරග මගහැරීම බලවත් ප්‍රශ්නයක්ව තිබෙන බවත් එබැවින් ටෙස්ට් ක්‍රිකට් තරග සඳහා...
පිතිකරුවෝ ශ්‍රී ලංකාව දිනවති...
2018-02-15 16:44:38
ශ්‍රී ලංකාව සහ බංග්ලාදේශය අතර ඩකාහි ශ්‍රේ බංග්ලා ක්‍රීඩාංගණයේදී අද (15 වැනිදා) පැවැති පළමු විස්සයි20 ක්‍රිකට් තරගයෙන් කඩුල...
චනිඳුගෙන් නව ශ්‍රී ලංකා වාර්තාවක්...
2018-02-12 14:44:31
වැලිසර නාවික හමුදා වෙඩි පිටියේ පැවති ජාතික වෙඩිතැබීමේ ශූරතාවලියේ වායු රයිෆල් ඉසව්වේ යොවුන්, කනිෂ්ඨ සහ විවෘත කාණ්ඩවල රන් පදක්කම් දිනාගැනීමට...