. ශ්‍රී ලංකා පිලේ සිහිනය බිඳවැටෙයි | කෙළිමඬල
2017 ඔක්තෝබර් මස 24 වැනි අගහරුවාදා
ශ්‍රී ලංකා පිලේ සිහිනය බිඳවැටෙයි
2017-09-24 14:56:08 | මොහාන් ප්‍රනාන්දු

ආසියානු සත් සාමාජික රග්බි තරගාවලියේ දෙවැනි අදියරේ දෙවැනි දිනය වන අද (24 වැනිදා) පැවැති කුසලාන වටයේ අර්ධ අවසන් පූර්ව තරගයේදි හොං කොං පිල විසින් ශ්‍රී ලංකා කණ්ඩායම 31 - 12 ක් ලෙසින් පරාජය කරන ලදි. මෙම පරාජය නිසා කුසලාන වටයේ අවසන් කණ්ඩායම් හතරට එක්වීමේ ශ්‍රී ලංකා සිහිනය බිඳ වැටිණි. 

සෙනසුරාදා පැවැති මූලික වටයේ තරගවලදී ප්‍රබල හොංකොං පිල සත්කාරක දකුණු කොරියාව හමුවේ අනපේක්ෂිත අයුරින් පරාජයට පත්වීම නිසා අර්ධ අවසන් පූර්ව තරගයේදීත් එවැනි පරාජයක් හොංකොං පිලට අත්කරදීමේ අදිටනින් ශ්‍රී ලංකා කණ්ඩායම පිටියට පිවිසියේය.

එහෙත් ශ්‍රී ලංකා පිලට තරගය පුරාම රැස් කිරීමට හැකිවූයේ ගෝලයක් සහ උත්සාහක දිනුමක් පමණි. 

උත්සාහක දිනුම් 5 ක්ම තැබූ හොංකොං පිල ඉන් 3 ක්ම ගෝල බවට ප්‍රවර්ථනය කරගත්තේය. කැපී පෙනෙන ක්‍රීඩා විලාසයක නිරතවූ හොංකොං පිලේ ජෝන් නෙවිල් උත්සාහක දිනුම් ත්‍රිත්වයක් තැබීමට සමත්විය. 

ශ්‍රී ලංකා පිල වෙනුවෙන් නායක සුදර්ශන මුතුතන්ත්‍රී සහ ශ්‍රීනාත් සූරියබණ්ඩාර උත්සාහක දිනුම් තැබූ අතර චානක චන්දිමාල් ඉන් එක් දිනුමක් ගෝලයක් බවට ප්‍රවර්ථනය කළේය. ඒ අනුව ශ්‍රී ලංකාව පළඟ ශූරතා තරගාවලියේ අවසන් පූර්ව වටයට සේන්දුවී සිටි.

එහිදී ශ්‍රී ලංකා පිලේ ප්‍රතිවාදියා බවට පත්වී ඇත්තේ කුසලානය සඳහා වන අර්ධ අවසන් පුර්ව වටයේ තවත් තරගයකින් ජපානය හමුවේ ලකුණු 34-5 කින් පරාජයට පත්වූ පිලිපීන කණ්ඩායමයි. 

කුසලාන තරගාවලියේ සෙසු අර්ධ අවසන් පූර්ව තරගවලදී චීන තායිපේ පිල ලකුණු 52-7 කින් පරාජය කිරිමට සත්කාරක දකුණු කොරියාව සමත්වූ අතර චීනය විසින් ලකුණු 36-10 කින් මැලේසියාව පරාජය කරන ලදි. 

සාමාන්‍යයෙන් ආසියානු සත් සාමාජික රග්බි පිටියේ කුසලාන වටයේ අවසන් මහා තරගයේදී මුණගැසෙන ජපානය සහ හොංකොං කණ්ඩායම් මෙවර තරගාවලියේදී වේලාසනින්ම මුණගැසෙන්නේ කුසලාන වටයේ අවසන් පූර්ව තරගයේදීය.

අනික් අවසන් පූර්ව තරගය චීනය හා දකුණු කොරියාව අතර පැවැත්වෙයි. 

පළඟ ශූරතා පළමු අවසන් පූර්ව තරගය ශ්‍රී ලංකාව සහ පිලිපීනය අතර පැවැත්වෙයි. එහි අනෙක් අවසන් පූර්ව තරගය චීන තායිපේ සහ මැලේසියාව අතර පැවැත්වේ. 

 


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
පාකිස්තානය එක්දින තරගාවලිය ජයගනී...
2017-10-18 23:00:23
ඉමාම් උල් හක්ගේ (100) පිතිහරඹයත් හසන් අලීගේ (34/5) පන්දු යැවීමත් හමුවේ අබුඩාබීහිදී අද (18 වැනිදා) පැවැති තෙවැනි එක්දින තරගයෙන් කඩුලු 7 ක ජ...
පිතිකරුවන්ගේ චිත්ත ධෛර්යයේ පරීක්‍ෂණයක්...
2017-10-19 21:17:07
ශ්‍රී ලංකාව සහ පාකිස්තානය අතර හෙට (20 වැනිදා) පැවැත්වෙන සිව්වැනි එක්දින තරගය ශ්‍රී ලංකා ක්‍රීඩකයන්ගේ චිත්ත ධෛර්යය පරීක්‍ෂා...
බාබර් - මලික් පාකිස්තානයට ජය ගෙනති...
2017-10-20 21:10:21
බාබර් අසාම් (නොදැවී 69) සහ ෂොයිබ් මලික් (නොදැවී 69) එක්ව සිවුවැනි කඩුල්ල සදහා පැවැත්වූ ලකුණු 119 ක නොබිදුණු සම්බන්ධතාව හේතුවෙන් සාජා ක්&zw...
ධනුෂ්කගේ තරග තහනම ලිහිල් කරයි ...
2017-10-17 21:30:26
ශ්‍රී ලංකා ක්‍රිකට් කණ්ඩායමේ ආරම්භක පිතිකරු ධනුෂ්ක ගුණතිලකට පනවා තිබූ ජාත්‍යන්තර තරග 6 ක තහනම සංශෝධනය කිරීමට ශ්‍රී ලංකා ක්...