. ශ්‍රී ලංකා පිල ආසියානු තරගාවලියට යයි | කෙළිමඬල
2018 ජූලි මස 17 වැනි අගහරුවාදා
ශ්‍රී ලංකා පිල ආසියානු තරගාවලියට යයි
2017-09-26 17:59:26 | ශානුක අරවින්ද

ඔක්තෝබර් මස 2 වැනිදා සිට 8 වැනිදා දක්වා තායිවානයේදී පැවැත්වෙන ආසියානු බේස්බෝල් ශූරතාවලියට සහභාගි වන ශ්‍රී ලංකා කණ්ඩායම මේ මස 30 වැනිදා දිවයිනෙන් පිටත්ව යෑමට නියමිතය. ශ්‍රී ලංකාව ආසියානු බේස්බෝල් තරගාවලියට සහභාගි වන පළමු අවස්ථාව මෙය වන අතර පාකිස්තානයේදී පැවැති බටහිර ආසියානු බේස්බෝල් තරගාවලියේ රන් පදක්කම දිනාගනිමින් ශ්‍රී ලංකා කණ්ඩායම ආසියානු තරගාවලියට සුදුසුකම් ලබාගත්තේය.


ක්‍රීඩකයන් 24 දෙනෙකුගෙන් සමන්විත ශ්‍රී ලංකා කණ්ඩායමේ නායකයා ලෙස අකලංක රණසිංහ කටයුතු කරයි. සමීර රත්නායක කණ්ඩායමේ උප නායකත්වය දරයි.


මලිඳු හේවගේ මහතා කණ්ඩායමේ ප්‍රධන පුහුණුකරු ලෙස තරගාවලියට සහභාගි වන අතර ඔහුගේ සහායට තවත් දේශීය පුහුණුකරුවෙක් සහ ජපන් ජාතික පුහුණුකරුවෙක්ද කණ්ඩායමට එක්ව සිටිති.


බේස්බෝල් ක්‍රීඩාවේ නිරත වන ආසියානු කලාපයේ රටවල් 27 ක් අතරින් රටවල් 8 ක් පමණක් මෙම තරගාවලිය සඳහා තෝරා ගැනෙන අතර ශ්‍රී ලංකාවට අමතරව කොරියාව, චීන තායිපේ, පිලිපීනය, ජපානය, චීනය, හොං කොං සහ පාකිස්තානය යන රටවල්ද මෙම තරගාවලියට සුදුසුකම් ලබා සිටිති.


මූලික වටයේදී එම රටවල් 8 ‘ඒ’ සහ ‘බී’ ලෙස කාණ්ඩ 2 කට බෙදී ලීග් ක්‍රමයට අනුව තරග වදින අතර එහිදී එම කණ්ඩායම් ලබාගන්නා ස්ථාන අනුව දෙවැනි වටයේදී ඔවුන් තරග වදින ආකාරය තීරණය වේ.


දෙවැනි වටයේදී පළමු සහ දෙවැනි ස්ථානවලට පත්වන කණ්ඩායම් දෙක තරගාවලියේ රන් සහ රිදී පදක්කම් සඳහා තරග වදින අතර තෙවැනි සහ සිවුවැනි ස්ථාන හිමිකරගන්නා කණ්ඩායම් දෙක ලෝකඩ පදක්කම සඳහා තරග වැදීමට නියමිතය.


කොරියාව, චීන තායිපේ, පිලිපීනය සහ ශ්‍රී ලංකාව ‘ඒ’ කාණ්ඩය යටතේද, ජපානය, චීනය, හොං කොං සහ පාකිස්තානය ‘බී’ කාණ්ඩය යටතේද මූලික වටයේදී තරග වදින අතර තරගාවලිය ආරම්භ කරමින් කොරියාවට එරෙහිව ශ්‍රී ලංකාව 2 වැනිදා තරග බිමට පිවිසීමට නියමිතය.


මෙම තරගාවලිය ආසියානු ක්‍රීඩා උළෙල සඳහා මෙන්ම ඔලිම්පික් ක්‍රීඩා උළෙල සඳහාද සුදුසුකම් ලබාගැනීමේ තරගාවලියක් ලෙස සැලකේ.

 


ශ්‍රී ලංකා කණ්ඩායම

අකලංක රණසිංහ (නායක), සමීර රත්නායක (උප නායක), සංජීව ජයරත්න, සාලිය විජේසිංහ, තරිඳු මධුමාල්, සම්පත් රුවන්කුමාර, ශෂික දුල්ෂාන්, චරිත් කරුණාරත්න, චාමික යසස්, නිලංක කරුණාරත්න, ඉෂාර ගුණසිරි, දිල්ෂාන් ප්‍රියදර්ශන, නවීන් අනුරාධ, සංජීව මාන්නඋතුම්, සඳුන් මධුෂංක, ක්‍රිෂ්ණ හපුආරච්චි, අශාන් වීරසේකර, අරුණ ශාන්ත, සහන් අවිෂ්ක, ධිලින නිස්සංක, සුපුන් අබේසූරිය, කෞෂල්‍ය ප්‍රබුද්ධ, අසංක ලක්මාල් සහ අමිල පුෂ්පකුමාර

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දිමුත් කරුණාරත්න වික්‍රමාන්විත පිතිහරඹයක...
2018-07-12 19:20:16
පිඹුරු දඩයමේ යන්නා ලෙසින් ප්‍රකට දිමුත් කරුණාරත්නගේ ඉවසිලිවන්ත වූත් වික්‍රමාන්විත වූත් පිතිහරඹයෙන් යන්තම් හිස ඔසවාගත් ශ්‍රී ලං...
ක්‍රොඒෂියාව කටින් ජයගැනීමේ උත්සාහයක ...
2018-07-10 21:30:57
  මූලික වටයේදී ආර්ජන්ටිනාව ගෝල 3-0 කින් පරාජය කරමින් ලයනල් මෙසීගේ ගෝල යන්ත්‍රය නැවැත්වූ තම කණ්ඩායමට හැරී කේන් පාලනය කිරීම...
ඩු ප්ලෙසී ගාල්ලේ ඇත්ත කතාව කියයි...
2018-07-15 10:25:11
දකුණු අප්‍රිකානු ක්‍රිකට් ඉතිහාසයේ අතිශය දරුණු පරාජයකට මුහුණ දුන් නමුත් ශ්‍රී ලංකා කණ්ඩායමට හිමිවිය යුතු ගෞරවය කිසි ලෙසකින් අව...
ශ්‍රී ලංකාව ලකුණු 272 ක් ඉදිරියෙන්...
2018-07-13 13:09:47
ටෙස්ට් කණ්ඩායම් ශ්‍රේණිගත කිරීම අනුව ලෝකයේ අංක 2 හිමි කණ්ඩායම වුවත් දකුණු අප්‍රිකානු පිතිකරුවන් අල්ලේ නැටවූ රංගන හේරත් ප්‍රමුඛ...