. විශේෂ මහ සභා රැස්වීම 29 දා | කෙළිමඬල
2018 අගෝස්තු මස 16 වැනි බ‍්‍රහස්පතින්දා
විශේෂ මහ සභා රැස්වීම 29 දා
2017-09-27 13:57:38 | නාමල් පතිරගේ

ශ්‍රී ලංකා දැල්පන්දු සම්මේලනයේ විශේෂ මහා සභා රැස්වීමක් මෙම 29 වැනිදා පැවැත්වීමට තීරණය කර ඇතැයි වාර්තා වේ. දැල්පන්දු සම්මේලනයේ දැනට හිස්ව පවතින උපසභාපති, භාණ්ඩාගාරික හා උපභාණ්ඩාගාරික යන ධුර පිරවීම සඳහා එදින පෙරවරු 10.00 ට ජාතික ක්‍රීඩා විද්‍යායතනයේදී විශේෂ මහා සභා රැස්වීම පැවැත්වීමට නියමිතය.

හිස්ව පවතින ජාතික දැල්පන්දු පුහුණුකරු ධුරයට අයදුම් කළ අපේක්ෂිකාවන් එහි සම්මුඛ පරීක්ෂණයට කැඳවා ඇත්තේ එදින පස්වරු 1.00 ටය.

හිටපු ජාතික දැල්පන්දු පුහුණුකාරිනියන් වන හයිසින්ත් විජේසිංහ, බෲනායි රාජ්‍යයේ වත්මන් ජාතික දැල්පන්දු පුහුණුකාරිනී තිලකා ජිනදාස, ජාතික දැල්පන්දු කණ්ඩායමේ හිටපු නායිකාවක් වන සොමිතා අල්විස් හා ජාතික කනිෂ්ඨ දැල්පන්දු පුහුණුකාරිනියක් වන අමල්කා ගුණතිලක යන මහත්මීහු මෙවර ජාතික දැල්පන්දු පුහුණුකරු ධුරයට ඇයැදුම් කර සිටිති.

ලබන වසරේ යෙදෙන ආසියානු දැල්පන්දු ශූරතාවලියට ශ්‍රී ලංකා කණ්ඩායම සූදානම් කිරීම අලුතෙන් පත්වන ජාතික දැල්පන්දු පුහුණුකාරිනියට පැවරෙන ප්‍රධාන වගකීමයි. 

කෙසේ වුවත් මහා සභා රැස්වීමක් කැඳවෙන දිනයේදීම ජාතික පුහුණුකාරිනිය නිර්දේශ කිරීමේ සම්මුඛ පරීක්ෂණය කැඳවීමට ගෙන තිබෙන තීරණයට ඊට ඇයැදුම් කළ ඇතැම් අපේක්ෂිකාවන් නොසතුට පළ කර ඇතැයි වාර්තා වේ.

ඔවුන් පෙන්වා දෙන්නේ වත්මන් දැල්පන්දු පරිපාලනය නීත්‍යානුකූලව ස්ථාපිත නොවී තිබෙන අවස්ථාවක එය නිවැරැදි කර ගන්නා තෙක් ජාතික දැල්පන්දු පුහුණුකරු ධුරය නිර්දේශ කිරීමේ සම්මුඛ පරීක්ෂණය විශේෂ මහ සභාව පැවැත්වෙන දිනයේම යොදා ගැනීමෙන් තමන් අපහසුතාවයට පත්ව සිටින බවයි.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකා නැඟී එන පිලට දැවැන්ත ජයක් ...
2018-08-09 10:05:34
දිමුත් කරුණාරත්න (125) සහ සධීර සමරවික්‍රමගේ (141) විශිෂ්ට පිතිහරඹයත්, නිෂාන් පීරිස්ගේ (36/5) විශිෂ්ට පන්දු යැවීමත් හමුවේ සංචාරක දකුණු ...
අකිල ධනංජය දකුණු අප්‍රිකාව වනසයි...
2018-08-12 21:20:44
කොළඹ ආර්. ප්‍රේමදාස ක්‍රීඩාංගණයේදී අද (12 වැනිදා) පැවැති  පස්වැනි සහ අවසන් එක්දින තරගයේදී අකිල ධනංජය (29/6) කළ අති විශිෂ්ට පන...
ශ්‍රී ලංකා නැඟී එන කණ්ඩායම තරගාවලිය ජයගනී...
2018-08-11 18:00:13
චරිත් අසලංක (69), කමිඳු මෙන්ඩිස් (54) සහ අසේල ගුණරත්නගේ (57) පිතිහරඹයන් හමුවේ දකුණු අප්‍රිකානු නැඟී එන කණ්ඩායමට එරෙහිව රංගිරි දඹුල්ල ජ...
චන්දිමාල් ශ්‍රී ලංකාව ජයටැඹ කරා ගෙනයයි...
2018-08-14 20:09:14
ඉතා තියුණු තරගයකින් අනතුරුව දකුණු අප්‍රිකානු කණ්ඩායමට එරෙහිව කොළඹ ආර්. ප්‍රේමදාස ක්‍රීඩාංගණයේදී අද (14 වැනිදා) පැවැති විස්සයි2...