. නිලධාරීන් විනය පරීක්‍ෂණයට සූදානම් | කෙළිමඬල
2018 අගෝස්තු මස 16 වැනි බ‍්‍රහස්පතින්දා
නිලධාරීන් විනය පරීක්‍ෂණයට සූදානම්
2017-09-28 21:12:44 | නාමල් පතිරගේ

ජාතික මහ ක්‍රීඩා උළෙලේ සමාප්ත උත්සවයට ක්‍රීඩා නිලධාරීන් සහභාගි නොවීම වරදක් බව ක්‍රීඩා අමාත්‍යාංශයේ කිසිදු චක්‍ර ලේඛනයක සඳහන් නොවන බවත් ඔවුන් නිහඬව කළ වර්ජනයට එරෙහිව ක්‍රීඩා ඇමැතිවරයා විනය පරීක්ෂණයක් කැඳවන්නේ නම් ඊට මුහුණදීමට සිය සංගමය සූදානම් බවත් සමස්ත ලංකා ක්‍රීඩා නිලධාරීන්ගේ සංගමයේ සභාපති රෝහණ ජයලාල් මහතා ලංකාදීපයට පැවසීය.

මාතර කොටවිලදී පැවති 43 වැනි ජාතික මහ ක්‍රීඩා උළෙලේ සමාප්ත උත්සවය වර්ජනය කරමින් ඊට සහභාගි වී සිටි ක්‍රීඩා නිලධාරීන් පිරිසක් පිටියේ කොණක එක්රැස්වී සිටීම සම්බන්ධයෙන් විනය පරීක්ෂණයක් කැඳවන ලෙස ක්‍රීඩා ඇමැති දයාසිරි ජයසේකර මහතා ක්‍රීඩා අමාත්‍යංශයේ ලේකම්වරයාට නියම කර තිබේ. ඒ පිළිබඳව ලංකාදීපයට අදහස් දැක්වූ රෝහණ ජයලාල් මහතා මෙසේ ද පැවසීය.

“ක්‍රීඩා අමාත්‍යංශයේ චක්‍රලේඛනයක හෝ වෙනත් කිසිදු ලියවිල්ලක ජාතික මහ ක්‍රීඩා උළෙලේ සමාප්ත උත්සවයට ක්‍රීඩා නිලධාරීන් සහභාගිවීම අනිවාර්යය කර නෑ. මේ සිදුවීමට පසුබිම්වූයේ ක්‍රීඩා සංවර්ධන දෙපාර්තමේන්තුවේ ක්‍රීඩා අධ්‍යක්ෂ ජනරාල්වරයා හා නියෝජ්‍ය ක්‍රීඩා අධ්‍යක්ෂ අයි.පී. විජේරත්න යන මහත්වරුන්ගේ ක්‍රියා කලාපයයි”

“රුමේෂිකා රත්නායක මීටර් 100 (කාන්තා) ඉසව්වෙන් අවසන් තරගයට කෙළින්ම සහභාගි කළාට අපේ ප්‍රශ්නයක් නෑ. හැබැයි අපි එතනදී අහන්නේ මේ වගේ අවස්ථාවක් ආසියානු ගෘහස්ථ ක්‍රීඩා උළෙලට ගොස් පැමිණි ඉඳුනිල් හේරත් ඇතුළු තවත් ක්‍රීඩක ක්‍රීඩිකාවන් කීපදෙනෙකු ඉල්ලා සිටියා. නමුත් ඔවුන්ට ඒ අවස්ථාව ලබා දුන්නෙ නෑ”

“ඒ නිසා ක්‍රීඩා නිලධාරීන්ගේ සංගමය ප්‍රශ්න කරන්නේ ක්‍රීඩා සංවර්ධන දෙපාර්තමේන්තුව රටේ ක්‍රීඩා නීතිය මේ විදියට දෙවිදියකට යොදාගන්න හදන්නෙ ඇයි කියලා. ඔය කියන ක්‍රීඩා සංවර්ධන දෙපාර්තමේන්තුවේ ප්‍රධානීන් කරලා තියෙන්නේ ක්‍රීඩාවේ පවතින යහගුණය විනාශ කිරීමයි. මේ විදියට කටයුතු කළොත් අපට නිහඬ විරෝධයෙන් ඔබ්බට යන්නට සිදුවේවි” යයිද රෝහණ ජයලාල් මහතා පැවසීය.

“ක්‍රීඩා ඇමැති දයාසිරි ජයසේකර මහතාට අපේ සංගමයේ කිසිදු විරෝධයක් නෑ. ඉදිරියටත් එතුමා සමග අප සහයෝගයෙන් වැඩ කරනවා. නමුත් විනය පරීක්ෂණයක් තිබ්බොත් ඊට මුහුණ දෙන්නත් අපේ සංගමය සූදානම් වෙලා ඉන්නවා.” යයිද හෙතෙම පැවසීය.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකා නැඟී එන පිලට දැවැන්ත ජයක් ...
2018-08-09 10:05:34
දිමුත් කරුණාරත්න (125) සහ සධීර සමරවික්‍රමගේ (141) විශිෂ්ට පිතිහරඹයත්, නිෂාන් පීරිස්ගේ (36/5) විශිෂ්ට පන්දු යැවීමත් හමුවේ සංචාරක දකුණු ...
අකිල ධනංජය දකුණු අප්‍රිකාව වනසයි...
2018-08-12 21:20:44
කොළඹ ආර්. ප්‍රේමදාස ක්‍රීඩාංගණයේදී අද (12 වැනිදා) පැවැති  පස්වැනි සහ අවසන් එක්දින තරගයේදී අකිල ධනංජය (29/6) කළ අති විශිෂ්ට පන...
ශ්‍රී ලංකා නැඟී එන කණ්ඩායම තරගාවලිය ජයගනී...
2018-08-11 18:00:13
චරිත් අසලංක (69), කමිඳු මෙන්ඩිස් (54) සහ අසේල ගුණරත්නගේ (57) පිතිහරඹයන් හමුවේ දකුණු අප්‍රිකානු නැඟී එන කණ්ඩායමට එරෙහිව රංගිරි දඹුල්ල ජ...
චන්දිමාල් ශ්‍රී ලංකාව ජයටැඹ කරා ගෙනයයි...
2018-08-14 20:09:14
ඉතා තියුණු තරගයකින් අනතුරුව දකුණු අප්‍රිකානු කණ්ඩායමට එරෙහිව කොළඹ ආර්. ප්‍රේමදාස ක්‍රීඩාංගණයේදී අද (14 වැනිදා) පැවැති විස්සයි2...