. ලක්ෂ්මි ආපසු එයි | කෙළිමඬල
2018 අගෝස්තු මස 16 වැනි බ‍්‍රහස්පතින්දා
ලක්ෂ්මි ආපසු එයි
2017-09-29 20:29:29 | නාමල් පතිරගේ

ශ්‍රී ලංකා දැල්පන්දු සම්මේලනයේ නිලධාරි මණ්ඩලය සම්පූර්ණ කර ගැනීම සඳහා ජාතික ක්‍රීඩා විද්‍යායතන ශ්‍රවණාගාරයේදී අද (29) පැවැති එහි විශේෂ මහ සභා රැස්වීමේදී උපසභාපති ධුරය සඳහා දැල්පන්දු සම්මේලනයේ හිටපු සභාපතිනියක් වන ලක්ෂ්මි වික්ටෝරියා මහත්මිය වැඩි ඡන්දයෙන් තේරී පත්වූවාය.

එහිදී එම ධුරය පිරවීම සඳහා පැවැති ඡන්ද විමසුමේදී ඇය ඡන්ද 19 ක් ලබාගත් අතර ඊට තරග වැදුණු ශාමෙන් දිල්ෂියා ක්‍රිස්ටින් ඇලෝසියස් මහත්මිය ලබා ගත්තේ ඡන්ද 13 ක් පමණි.

භාණ්ඩාගාරික ධුරය සඳහා පැවැති ඡන්ද විමසුම උණුසුම් මුහුණු වරක් ගත් අතර එහිදී ඒ.එම්.පී. නිලන්ති මහත්මිය පද්මිණි ජයන්තා හොරණගේ මහත්මිය පරාජය කරමින් (ඡන්ද 17-15) එම ධුරයට පත්වූවාය. ඊයේ පැවැති විශේෂ මහා සභා රැස්වීමේදී පුෂ්පා එලුවාවිල මහත්මිය උපභාණ්ඩාගාරික ධුරයට පත්වූයේද වැඩි ඡන්ද දෙකකිනි. කේ.එම්. නිමාලි ශ්‍රී ද සිල්වා මහත්මිය ඇය සමග තරග වැදුණු ප්‍රතිවාදිනියයි. 17-15ක් ලෙස එම ඡන්ද විමසුමද නිමාවට පත්විය.

මැයි 18 වැනිදා පැවැති දැල්පන්දු සම්මේලනයේ නිලවරණයේදී ඉදිරිපත්වූ විරෝධතා හමුවේ එහිදී ඉහත තනතුරු පිරවීම අත්හිටුවීමට සිදුවිය. ඊයේ පැවැති විශේෂ මහ සභා රැස්වීමට කළුතර හා පාසල් යන අනුබද්ධ දැල්පන්දු සංගම් දෙක හැරෙන්නට සෙසු අනුබද්ධ සංගම් 30ක නියෝජිතවරියෝ සහභාගි වූහ.

මඩකළපුව සංගමයට එරෙහිව ඉදිරිපත්වූ විරෝධතාවයන් නිලවරණ කමිටුව ප්‍රතික්ෂේප කරනු ලැබීය. සජිත් ජයලාල්, ඒ. එස්. නාලක, අප්සරා කල්දේරා යන මහත්ම මහත්මීහු නිලවරණ මෙහෙයුම් කමිටුවේ සාමාජිකයෝ ලෙස කටයුතු කළහ.

සභාවේ ඒකමතික කැමැත්ත ලැබීමෙන් පසුව නිලවරණයේ ඡන්ද විමසුම රහස් ඡන්දයක් මගින් පැවැත්වීමට තීරණය විය. ඊයේ පැවැති විශේෂ මහ සභා රැස්වීම වඩාත් සාමකාමීව පවත්වා අවසන් කිරීමට හැකිවූ බව නිලවරණ මෙහෙයුම් කමිටුවේ සාමාජික ශ්‍රී ලංකා වොලිබෝල් සම්මේලනයේ ලේකම් ඒ.එස්. නාලක මහතා ලංකාදීපට පැවැසීය.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකා නැඟී එන පිලට දැවැන්ත ජයක් ...
2018-08-09 10:05:34
දිමුත් කරුණාරත්න (125) සහ සධීර සමරවික්‍රමගේ (141) විශිෂ්ට පිතිහරඹයත්, නිෂාන් පීරිස්ගේ (36/5) විශිෂ්ට පන්දු යැවීමත් හමුවේ සංචාරක දකුණු ...
අකිල ධනංජය දකුණු අප්‍රිකාව වනසයි...
2018-08-12 21:20:44
කොළඹ ආර්. ප්‍රේමදාස ක්‍රීඩාංගණයේදී අද (12 වැනිදා) පැවැති  පස්වැනි සහ අවසන් එක්දින තරගයේදී අකිල ධනංජය (29/6) කළ අති විශිෂ්ට පන...
ශ්‍රී ලංකා නැඟී එන කණ්ඩායම තරගාවලිය ජයගනී...
2018-08-11 18:00:13
චරිත් අසලංක (69), කමිඳු මෙන්ඩිස් (54) සහ අසේල ගුණරත්නගේ (57) පිතිහරඹයන් හමුවේ දකුණු අප්‍රිකානු නැඟී එන කණ්ඩායමට එරෙහිව රංගිරි දඹුල්ල ජ...
චන්දිමාල් ශ්‍රී ලංකාව ජයටැඹ කරා ගෙනයයි...
2018-08-14 20:09:14
ඉතා තියුණු තරගයකින් අනතුරුව දකුණු අප්‍රිකානු කණ්ඩායමට එරෙහිව කොළඹ ආර්. ප්‍රේමදාස ක්‍රීඩාංගණයේදී අද (14 වැනිදා) පැවැති විස්සයි2...