. මිල නියම කළත් වාර්තා පොත වැහිලා | කෙළිමඬල
2018 සැප්තැම්බර් මස 25 වැනි අගහරුවාදා
මිල නියම කළත් වාර්තා පොත වැහිලා
2017-09-30 12:37:13 | නාමල් පතිරගේ අනුරාධපුරයේ සිට

අනුරාධපුර පළාත් ක්‍රීඩා සංකීර්ණයේදී දැන් පැවැත්වෙන 29 වැනි ජාතික යොවුන් ක්‍රීඩා උළෙලේ මලල ක්‍රීඩා නව තරග වාර්තා සඳහා මිලක් නියම කර තිබියදීත් ඊයේ (29) දෙවැනි දිනය නිමාවනවිටත් එහි මලල ක්‍රීඩා තරගාවලියේදී කිසිදු නව වාර්තාවක් බිහිවී නොතිබීම කැපීපෙණුනි. ඒ වනවිට පවත්වා අවසන් කර තිබූ ජවන හා පිටිය ඉසව් ගණන 47කි.

තරගාවලියේ අවසන් දිනය වන අද (30 වැනිදා) පැවැත්වීමට ඉතිරිව තිබෙන ජවන හා පිටියේ ඉසව් ගණන 17 කි.
ජාතික යොවුන් ක්‍රීඩා උළෙලේ ජවන හා පිටිය ඉසව් මුළුගණන 64 ක් වන අතර  එසේ වීමට හේතුව වයස 20 න් පහළ හා 20 න් ඉහළ පරිදි කාන්තා හා පිරිමි ඉසව් ප්‍රධාන කාණ්ඩ දෙකකින් සමන්විතව තරග පැවැත්වීමයි.

කෙසේ වුවත් මෙම ක්‍රීඩා උළෙලේදී තරග සංවිධායකයන් දක්‍ෂතා  දක්වන ක්‍රීඩක ක්‍රීඩිකාවන්ට තෑගි කන්දරාවක් පිරිනැමීමට පියවර ගෙන තිබේ.

දක්‍ෂතම ක්‍රීඩක ක්‍රීඩිකාවන් සිව්දෙනකුට යතුරුපැදි හා ස්කූටර පැදි හතරක් ප්‍රදානය කිරීමට අමතරව මෙවර මලල ක්‍රීඩා නව තරග වාර්තාවකට රුපියල් 10,000 ක් හා නව ශ්‍රී ලංකා වාර්තාවකට රුපියල් 50,000 ක් බැගින් ප්‍රදානය කිරීමට ජාතික තරුණ සේවා සභාව සුදානමින් සිටින බව එහි ප්‍රචාරක නිලධාරි අනිල් සිරිවර්ධන මහතා ‘ලංකාදීප’යට පැවසීය.

 බදුල්ල වින්සන්ට් ඩයස් පිටියේදී පැවැති පසුගිය ක්‍රීඩා උළෙලේදී මලල ක්‍රීඩා ඉසව්හි නව වාර්තා  11 ක් සටහන් වී තිබේ. මීට පෙර මෙරට ප්‍රධාන පෙළේ මලල ක්‍රීඩා තරගාවලි ගණනාවක් අනුරාධපුරය පළාත් ක්‍රීඩා සංකීර්ණය ලෙස පසුව නවීකරණය වූ අනුරාධපුර මහජන ක්‍රීඩාංගණයේදී බිහිවී තිබේ.

 කෙසේ වුවත් කඩතොළුවලින් ගහන එම තණ කොළ සහිත ධාවන පථයේදී නව තරග වාර්තාවලට යාම බෙහෙවින් දුෂ්කර බව තරග වැදුණු ක්‍රීඩක ක්‍රීඩිකාවෝ පිරිසක් ‘ලංකාදීප’යට පැවසූහ.

 එහෙත් මීටර 400 - වයස 20න් ඉහළ කාන්තා තරගය ජයගත් බදුල්ලේ එම්.ඕ. උදයංගනී තත්ත්පර 59.53 කට එය නිමා කළාය. එහි තරග වාර්තාව තත්ත්පර 54.31 කි. මීටර 400  වයස 20න් පහළ ඉසව්ව තත්ත්පර 49.61 කට ජය ගත්තේ කුරුණෑගල කේ.පී. නිතූය. එහි වාර්තාවේ වත්මන් කාලය තත්ත්පර 48.67 කි.

ජාතික ක්‍රීඩිකා රුමේෂිකා රත්නායක තරග වදින මීටර 100 - වයස 20න් ඉහළ කාන්තා ඉසව්වේ අවසන් තරගයද අද පැවැත්වීමට නියමිතව ඇත.

ඊයේ පැවති ක්‍රීඩා උළලේ කණ්ඩායම් ඉසව්හිදී වොලිබෝල් (කාන්තා) ඉසව්වේ අවසන් තරගයේදී වට 3-0 කින් ත්‍රිකුණාමල කණ්ඩායම පරාජය කිරීමට කුරුණෑගල කණ්ඩායම සමත්විය. ලකුණු තත්ත්වය 25/18, 25/15, 25/17කි.

ලකුණු 25/20,  25/17 හා 25/23 කින්  කෑගල්ල කණ්ඩායම පරාජය කරමින් මෙවර පිරිමි වොලිබෝල් රන්පදක්කම දිනාගැනීමට ගම්පහ දිස්ත්‍රික් ක්‍රීඩකයෝ සමත් වූහ.

29 වැනි යොවුන් ක්‍රීඩා උළෙල අද පස්වරු 3.30 ට පැවැත්වෙන සමාප්ත උත්සවයෙන් නිමාවට පත්වේ. ක්‍රීඩා උළෙලේ දින දෙකක් අවසානයේදී ගම්පහ දිස්ත්‍රික්කය ලකුණු 89ක් ලබා ලකුණු සටහනේ පෙරමුණේ පසුවිය.

එහිදී කුරුණෑගල දිස්ත්‍රික්කය ලකුණු 79 ක් ලබා දෙවැනි තැනට පත්ව සිටී. පසුගිය ක්‍රීඩා උළෙලේදී අටවැනි ස්ථානයේ පසුවූ කෑගල්ල දිස්ත්‍රික්කය ඒ වනවිට ලකුණු 69ක් ලබා තෙවැනි ස්ථානය දක්වා ඉහළට පැමිණ තිබීම කැපී පෙනේ.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකාව ආසියානු කුසලාන තරගාවලියෙන් ඉවතට...
2018-09-18 00:20:17
ආසියානු කුසලාන ක්‍රිකට් තරගාවලියේ තෙවැනි තරගය ලෙස ශ්‍රී ලංකාව සහ ඇෆ්ගනිස්ථානය අතර අබුඩාබිහි ශෙයික් සයිඞ් ක්‍රීඩාංගණයේදී අද (17...
කුසල් මෙන්ඩිස්ගේ භූමිකාව සොයමු...
2018-09-20 14:43:14
පිටිය සිසාරා පහර එල්ල කරමින් ලකුණු ලබාගත හැකි මනා තාක්ෂණයකින් යුත් අග්‍රගණයේ පිතිකරුවකු ලෙස කුසල් මෙන්ඩිස් හැඳින්විය හැකිය. ඒ හේතුව නි...
තිලකරත්න ඩිල්ෂාන් ...
2018-09-20 13:16:06
“මම යුනිචෙලා පිලට සෙල්ලම් කරන නිසා මම කොහොමත් පුහුණුවීම් කරනවා.  “මම ක්‍රීඩාවෙන් අයින් වුණේ 2019 ලෝක කුසලාන තරගාවලිය සම්පූර්...
මැතිව්ස් අවදානම් අඩවියක...
2018-09-23 20:39:36
ක්‍රීඩකයකු වශයෙන් අසාර්ථක වෙමින් සිටින ඇන්ජලෝ මැතිව්ස්ට තවදුරටත් කණ්ඩායමේ නායකයාගේ ස්ථානයේ රැඳී සිටි හැකිද යන ප්‍රශ්නයේ හඬ එන්න එන...
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...
තිලකරත්න ඩිල්ෂාන් ...
ඇත්තටම හොඳයි... වැඩක් ගන්න පුළුවන් කෙනෙක්... ...