. මැතිව්ස්ට දෙවැනි ටෙස්ට් තරගයත් අහිමිවෙයි | කෙළිමඬල
2018 ජූනි මස 19 වැනි අගහරුවාදා
මැතිව්ස්ට දෙවැනි ටෙස්ට් තරගයත් අහිමිවෙයි
2017-10-01 15:27:26 | .

සිය දකුණු පාදයේ බත්කෙණ්ඩ මස්පිඬුවේ ආබාධයකට ලක්ව සිටින ශ්‍රී ලංකා පිලේ හිටපු නායක ඇන්ජලෝ මැතිව්ස් මේ වන තෙක් අපේක්‍ෂිත සුවය නොලැබීම හේතුවෙන් ඔහුට දෙවැනි ටෙස්ට් තරගයත් අහිමි වනු ඇතැයි වාර්තා වේ.

පාදයේ ආබාධයට ලක්වීම හේතුවෙන් ශ්‍රී ලංකාව සහ පාකිස්තානය අතර මේ දිනවල අබුඩාබිහිදී පැවැත්වෙන පළමු ටෙස්ට් තරගය ඔහුට අහිමි විය.

ශ්‍රී ලංකාව සහ පාකිස්තානය අතර දෙවැනි ටෙස්ට් තරගය මේ මස 6 වැනිදා ඩුබායිහිදී ආරම්භ වීමට නියමිත අතර එය දිවා/රාත්‍රී තරගයකි.

“මා හිතන්නේ නෑ දෙවැනි ටෙස්ට් තරගයේදී කණ්ඩායමට එකතු වෙන්න මට අවස්ථාව ලැබෙයි කියලා....පසුගිය සතිය ඒ තරම් හොඳින් ගෙවුණේ නෑ. ඒ නිසා ශාරීරික යෝග්‍යතා පරීක්‍ෂණයට ඉස්සෙල්ලා මම මගේ ආබාධය සනීප කරගන්න ඕනෑ” යයි ඇන්ජලෝ මැතිව්ස් ‘සන්ඬේ ටයිම්ස්’ පුවත් පතට පවසා තිබිණ.

දක්‍ෂ තුන් ඉරියව් ක්‍රීඩකයකු වන නමුත් මැතිව්ස් ශාරීරික ආබාධ සම්බන්ධයෙන් දීර්ඝ ඉතිහාසයක් ඇති ක්‍රීඩකයෙකි. 2011 ලෝක කුසලාන තරගාවලියේ අවසන්  තරගයද මැතිව්ස්ට අහිමි වූයේ පාදයේ ආබාධයක් හේතුවෙනි. මේ වසරේ මුලදී පැවැති දකුණු අප්‍රිකානු සංචාරයේදීත් පාදයේ ආබාධයකට ලක්වූ මැතිව්ස් ජූනි මාසය වනතෙක් ක්‍රිකට් පිටියෙන් ඈත්ව සිටියේය.

දිගින් දිගටම ඇතිවන ශාරීරික ආබාධ හේතුවෙන් මැතිව්ස්ගේ කාර්යභාරය මේ වන විට බොහෝසේ සීමා වී තිබේ. ටෙස්ට් තරග වලදී පිතිකරුවකු ලෙසින් පමණක් ක්‍රීඩා කරන ඇන්ජලෝ මැතිව්ස් එක්දින සහ විස්සයි-20 තරග වලදී පමණක් ඕවර කිහිපයක් යවයි.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකාව පසු පාදයේ ඇරඹුමක...
2018-06-13 19:08:48
පළමු තරගයේදී ලද ඛේදජනක පරාජයෙන් පසුව දෙවැනි තරගයේදී හිස ඔසවන්නේ කෙසේද යන්න සිතමින් සිටි ශ්‍රී ලංකා පිලට වැදුණේ තවත් මරු පහරකි. දෙවැනි ...
මැතිව්ස් - ගමගේ ආපසු එති...
2018-06-13 11:32:59
හිටපු ටෙස්ට් ක්‍රිකට් නායක මෙන්ම කණ්ඩායමේ සිටින ජ්‍යෙෂ්ඨ පිතිකරුවකු වන ඇන්ජලෝ මැතිව්ස් සහ වේගපන්දු යවන ක්‍රීඩක ළහිරු ගමගේ...
පළමු සිවුදින තරග දෙකේ නායකත්වය දිමුත්ට...
2018-06-12 16:34:10
මේ මස 23 වැනිදා බංග්ලාදේශය බලා පිටත්ව යෑමට නියමිත 15 දෙනෙකුගෙන් සමන්විත ශ්‍රී ලංකා ‘ඒ’ කණ්ඩායමේ නායකත්වයට ටෙස්ට් පිතිකරු ද...
පන්දුව මාරු කිරීමෙන් අනපේක්ෂිත අර්බුදයක්...
2018-06-16 22:16:33
පන්දුව පළුඳු කිරීම පිළිබඳ සැකයක් සහ පන්දුව මාරු කිරීම සම්බන්ධ සිදුවීමක් හේතුවෙන් සංචාරක ශ්‍රී ලංකා කණ්ඩායම සහ බටහිර ඉන්දීය කොදෙව් කණ්ඩ...