. හේරත් - ඩිල්රුවන් ශ්‍රී ලංකාව දිනවති | කෙළිමඬල
2018 සැප්තැම්බර් මස 26 වැනි බදාදා
හේරත් - ඩිල්රුවන් ශ්‍රී ලංකාව දිනවති
2017-10-02 16:30:48 | .

ක්‍රිකට් ක්‍රීඩාවේ අවිනිශ්චිත ස්වභාවය මේ යයි කදිමට කියා දුන් රංගන හේරත් සහ ඩිල්රුවන් පෙරේරා ප්‍රමුඛ ශ්‍රී ලංකා පන්දු යවන්නෝ අබුඩාබි නුවරදී පැවැති පළමු ටෙස්ට් තරගයේදී ලකුණු 21 ක ජයක් කරා ශ්‍රී ලංකා පිල කැඳවාගෙන ගියහ.

තරගයේ අවසන් දිනය වූ අද (2 වැනිදා) ලකුණු 136 ක පහසු ඉලක්කයක් කරා යමින් සිටි පාකිස්තානු කණ්ඩායමේ දෙවැනි ඉනිම ලකුණු 114 කට සීමා කළ රංගන හේරත් සිය 400 වැනි ටෙස්ට් කඩුල්ලෙන් ශ්‍රී ලංකාවේ ජයග්‍රහණයද සනිටුහන් කළේය.

මෙම ජයත් සමගින් 1-0 ක් ලෙසින් තරගාවලියේ පෙරමුණට පැමිණි ශ්‍රී ලංකා කණ්ඩායම ටෙස්ට් තරගාවලියේදී පරාජය නොවන ස්ථානයකට පැමිණ සිටී.

ලකුණු සංඛ්‍යාව 111 ක්ව තිබියදී ඩිල්රුවන් පෙරේරා යැවූ පන්දුවක් හමුවේ යසීර් ෂා ගෙන් උඩපන්දුවක් ලැබීමත් සමගම පාකිස්තානු දෙවැනි ඉනිම නිමාවූයේ යයි ප්‍රීතියෙන් ඉපිළ ගිය ශ්‍රී ලංකා ක්‍රීඩකයෝත් පුහුණුකරුවෝත් සතුට සමරන්නට වූහ. එහෙත් එය නිපන්දුවක් වූයෙන් පාකිස්තානු පිලට තවත් ලකුණක් එක්වූ අතර නැවතත් තරගය ආරම්භ කිරීමට සිදුවිය. එහෙත් ඊළඟ ඕවරයේදී රංගන හේරත්ගේ පන්දුවක් මොහොමඞ් අබ්බාස්ගේ පා ආවරණයේ වැදීමත් සමගින් පාකිස්තානු උත්සාහය නිමා විය.

ශ්‍රී ලංකාව වෙනුවෙන් වැඩිම ටෙස්ට් කඩුලු දවාගත් පන්දු යවන්නන් අතර දෙවැනි ස්ථානයට පත්ව සිටින රංගන හේරත් ටෙස්ට් කඩුලු 400 ක් දවාගත් ලෝකයේ පළමුවැනි වමත් දඟ පන්දු යවන්නා ලෙසින්ද ක්‍රිකට් ඉතිහාසයට එක්විය. ලෝකයේ වැඩිම ටෙස්ට් කඩුලු දවාගත් පන්දු යවන්නා වන මුත්තයියා මුරලිදරන් ශ්‍රී ලංකාව වෙනුවෙන් ටෙස්ට් කඩුලු 795 ක්ද ලෝක කණ්ඩායම වෙනුවෙන් කඩුලු 5 ක් ද දවාගෙන තිබේ. ටෙස්ට් තරග 84 කට ක්‍රීඩා කර ඇති රංගන හේරත් පාකිස්තානු පිලට එරෙහිව දවාගත් ටෙස්ට් කඩුලු සංඛ්‍යාව 101 කි.

පාකිස්තානු දෙවැනි ඉනිම ආරම්භ වීමත් සමගම පන්දුව අතට ගත් රංගන හේරත් සිය දෙවැනි ඕවරයේදීම වැඩ ඇල්ලීය. 395 වැනි ටෙස්ට් කඩුල්ල සටහන් කරමින් සාමි අස්ලම් පිටියෙන් ඉවත් කළ වමත් දඟ පන්දු යවන්නා අසාඞ් ශෆීක් පිටියෙන් ඉවත් කිරීමට යැවූයේ විස්මිත පන්දුවකි. ශෆීක්ගේ පිත්තෙන් ඇදී ගිය උඩපන්දුව රැකගැනීමත් සමගින් පාකිස්තානු පිලේ පස්වැනි කඩුල්ලත් ලකුණු 36 දී බිඳ වැටුණද කෝඩුකාරයට එක්වූ නායකයා ලකුණු සංඛ්‍යාව 78 ක් දක්වා කණ්ඩායම තල්ලු කරගෙන ගියේය.

හේරත්ගේ පන්දුවක් හමුවේ ස්ටම්ප් කිරීමකට හසුවූ අර්ෆ්‍රාස්ගේ දැවීයාමත් පාකිස්තානයේ පරාජයත් අතර තිබුණේ ලකුණු 36 ක් පමණි. රංගන හේරත් සහ ඩිල්රුවන් දෙදෙනා හමුවේ පාකිස්තානු පිතිකරුවන් කෙතරම් සසළ වී සිටියේද යත් ඉනිමේ පළමු හතරේ පහර ගැසීමට ඕවර 26 ක් බලා සිටීමට ඔවුන්ට සිදුවිය.

ශ්‍රී ලංකා දෙවැනි ඉනිමේ අවසන් කඩුලු හයම ඕවර 26 ක් තුළදී බිම දැමූ පාකිස්තානුවෝ ජයග්‍රහණය සඳහා ලකුණු 136 ක පහසු ඉලක්කයක් සකස්කර ගත්හ. තරගයේ සිවුවැනි දිනය වූ ඉරිදා සවස ක්‍රීඩාව නතර කරන විට ශ්‍රී ලංකා කණ්ඩායම කඩුලු 4 ක් දැවී ලකුණු 69 ක් ලබා සිටි අතර අද පෙරවරුවේදී ලකුණු 69 ක් ඇතුළත ඉතිරි කඩුලු හයම අහිමි කරගත්තේය. එකොළොස්වැනි වතාවටත් ටෙස්ට් ඉනිමකදී කඩුලු 5 ක් දවාගත් යසීර් ෂා (51/5) ශ්‍රී ලංකා ඉනිමේ විනාශකාරයා විය.

 

 

ශ්‍රී ලංකා - පාකිස්තානු පළමු ටෙස්ට් තරගයේ විශේෂ අවස්ථා...

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
කුසල් මෙන්ඩිස්ගේ භූමිකාව සොයමු...
2018-09-20 14:43:14
පිටිය සිසාරා පහර එල්ල කරමින් ලකුණු ලබාගත හැකි මනා තාක්ෂණයකින් යුත් අග්‍රගණයේ පිතිකරුවකු ලෙස කුසල් මෙන්ඩිස් හැඳින්විය හැකිය. ඒ හේතුව නි...
තිලකරත්න ඩිල්ෂාන් ...
2018-09-20 13:16:06
“මම යුනිචෙලා පිලට සෙල්ලම් කරන නිසා මම කොහොමත් පුහුණුවීම් කරනවා.  “මම ක්‍රීඩාවෙන් අයින් වුණේ 2019 ලෝක කුසලාන තරගාවලිය සම්පූර්...
මැතිව්ස් අවදානම් අඩවියක...
2018-09-23 20:39:36
ක්‍රීඩකයකු වශයෙන් අසාර්ථක වෙමින් සිටින ඇන්ජලෝ මැතිව්ස්ට තවදුරටත් කණ්ඩායමේ නායකයාගේ ස්ථානයේ රැඳී සිටි හැකිද යන ප්‍රශ්නයේ හඬ එන්න එන...
ඇෆ්ඝනිස්තානයට ලකුණු 136 ක ජයක්...
2018-09-20 21:20:50
  ආසියානු ක්‍රිකට් තරගාවලියේ හයවැනි තරගය ලෙස බංග්ලාදේශ සහ ඇෆ්ඝනිස්තාන් කණ්ඩායම් අතර අබුඩාබී ජාත්‍යන්තර ක්‍රිකට් ක...
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...
තිලකරත්න ඩිල්ෂාන් ...
ඇත්තටම හොඳයි... වැඩක් ගන්න පුළුවන් කෙනෙක්... ...