. සමස්ත ලංකා පාසල් ක්‍රීඩා උළෙල ඇරඹෙයි | කෙළිමඬල
2018 අපේ‍්‍රල් මස 26 වැනි බ‍්‍රහස්පතින්දා
සමස්ත ලංකා පාසල් ක්‍රීඩා උළෙල ඇරඹෙයි
2017-10-02 20:04:53 | ශානුක අරවින්ද

තිස් තුන්වැනි සමස්ත ලංකා පාසල් ක්‍රීඩා උළෙල අගමැති රනිල් වික්‍රමසිංහ මහතාගේ ප්‍රධානත්වයෙන් කොළඹ රාජකීය විද්‍යාලයීය ක්‍රීඩා සංකීර්ණයේදී නිල වශයෙන් අද (2 වැනිදා) ආරම්භ විය. එම  අවස්ථාවට අධ්‍යාපන ඇමැති අකිල විරාජ් කාරියවසම් මහතා සහ පළාත් ක්‍රීඩා අධ්‍යක්ෂවරු රැසක්ද සහභාගි වූහ.

මෙම තරගාවලිය යටතේ අද සිට දින 14 ක් පුරා (15 වැනිදා දක්වා) ස්ථාන 42 කදී තරග පැවැත්වේ. ක්‍රීඩා උළෙලට ක්‍රීඩා ඉසව් 28 ක් සඳහා තරග පැවැත්වෙන අතර ඊට ශිෂ්‍ය ශිෂ්‍යාවෝ 38,000 ක් පමණ සහභාගි වීමට නියමිතය. මෙවර ක්‍රීඩා උළෙලට වෙරළ වොලිබෝල් සහ රගර් යන ක්‍රීඩා අලුතින් එක් කිරීමට සංවිධායකයෝ පියවර ගෙන තිබේ.

බැඞ්මින්ටන්, චෙස්, දැල්පන්දු, පිහිනුම්, ඒරොබික් ජිම්නාස්ටික්, කරාටේ, කබඩි, කැරම්, ශාරීරික අභ්‍යාස, ත්‍රෝ බෝල්, මල්ලවපොර, අර්ධ මැරතන්, පාපන්දු, පැසිපන්දු, හොකී, ක්‍රිකට්, බර එසවීම, පාපැදි, ටයිකොන්ඩෝ, මලල ක්‍රීඩා, බොක්සිං, වොලිබෝල්, ජිම්නාස්ටික්, ජූඩෝ, මේසපන්දු, එල්ලේ, වෙරළ වොලිබෝල් සහ රගර් මෙවර ක්‍රීඩා උළෙලේදී පැවැත්වෙන ක්‍රීඩා 28 යි.

අද පැවැති සමාරම්භක උළෙල සඳහා පළාත් 9 නියෝජනය කරමින් ක්‍රීඩක ක්‍රීඩිකාවෝ 9000 ක් පමණ සහභාගි වූහ. බම්බලපිටිය ශාන්ත පීතර විදුහලේ අකලංක පීරිස් (පිහිනුම් ක්‍රීඩක) සහ ශුද්ධ වූ පවුලේ කන්‍යාරාමයේ හසිනි ප්‍රබෝධා (තුන් පිම්ම ක්‍රීඩිකා) ක්‍රීඩා උළෙලේ ගිණිසිළුව දල්වූහ. එහිදී ක්‍රීඩක ක්‍රීඩිකාවන් වෙනුවෙන් ක්‍රීඩා ප්‍රතිඥාව කියවන ලද්දේ කොළඹ විශාකා විදුහලේ දැල්පන්දු ක්‍රීඩිකාවන වන මෙලෝනි අමා විජේසිංහ විසිනි.

ක්‍රීඩා උළෙලේ සමාප්ති උත්සවය ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් ලබන 15 වැනිදා දියගම, මහින්ද රාජපක්ෂ ක්‍රීඩාංගණයේදී පැවැත්වේ.

 

- 100

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ගේල්ගේ ශතකය පංජාබ් පිලට ජය ගෙනෙයි...
2018-04-19 20:30:02
ක්‍රිස් ගේල්ගේ (නොදැවී 104) විශිෂ්ට පිතිහරඹය හමුවේ අයි.පී.එල් ක්‍රිකට් තරගාවලියේ 16 වැනි තරගය ලෙස කිංග්ස් XI පන්ජාබ් කණ්ඩායම සහ සන...
තිසර පෙරේරා ලෝක කණ්ඩායමට...
2018-04-20 17:54:03
බටහිර ඉන්දීය කොදෙව් කණ්ඩායම හා ලෝක විස්සයි-20 කණ්ඩායම අතර මැයි 31 වැනිදා ලෝඞ්ස්හීදී පැවැත්වීමට නියමිත විස්සයි-20 තරගය සදහා ක්‍රීඩා කිර...
මෙල්බර්න් ගිහින් ගෙනා සල්ලි පිල්ලි ගියාද...
2018-04-24 21:26:25
ඕස්ට්‍රේලියාවේ ගෝල්ඞ් කෝස්ට්හිදී පැවැති පොදු රාජ්‍ය මණ්ඩලීය ක්‍රීඩා උළෙලට සහභාගි වූ ශ්‍රී ලංකා මේසපන්දු කණ්ඩායම එම තරගාවලි...
රාජස්ථාන් පිල කඩුලු 3 කින් ජය ගනියි...
2018-04-22 22:13:33
ඉන්දීය ප්‍රිමියර් ලීග් තරගාවලියේ (2018) 21 වැනි තරගය ලෙස රාජස්ථාන් රෝයල්ස් කණ්ඩායම සහ මුම්බායි ඉන්දියන්ස් කණ්ඩායම අතර ජායිපූර්හිදී අද ...