. ඇලිස් ආදිත්‍යාගේ ගමනට හරස් වෙයි | කෙළිමඬල
2018 අපේ‍්‍රල් මස 26 වැනි බ‍්‍රහස්පතින්දා
ඇලිස් ආදිත්‍යාගේ ගමනට හරස් වෙයි
2017-10-04 18:29:33 | ශානුක අරවින්ද

ශ්‍රී ලංකා ටෙනිස් සංගමය සංවිධානය කරන ඇස්ටෝරියා කාන්තා ටෙනිස් තරාගවලියේ දෙවැනි වටයේ තරගයකදී ශ්‍රී ලංකාවේ ආදිත්‍යා කරුණාරත්නට එරෙහිව වට 2-1 ක ජයක් අත්කර ගැනීමට මහා බ්‍රිතාන්‍යයේ ඇලිස් ගිලෑන් සමත් වූවාය.

කොළඹ ටෙනිස් සංගම් මූලස්ථාන ක්‍රීඩාංගණයේදී අද (04 වැනිදා) පැවැති මෙම දෙවැනි වටයේ තරගයේදි පළමු වටය ලකුණු 6/4 ක් ලෙස ජයගනිමින් ඇලිස් ගිලෑන් සාර්ථක ආරම්භයක් ලබාගත්ද, දෙවැනි වටය ලකුණු 6/4 ක් ලෙස ජයගත් ආදිත්‍යා කරුණාරත්න වට 1-1 ක් ලෙස තරගය සම තත්ත්වයට පත් කළාය. කෙසේ වුවත් දෙදෙනාටම තීරණාත්මක වූ තෙවැනි වටය ලකුණු 6/4 ක් ලෙස ජයගත් ඇලිස් ගිලෑන්, වට 2-1 ක් ලෙස සමස්ත තරගයේ ජය තමන් සතුකර ගත්තාය.

මූලික වටයේ තරගයදී කාම්බෝජයේ ඇන්ඩ්‍රියා කා වට 2-0 ක් ලෙස පරාජය කරමින් ආදිත්‍යා තරගාවලියේ දෙවැනි වටයට සුදුසුකම් ලබාගත්තාය. එම තරගයේ පළමු වටය ලකුණු 6-0 ක් ලෙස ජයගැනීමට ආදිත්‍යා සමත් වූ අතර දෙවැනි වටයේදී ලකුණු 3-0 ක් ලෙස ආදිත්‍යා ඉදිරියෙන් සිටියදී ඇන්ඩ්‍රියා තරගයෙන් ඉවත්වීම නිසා ආදිත්‍යාට වට 2-0 ක ජයක් හිමි විය.

මෙම තරගාවලියේ මූලික වටය යටතේ පැවැති තවත් තරගයකදී ඊශ්‍රාලයේ තමාරා බරාද් හමුවේ වට 2-0 ක් ලෙස (6-0, 6-0) පරාජය වීම නිසා ශ්‍රී ලංකා ක්‍රීඩිකා රොෂෙන්කා ප්‍රනාන්දුට තරගාවලියෙන් ඉවත් වීමට සිදුවිය.  

ශ්‍රී ලංකා ටෙනිස් සංගම් මූලස්ථාන ක්‍රීඩාංගණයේදී පැවැත්වෙන මෙම තරගාවලිය සඳහා රටවල් 16 ක් නියෝජනය කරමින් ක්‍රීඩිකාවෝ 50 ක් පමණ සහභාගි වී සිටිති.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ගේල්ගේ ශතකය පංජාබ් පිලට ජය ගෙනෙයි...
2018-04-19 20:30:02
ක්‍රිස් ගේල්ගේ (නොදැවී 104) විශිෂ්ට පිතිහරඹය හමුවේ අයි.පී.එල් ක්‍රිකට් තරගාවලියේ 16 වැනි තරගය ලෙස කිංග්ස් XI පන්ජාබ් කණ්ඩායම සහ සන...
තිසර පෙරේරා ලෝක කණ්ඩායමට...
2018-04-20 17:54:03
බටහිර ඉන්දීය කොදෙව් කණ්ඩායම හා ලෝක විස්සයි-20 කණ්ඩායම අතර මැයි 31 වැනිදා ලෝඞ්ස්හීදී පැවැත්වීමට නියමිත විස්සයි-20 තරගය සදහා ක්‍රීඩා කිර...
මෙල්බර්න් ගිහින් ගෙනා සල්ලි පිල්ලි ගියාද...
2018-04-24 21:26:25
ඕස්ට්‍රේලියාවේ ගෝල්ඞ් කෝස්ට්හිදී පැවැති පොදු රාජ්‍ය මණ්ඩලීය ක්‍රීඩා උළෙලට සහභාගි වූ ශ්‍රී ලංකා මේසපන්දු කණ්ඩායම එම තරගාවලි...
රාජස්ථාන් පිල කඩුලු 3 කින් ජය ගනියි...
2018-04-22 22:13:33
ඉන්දීය ප්‍රිමියර් ලීග් තරගාවලියේ (2018) 21 වැනි තරගය ලෙස රාජස්ථාන් රෝයල්ස් කණ්ඩායම සහ මුම්බායි ඉන්දියන්ස් කණ්ඩායම අතර ජායිපූර්හිදී අද ...