. ඉන්දියාව කඩුලු 9 කින් ජය ගනියි | කෙළිමඬල
2018 ජූලි මස 16 වැනි සඳුදා
ඉන්දියාව කඩුලු 9 කින් ජය ගනියි
2017-10-07 23:41:16 | .

සංචාරක ඕස්ට්‍රේලියානු කණ්ඩායමට එරෙහිව අද (7 වැනිදා) පැවැති පළමු විස්සයි20 ජාත්‍යන්තර තරගයෙන් ඩක්වත් ලුවිස් න්‍යායට අනුව කඩුලු 9 ක ජයක් අත්කර ගැනීමට සත්කාරක ඉන්දීය කණ්ඩායම සමත් විය.

වර්ෂාව නිසා ඉන්දීය ඉනිම ඕවර 6 කට සීමා වූ අතර තරගය ජයගැනීම සඳහා ඔවුන්ට එහිදී ලකුණු 48 ක් රැස්කිරීම ට සිදුවිය. කඩුල්ලක් පමණක් දැවී ඕවර 5.3 කදී එම ඉලක්කය පසුකර ගිය ඉන්දීය ක්‍රීඩකයෝ තරගයෙන් පහසු ජයක් අත්කරගත්හ.

ශිකර් ධවාන් නොදැවී ලකුණු 15 ක්ද, විරාට් කෝලි නොදැවී ලකුණු 22 ක්ද රැස්කරමින් ඉන්දීය කණ්ඩායම ජයග්‍රහණය කරා රැගෙන ගිය අතර ඔවුන් දෙදෙනාගේම ඉනිම් වලට හතරේ පහර 3 බැගින් අන්තර්ගත විය.

පළමුවෙන් පන්දුවට පහරදුන් ඕස්ටේ්‍රලියානු කණ්ඩායම ඕවර 6.2 ක් අවසානයේ කඩුල්ලක් දැවී ලකුණු 55 ලබා සිටියද, තවත් ලකුණු 63 ක් තුළ ඔවුන්ගේ ඉතිරි කඩුලු 9 ම බිඳ හෙළීමට ඉන්දීය පන්දුයවන්නෝ සමත් වූහ.

ඕස්ට්‍රේලියානු ඉනිමේ වැඩිම ලකුණු ලාභියා වූ ඒරන් ෆින්ච් පන්දු 30 කදී හයේ පහරක් සහ හතරේ පහර 4 ක් සමගින් ලකුණු 42 ක් රැස්කරගෙන සිටියදී කුල්දීප් යාදව්ගේ පන්දුවක් කඩුල්ලේ වැදීමෙන් පිටියෙන් ඉවත් විය.


ඕස්ට්‍රේලියාව - ඕවර 18.4 කදී සියලු දෙනා දැවී 118
(ඒරන් ෆින්ච් 42, ග්ලේන් මැක්ස්වෙල් 17, ටිම් පේන් 17, කුල්දීප් යාදව් 16/2, ජස්ප්‍රීත් බුම්රා 17/2)
 
ඉන්දියාව - ඕවර 5.3 කදී කඩුල්ලක් දැවී 49
(ශිකර් ධවාන් නොදැවී 15, විරාට් කෝලි නොදැවී 22)

 

- 036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දිමුත් කරුණාරත්න වික්‍රමාන්විත පිතිහරඹයක...
2018-07-12 19:20:16
පිඹුරු දඩයමේ යන්නා ලෙසින් ප්‍රකට දිමුත් කරුණාරත්නගේ ඉවසිලිවන්ත වූත් වික්‍රමාන්විත වූත් පිතිහරඹයෙන් යන්තම් හිස ඔසවාගත් ශ්‍රී ලං...
ක්‍රොඒෂියාව කටින් ජයගැනීමේ උත්සාහයක ...
2018-07-10 21:30:57
  මූලික වටයේදී ආර්ජන්ටිනාව ගෝල 3-0 කින් පරාජය කරමින් ලයනල් මෙසීගේ ගෝල යන්ත්‍රය නැවැත්වූ තම කණ්ඩායමට හැරී කේන් පාලනය කිරීම...
ශ්‍රී ලංකාව ලකුණු 272 ක් ඉදිරියෙන්...
2018-07-13 13:09:47
ටෙස්ට් කණ්ඩායම් ශ්‍රේණිගත කිරීම අනුව ලෝකයේ අංක 2 හිමි කණ්ඩායම වුවත් දකුණු අප්‍රිකානු පිතිකරුවන් අල්ලේ නැටවූ රංගන හේරත් ප්‍රමුඛ...
ඩු ප්ලෙසී ගාල්ලේ ඇත්ත කතාව කියයි...
2018-07-15 10:25:11
දකුණු අප්‍රිකානු ක්‍රිකට් ඉතිහාසයේ අතිශය දරුණු පරාජයකට මුහුණ දුන් නමුත් ශ්‍රී ලංකා කණ්ඩායමට හිමිවිය යුතු ගෞරවය කිසි ලෙසකින් අව...