. ඕස්ට්‍රේලියානු පිල ගිය බස්රියට ගල් පහරක් | කෙළිමඬල
2018 ජනවාරි මස 23 වැනි අගහරුවාදා
ඕස්ට්‍රේලියානු පිල ගිය බස්රියට ගල් පහරක්
2017-10-11 19:20:12 | .

ඉන්දියාවට එරෙහිව ඊයේ (10 වැනිදා) ගුවහටි ක්‍රීඩාංගණයේදී පැවැති විස්සයි20 ක්‍රිකට් තරගය නිමා වීමෙන් අනතුරුව ඕස්ට්‍රේලියානු කණ්ඩායම නවාතැන් ගෙන සිටි හෝටලය වෙත යමින් සිටියදී මාර්ගය අසල සිටි අයෙක් විසිකළ ගලක් වැදීමෙන් ඕස්ට්‍රේලියානු කණ්ඩායම ගමන් ගන්නා බස් රථයේ වීදුරුවක් බිදී තිබේ.

උතුරු ඉන්දියාවේ ගුවහටි නගරය අසලදී සිදුවූ මෙම සිදුවීම සම්බන්ධයෙන් ඉන්දීය ක්‍රීඩා අමාත්‍යවරයා ඕස්ට්‍රේලියානු කණ්ඩායම වෙත සිය කණගාටුව ප්‍රකාශ කර තිබේ.

ඕස්ට්‍රේලියානු ක්‍රිකට් කණ්ඩායම ගෙවී ගිය මාස 2 තුළ මෙවන් සිදුවීමකට මුහුණදුන් දෙවැනි අවස්ථාව මෙය වන අතර ඉකුත් සැප්තැම්බර් මස බංග්ලාදේශයේදී පැවැති ටෙස්ට් තරගාවලියේ දෙවැනි තරගය ජය ගැනීමෙන් අනතුරුව නවාතැන් ගෙන සිටි හෝටලය වෙත යමින් සිටියදීද ඔවුන් මෙවැනිම සිදුවීමකට මුහුණ දුන්නේය.

“තරගය නිමා වීමෙන් අනතුරුව කණ්ඩායම හෝටලයට පැමිණෙමින් සිටියදී ගලක් වැදීමෙන් බස් රථයේ වීදුරුවක් බිඳීයාම නිසා අපි තැතිගැන්මකට පත් වුණා.” යැයි එම සිදුවීම සම්බන්ධයෙන් ඒරන් ෆින්ච් සිය ට්විටර් ගිණුමේ සඳහන් කර තිබිණ. බස් රථයේ වීදුරුව බිඳී ගොස් තිබූ අයුරුද ඔහු සිය ට්විටර් ගිණුමේ පළ කර තිබූ ඡායාරූපයේ දක්නට තිබිණ.

වෙඩි තැබීමේ ඉසව්වෙන් ඔලිම්පික් රිදී පදක්කම් ලාභියකු වන ඉන්දීය ක්‍රීඩා අමාත්‍ය රාජ්‍යවර්ධන් රාතෝර් මහතා පවසා සිටියේ වයස 17 න් පහළ පාපන්දු ලෝක කුසලාන තරගාවලිය සඳහා යොදා තිබූ ආරක්ෂාවට සමාන ආරක්ෂාවක් ඕස්ට්‍රේලියානු කණ්ඩායමට දී තිබූ බවයි.

“මෙම සිදුවීමෙන් අපේ ආරක්ෂක විධි විධානවල මට්ටම මනින්න බැහැ. ඕස්ට්‍රේලියානු කණ්ඩායමට ලබා දී තිබුණේ වයස 17 න් පහළ පාපන්දු ලෝක කුසලාන තරගාවලිය සඳහා ලබාදී තිබූ ආරක්ෂාවට සමාන ආරක්ෂාවක්.” යැයි එහිදී ඔහු වැඩි දුරටත් සඳහන් කර සිටියේය.

“විදේශික ක්‍රීඩක ක්‍රීඩිකාවන්ගේ සහ කණ්ඩායම්වල පෞද්ගලික ආරක්ෂාව ගැන අපි විශේෂ අවධානයක් යොමු කරනවා” යැයි අමාත්‍යවරයා සිය ටිවිටර් ගිණුමේ සඳහන් කර තිබිණ.

ඉන්දීය මාධ්‍ය වාර්තා කරන ආකාරයට මේ වන විටත් මෙම සිදුවීම සම්බන්ධයෙන් පුද්ගලයන් දෙදෙනක් අත්තඩංගුවට ගැනීමට පොලිසිය සමත්ව තිබේ.

බස් රථයේ වීදුරුව බිඳී ගියද ඉන් කිසිදු ක්‍රීඩකයකුට තුවාල සිදුවූයේ නැති බවත්, බස් රථය වෙත පැමිණි ගල ක්‍රිකට් පන්දුවක් පමණ ප්‍රමණයකින් යුත් ගලක් වුවත් ඉන් ක්‍රීඩකයන් මහත් තැතිගැන්මකට පත්වූ බවත් ඕස්ට්‍රේලියානු ක්‍රිකට් නිල වෙබ් අඩවියේ සඳහන් විය.

මේ වන විට කණ්ඩායම් දෙකම තරගය බැගින් ජයගෙන සිටීම නිසා දෙරට අතර පැවැත්වෙන තරග 3 කින් සමන්විත විස්සයි20 තරගාවලිය 1-1 ක් ලෙස සම තත්ත්වයේ පසුවන අතර කණ්ඩායම් දෙකටම තීරණාත්මක තෙවැනි සහ අවසන් තරගය ලබන සිකුරාදා (13 වැනිදා) හයිද්‍රාබාද්හිදී පැවැත්වීමට නියමිතය.
 

- 036

 


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
සිම්බාබ්වේට ලකුණු 12 ක ජයක්...
2018-01-17 18:45:02
බංග්ලාදේශයේදී පැවැත්වෙන තුන්කොන් ක්‍රිකට් තරගාවලියේ ඩකාහිදි පැවැති දෙවැනි තරගයේදී ශ්‍රී ලංකාවට එරෙහිව ලකුණු 12 ක ජයක් හිමිකර ග...
ශ්‍රී ලංකාවට කඩුලු 5 ක ජයක්...
2018-01-21 11:50:03
තිසර පෙරේරාගේ (නොදැවී 39 සහ 33/4) තුන් ඉරියව් දස්කම් හේතුවෙන් බංග්ලාදේශයේදී පැවැත්වෙන තුන්කොන් ක්‍රිකට් තරගාවලියේ ඩකා හ...
බංග්ලාදේශයට ලකුණු 163 ක දැවැන්ත ජයක්...
2018-01-19 17:45:39
ශ්‍රී ලංකාව, බංග්ලාදේශය සහ සිම්බාබ්වේ අතර බංග්ලාදේශයේ ශ්රේ බංග්ලා ක්‍රීඩාංගණයේදී පැවැත්වෙන තුන් කොන් ක්‍රිකට් තරගාවලියේ තෙවැනි...
හතුරුසිංහට අපි බය නෑ - මොර්ටසා...
2018-01-18 22:16:15
තමන්ගේ හිටපු පුහුණුකරුවා වන චන්දික හතුරුසිංහ මහතා ශ්‍රී ලංකා කණ්ඩායමේ පුහුණුකරුවා වීම සම්බන්ධයෙන් බංග්ලාදේශය බිය නොවන බව බංග්ලාදේශ එක්...
ශ්‍රී ලංකාව සහ බංග්ලාදේශය අතර තරගය...
කවුරු පුහුණුකරු වුනත් වැඩක් නෑ. අපේ අයට දැන් පණ නෑ. හොඳම වැඩේ ක්‍රිකට් ක්‍රීඩාවට දෙන තැන මදක් අඩු කරලා අනෙක් ක්‍රීඩා වලට තැන දෙන එකයි. දැන් ඉන්න කට්ටි...
බංග්ලාදේශයට ලකුණු 163 ක දැවැන්ත ජයක්...
ලංකාවේ ඔක්කොම අංජ බජල් ...
හතුරුසිංහගෙන් එඩිතර ප්‍රකාශයක්...
අසේල ගුණරත්න ටෙස්ට් කණ්ඩායමෙන් ඉවත් කිරීම ගැටළුවක්. ඉන්දියානු සංචාරයේ තරමක් අසාර්ථක වුණත් ඔහු ටෙස්ට් කණ්ඩායමේ සිටිය යුතුම සටන්කාමී ක්‍රීඩකයෙක්. ඉහල පව...
ශ්‍රී ලංකා පිල පිටත්ව යයි...
දැන් තමයි හොඳම ටීම් එක ඉන්නේ... සුබ පතමි...
මනසින් ගනුදෙනු කරන හතුරුසිංහ ...
නියමයි.. වෙන්න ඕනේ ඒ දේ තමයි... සුබපැතුම් !!! ...