. රොදර්හැම් තරගාවලිය ඉරිදා කළුතරදී | කෙළිමඬල
2017 ඔක්තෝබර් මස 24 වැනි අගහරුවාදා
රොදර්හැම් තරගාවලිය ඉරිදා කළුතරදී
2017-10-12 16:00:04 | ශානුක අරවින්ද

ශ්‍රී ලංකා මෝටර් රථ ක්‍රීඩා රියැදුරන්ගේ සංගමය සංවිධානය කරන 10 වැනි ‘රොදර්හැම්’ මෝටර් රථ සහ යතුරුපැදි තරගාවලිය මේ මස 15 වැනිදා පෙරවරු 8.30 සිට කළුතර, කටුකුරුන්ද ගුවන් හමුදා ධාවන පථයේදී පැවැත්වේ. 

මෙම තරගාවලිය මේ වසරේ (2017) සියැට් - ස්ලාඩා ශූරතාවලියේ අවසන් තරගාවලිය වන අතර මෝටර් රථ තරග 10 ක් සහ යතුරුපැදි තරග 5 ක් සමගින් එහිදී පැවැත්වීමට නියමිත ඉසව් ගණන 15 කි. මෙවර තරගාවලිය සඳහා මෝටර් රථ රියැදුරෝ 140 ක් සහ යතුරුපැදි කරුවෝ 90 ක් ලියාපදිංචි වී සිටිති. 

මෙවර රොදර්හැම් තරගාවලියේ විශේෂත්වය වන්නේ දක්ෂතම මෝටර් රථ රියැදුරා තෝරාගැනීම සඳහා වට 22 කින් සමන්විත ගෝන් ප්‍රී මෝටර් රථ තරගයක්ද, දක්ෂතම යතුරුපැදිකරුවා තෝරාගැනීම සඳහා වට 22 කින් සමන්විත මෝටර් ජී.පී. යතුරුපැදි තරගයක්ද පැවැත්වීමයි. 

ගෝන් ප්‍රී මෝටර් රථ තරගය සඳහා එල්. ජී. ටී. කාණ්ඩයේ (සිලින්ඩර ධාරිතාව 3500 දක්වා) මෝටර් රථ රියැදුරන් තරග වදින අතර මෝටර් ජී.පී. යතුරුපැදි තරගය සඳහා එම්. කාණ්ඩයේ සාමාන්‍ය සහ නවීකරණය කරන ලද (සිලින්ඩර ධාරිතාව 1000 දක්වා) යතුරුපැදිකරුවෝ තරග වදිති. 

දිවයිනේ ප්‍රධාන පෙලේ මෝටර් රථ රියැදුරන් වන අශාන් සිල්වා, පසිඳු පීරිස්, අරවින්ද ප්‍රේමදාස, උෂාන් පෙරේරා, සජාඞ් සුහේර් සහ දිනේෂ් ජයවර්ධන ඇතුළු තරගකරුවන් 20 ක් ගෝන් ප්‍රී තරගය සඳහා සහභාගි නියමිත අතර දිවයිනේ ප්‍රධාන පෙලේ යතුරුපැදිකරුවන් වන ශොයෙල් ඩැනියෙල්, ප්‍රමුඛ සේසත්, මධුරංග කල්දේරා, ශ්‍රියාන් සැමුවෙල්, ලතික ශාමල් සහ ශ්‍රියන්ත අනුරාධ ඇතුළු තරගකරුවන් 17 ක් මෝටර් ජී.පී. තරගය සඳහා සහභාගි නියමිතය. 

එම ඉසව් දෙක හැරුණු කොට මෙවර තරගාවලියේදී වැඩිම තරගකරුවන් පිරිසක් සහභාගි වන මෝටර් රථ ඉසව්ව වන්නේ එස්. එල්. එන්. කාණ්ඩයේ (සිලින්ඩර ධාරිතාව 1500 දක්වා) ෆෝඞ් ලේසර්/මැස්ඩා මෝටර් රථ ඉසව්වයි. එම ඉසව්ව සඳහා ලියාපදිංචි වී සිටින තරගයකරුවන් සංඛ්‍යාව 22 කි. වැඩිම තරගකරුවන් සංඛ්‍යාවක් සහභාගි වන යතුරුපැදි ඉසව්ව ලෙස එස්. එම්. කාණ්ඩයේ (සිලින්ඩර ධාරිතාව 450 දක්වා) සුපර් මෝටාඞ් යතුරුපැදි ඉසව්ව හැඳින්විය හැකි අතර ක්‍රීඩකයන් 12 දෙනෙක් එම ඉසව්ව සඳහා ලියාපදිංචි වී සිටිති. 

තරගාවලියේ ප්‍රධාන අනුග්‍රාහකයා ලෙස සියැට් සමාගම කටයුතු කරන අතර ගෝන් ප්‍රී මෝටර් රථ තරගයේ අනුග්‍රාහකයා ලෙස එඞ්වඞ් සහ ක්‍රිස්ටි සමාගමද, මෝටර් ජී.පී. යතුරුපැදි තරගයේ අනුග්‍රාහකයා ලෙස ඩිමාර්ක් සමාගමද කටයුතු කරයි. 
දෙවැනි ලෝක යුද්ධ සමයේ කටුකුරුන්ද ගුවන් හමුදා කඳවුරේ ප්‍රථම අණදෙන නිලධාරී ලෙස ක්‍රියා කළ කපිතාන් හැන්ක් රොදර්හැම් මහතා අනුස්මරණය කිරීම පිණිස 2007 වසරේදී මෙම තරගාවලිය ආරම්භ කර තිබේ. 

 


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
පාකිස්තානය එක්දින තරගාවලිය ජයගනී...
2017-10-18 23:00:23
ඉමාම් උල් හක්ගේ (100) පිතිහරඹයත් හසන් අලීගේ (34/5) පන්දු යැවීමත් හමුවේ අබුඩාබීහිදී අද (18 වැනිදා) පැවැති තෙවැනි එක්දින තරගයෙන් කඩුලු 7 ක ජ...
පිතිකරුවන්ගේ චිත්ත ධෛර්යයේ පරීක්‍ෂණයක්...
2017-10-19 21:17:07
ශ්‍රී ලංකාව සහ පාකිස්තානය අතර හෙට (20 වැනිදා) පැවැත්වෙන සිව්වැනි එක්දින තරගය ශ්‍රී ලංකා ක්‍රීඩකයන්ගේ චිත්ත ධෛර්යය පරීක්‍ෂා...
බාබර් - මලික් පාකිස්තානයට ජය ගෙනති...
2017-10-20 21:10:21
බාබර් අසාම් (නොදැවී 69) සහ ෂොයිබ් මලික් (නොදැවී 69) එක්ව සිවුවැනි කඩුල්ල සදහා පැවැත්වූ ලකුණු 119 ක නොබිදුණු සම්බන්ධතාව හේතුවෙන් සාජා ක්&zw...
ධනුෂ්කගේ තරග තහනම ලිහිල් කරයි ...
2017-10-17 21:30:26
ශ්‍රී ලංකා ක්‍රිකට් කණ්ඩායමේ ආරම්භක පිතිකරු ධනුෂ්ක ගුණතිලකට පනවා තිබූ ජාත්‍යන්තර තරග 6 ක තහනම සංශෝධනය කිරීමට ශ්‍රී ලංකා ක්...