. කොදෙව් කාන්තා පිල ශ්‍රී ලංකාව පරදවයි | කෙළිමඬල
2018 ජූනි මස 18 වැනි සඳුදා
කොදෙව් කාන්තා පිල ශ්‍රී ලංකාව පරදවයි
2017-10-12 17:29:14 | .

ශ්‍රී ලංකා කාන්තා කණ්ඩායම සහ බටහිර ඉන්දීය කොදෙව් කාන්තා කණ්ඩායම අතර ටි්‍රනිඩෑඞ්හි බ්‍රයන් ලාරා ක්‍රීඩාංගණයේදී ඊයේ (11 වැනිදා) පැවැති පළමු එක්දින තරගයෙන් කඩුලු 6 ක ජයක් අත්කර ගැනීමට කොදෙව් ක්‍රීඩිකාවෝ සමත් වූහ.

ජයග්‍රහණය සඳහා ලකුණු 137 ක ඉලක්කයක් හඹාගිය කොදෙව් කණ්ඩායම ඕවර 39 ක් අවසානයේ කඩුලු 4 ක් පමණක් දැවී එම ඉලක්කය පසුකර ගිය අතර මෙරිසා ඇගුයිලෙයිරා නොදැවී ලකුණු 32 ක්ද, කයිෂෝනා නයිට් නොදැවී ලකුණු 21 ක්ද රැස්කරමින් කොදෙව් කණ්ඩායම ජයග්‍රහණය කරා ගෙන ගියහ.

කොදෙව් කණ්ඩායමේ මුල් කඩුලු 2 ලකුණු 7 ක් තුළ බිඳ වැටුණද, හේලි මැතිව්ස් (22), චෙඩීන් නේෂන් (24) සහ ඩීන්ඩ්‍රා ඩොටින් (22) ලකුණු අතරට පැමිණෙමින් සිය කණ්ඩායමේ ජයග්‍රහණය සඳහා මනා අඩිතාලමක් දැමූහ.

දක්ෂ පන්දු යැවීමක නිරත වූ ශ්‍රී ලංකා කණ්ඩායමේ නායිකා ඉනෝකා රණවීර ඕවර 10 ක් යවමින් ලකුණු 27 කට කඩුලු 2 ක් දවාගත්තාය.
කාසියේ වාසිය දිනා පළමුවෙන් පන්දුවට පහරදුන් ශ්‍රී ලංකා කාන්තා කණ්ඩායමට ඕවර 49.4 ක් අවසානයේ සියලු දෙනා දැවී රැස්කරගත හැකි වූයේ ලකුණු 136 ක් පමණි. ශ්‍රී ලංකා කණ්ඩායමේ වැඩිම ලකුණු ලාභිණිය බවට පත් වූ යෂෝධා මෙන්ඩිස් පන්දු 72 කදී ලකුණු 34 ක් රැස්කළේය.

පිතිකාරිණියන් 8 දෙනෙක්ම ලකුණු 10 සීමාව ඉක්මවා යෑමට මත්තෙන් දැවීයාම ශ්‍රී ලංකා කණ්ඩායමට විශාල පාඩුවක් වූ අතර ශ්‍රී ලංකා ඉනිම නිමා වන තෙක්ම එක් අන්තයක් රැකගෙන පන්දුවට පහරදුන් ඩිලානි මනෝදරා පන්දු 74 කදී ලකුණු 28 ක් රැස්කළාය.

හේලි මැතිව්ස්, ස්ටැෆ්නි ටේලර් සහ අෆී ෆ්ලෙචර් කොදෙව් කණ්ඩායම වෙනුවෙන් කඩුලු 3 බැගින් දවාගනිමින් පන්දුවෙන් දස්කම් දැක්වූහ.

ශ්‍රී ලංකා කාන්තා පිල - ඕවර 49.9 කදී සියලු දෙනා දැවී 136
(යෂෝධා මෙන්ඩිස් 34, චමරි අතපත්තු 25, ඩිලානි මනෝදරා නොදැවී 28, හේලි මැතිව්ස් 18/3, ස්ටැෆ්නි ටේලර් 24/3, අෆී ෆ්ලෙචර් 42/3)

බ.ඉ. කොදෙව් කාන්තා පිල - ඕවර 39 කදී කඩුලු 4 ක් දැවී 138
(හේලි මැතිව්ස් 22, චෙඩීන් නේෂන් 24, ඩීන්ඩ්‍රා ඩොටින් 22, මෙරිසා ඇගුයිලෙයිරා නොදැවී 32, කයිෂෝනා නයිට් නොදැවී 21, ඉනෝකා රණවීර 27/2)

-036

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකාව පසු පාදයේ ඇරඹුමක...
2018-06-13 19:08:48
පළමු තරගයේදී ලද ඛේදජනක පරාජයෙන් පසුව දෙවැනි තරගයේදී හිස ඔසවන්නේ කෙසේද යන්න සිතමින් සිටි ශ්‍රී ලංකා පිලට වැදුණේ තවත් මරු පහරකි. දෙවැනි ...
මැතිව්ස් - ගමගේ ආපසු එති...
2018-06-13 11:32:59
හිටපු ටෙස්ට් ක්‍රිකට් නායක මෙන්ම කණ්ඩායමේ සිටින ජ්‍යෙෂ්ඨ පිතිකරුවකු වන ඇන්ජලෝ මැතිව්ස් සහ වේගපන්දු යවන ක්‍රීඩක ළහිරු ගමගේ...
පළමු සිවුදින තරග දෙකේ නායකත්වය දිමුත්ට...
2018-06-12 16:34:10
මේ මස 23 වැනිදා බංග්ලාදේශය බලා පිටත්ව යෑමට නියමිත 15 දෙනෙකුගෙන් සමන්විත ශ්‍රී ලංකා ‘ඒ’ කණ්ඩායමේ නායකත්වයට ටෙස්ට් පිතිකරු ද...
කොදෙව්වෝ වසර 10 කට පසු ශ්‍රී ලංකාව පරදවති...
2018-06-11 10:22:52
සංචාරක ශ්‍රී ලංකා කණ්ඩායමට එරෙහිව ක්වීන්ස් පාක් ඕවල් ක්‍රීඩාංගණයේදී පැවැති පළමු ටෙස්ට් තරගයෙන් ලකුණු 226 ක ජයක් අත්කර ගැනීමට බටහිර...