. පාපැදි නිලවරණය නොවැම්බර් 12 දා | කෙළිමඬල
2018 පෙබරවාරි මස 20 වැනි අගහරුවාදා
පාපැදි නිලවරණය නොවැම්බර් 12 දා
2017-10-12 21:21:20 | නාමල් පතිරගේ

ක්‍රීඩා අමාත්‍යාංශයේ දී අද (12) පැවැති ශ්‍රී ලංකා පාපැදි සම්මේලනයේ මධ්‍යම කමිටු රැස්වීමේදි ගනු ලැබූ තීරණයන්ට අනුව එහි නිලවරණය  (2017 - 21) ලබන නොවැම්බර් 12 වැනිදා කැඳවීමට තීරණය වී තිබේ.

ක්‍රීඩා ඇමැති දයාසිරි ජයසේකර මහතාගේ ප්‍රධානත්වයෙන් රීඞ් මාවත ක්‍රීඩා අමාත්‍යාංශ ශ්‍රවණාගායේදි පස්වරු 2.00 ට ආරම්භ වූ පාපැදි සම්මේලනයේ  මධ්‍යම කමිටු රැස්වීම පස්වරු 6.30 දක්වා ඇදි ගියේය. එහිදි ගනු ලැබූ තීරණයන්ට අනුව මීළඟ පාපැදි නිලවරණයට සහභාගි කර ගන්නා ක්‍රීඩා සමාජ හා දිස්ත්‍රික් සංගම් පිළිබඳව අවසන් තීරණයක් ගැනීමේ බලය ක්‍රීඩා අමාත්‍යාංශයට පවරා තිබේ.

ඒ සම්බන්ධයෙන් කරුණු අධ්‍යයනය කර තීරණයක් ගැනීම ක්‍රීඩා නියෝජ්‍ය අධ්‍යක්‍ෂ ආර්.බී. වික්‍රමසිංහ මහතාට පවරා තිබෙන අතර ඔහු සිය නිගමන ලබන සඳුදා (16) වනවිට ලබාදීමට නියමිතය.

ක්‍රීඩා සමාජ හා දිස්ත්‍රික් සංගම් ගණනාවක් අක්‍රියවීමේ චෝදනා මත එළඹෙන නිලවරණයෙන් ඉවත් කර තිබෙන අතර එකී ක්‍රීඩා සමාජ එම තීරණය යළි සලකා බලන ලෙස ඉල්ලා  අභියාචනා ගොනු කර තිබේ. අද පැවැති මධ්‍යම කමිටු රැස්වීමට ක්‍රීඩා සමාජ හා සංගම්  47ක් සහභාගි විය.

ලබන නොවැම්බර් මාසයේදි පැවැත්වෙන ඉන්දුනිසියානු විවෘත පාපැදි සවාරියට ශ්‍රී ලංකාවෙන් කණ්ඩායමක් සහභාගි කිරීමට ගනු ලැබූ තීරණයට අනුව නම් කෙරෙන ශ්‍රී ලංකා වයස 23න් පහළ කණ්ඩායමේ කළමනාකර ලෙස උපුල් චන්දන ප්‍රියනාත් මහතාත් පුහුණුකරු ලෙස ටියුඩර් විජේසුරිය මහතාත් පත් කිරීමට ඊයේ මාධ්‍යම කමිටු රැස්වීමේදී අනුමැතිය ලැබී තිබේ. මේ අතර ඊයේ පාපැදි මධ්‍යම කමිටු රැස්වීමේදි අදහස් දැක්වූ ශ්‍රී ලංකා පාපැදි සම්මේලනයේ සභාපති වෛද්‍ය අමල් හර්ෂ ද සිල්වා මහතා එහි තාක්‍ෂණික කමිටුවේ සභාපති ධුරයෙන් අන්තර් ජාතික පාපැදි විනිසුරු එන්. කරුණාරත්න මහතා ඉවත්කිරීමට ගත් තීරණය ගැන සිය කනගාටුව පළකර සිටි බව වාර්තාවේ.

එම තීරණය මෙරට පාපැදි ක්‍රීඩාවේ ඉදිරි ගමනට හිතකර නොවුන බවට තමන් දැන් පිළිගන්නා බව එහිදී වැඩිදුරටත් අමල් හර්ෂ ද සිල්වා මහතා ප්‍රකාශ කර තිබේ.

මවුන්ටන් පාපැදි සංගමයේ සභාපති අමල් සුරියගේ මහතා එහිදී ප්‍රකාශ කර ඇත්තේ මීළඟ තාක්‍ෂණ කමිටුවේ සභාපති ධුරය කරුණාරත්න මහතාට ප්‍රදානය කළ යුතු බවයි.

 


නම :
විද්‍යුත් තැපැල් ලිපිනය :
ඔබේ ප‍්‍රතිචාර :
අවදානමෙන් ගැලවෙන්න ශ්‍රී ලංකාව ජය සොයයි ...
2018-02-14 18:39:38
බංග්ලාදේශය, පාකිස්තානය සහ ඉන්දියාව හමුවේ පිට පිටම ලද විස්සයි20 තරග 8 ක පරාජයන් පසෙකලා, මාසයකට ආසන්න කාලයක් තුළ බංග්ලදේශයේදී ලැබූ සාර්ථකත්ව...
පිතිකරුවෝ ශ්‍රී ලංකාව දිනවති...
2018-02-15 16:44:38
ශ්‍රී ලංකාව සහ බංග්ලාදේශය අතර ඩකාහි ශ්‍රේ බංග්ලා ක්‍රීඩාංගණයේදී අද (15 වැනිදා) පැවැති පළමු විස්සයි20 ක්‍රිකට් තරගයෙන් කඩුල...
ශ්‍රී ලංකාවට සටනකින් තොර ජයක්...
2018-02-18 16:52:41
බංග්ලාදේශ ක්‍රීඩකයින්ගෙන් සටන්කාමී ක්‍රීඩා විලාශයක් දක්නට නොලැබීම හේතුවෙන් ශිලාත්හිදි අද (18 වැනිදා) පැවැති දෙවැනි සහ අවසන් විස්සය...
කුසල් පෙරේරා වෙනුවට කුසල් මෙන්ඩිස් කැඳවයි ...
2018-02-13 20:06:10
බංග්ලාදේශයට එරෙහිව පැවැත්වෙන විස්සයි20 ක්‍රිකට් තරගාවලිය සඳහා නම් කරන ලද ශ්‍රී ලංකා සංචිතයට ඇතුළත්ව සිටි ආරම්භක පිතිකරු කුසල් පෙරේ...